Sálmmaid girji 11

Hearrái mun dorvvastan.

Mo dii sáhttibehtet dadjat munnje:

“Báhtar várrái dego loddi!

₂Ipmilmeahttumat geldet dávggi,

njuolla lea juo gárvvisin,

seavdnjadin sii áigot báhčit dan

gean váibmu lea vuoigatlaš.

₃Go vuođđu gaikkoduvvo,

maid dalle vanhurskkis sáhttá dahkat?”

₄Hearrá lea bassi tempelisttis,

su truvdnu lea almmis.

Su čalmmit oidnet buot,

son guorahallá olbmuid

geahčastagainis.

₅Hearrá dutká vuoigatlaččaid

ja ipmilmeahttumiid.

Son vašuha daid geat ráhkistit

veahkaválddi.

₆Ipmilmeahttumiid ala

son arvviha

buolli hilaid ja riššaid,

boaldi báhkka biegga lea sin oassi.

₇Hearrá lea vanhurskkis,

son ráhkista vuoigatlaš daguid.

Vuoigatlaččat besset oaidnit

su muođuid.