Sálmmaid girji 8

₂Hearrá, min Ipmil, man veagalaš

du namma lea eatnama alde,

don leat lebben hearvásvuođat albmái!

₃Uhcahaččaid

ja njammimánáid njálmmis

don leat vuođđudan alccesat

suoji vašálaččaidat vuostá,

vai beasat bissehit juohke vuostálasti

ja mávssaheaddji.

₄Go mun oainnán du almmi

maid du suorpmat leat dahkan,

mánu ja násttiid

maid don leat ráhkadan,

₅de mii dalle lea olmmoš,

go don muittát su,

olbmománná,

go don anát sus fuola?

₆Don dahket su goasii Ipmila

láhkásažžan,

kruvnnidit su hearvásvuođain

ja gudniin.

₇Don diktet su ráđđet

gieđaidat daguid,

bidjet buot su julggiid vuollái:

₈Sávzzaid ja vuovssáid, buot omiid,

velá meahci spiriidge,

₉almmi lottiid ja meara guliid,

buot mat johtet meara bálgáid.

₁₀Hearrá, min Ipmil,

man veagalaš du namma lea

oppa eatnamis!