Kii Jeesus lii?
Juhánâs Kästee koččâmâš Jeesusân
1Ko Jeesus lâi adelâm puoh täid ravvuid kyevtnubálov máttááttâspáárnán, sun vuolgij ton kuávlu eres kaavpugáid máttááttiđ já särnidiđ.
2Ko Juhánâs faŋgâlist kuulâi Kristus tavoin, te sun vuolgâttij máttááttâspárnáidis 3koijâdiđ: »Lah-uv tun tot, kii kolgâččij puáttiđ, vai kolgâp-uv mij vyerdiđ iärrás?» 4Jeesus västidij sijjân: »Mainâstiđ Juhánâsân, maid tij kulâvetteđ já uáinivetteđ:
5Čalmettemeh uážžuh uáinus, já jamâstum ulmuuh väzzih,
spiitaalliih putásmeh já peljittemeh kuleh,
jämmeeh iällááttuvvojeh, já kievhijd särniduvvoo ilosaahâ.
6Avdâgâs tot, kote ij muu tuástu.»
Jeesus sárnu Juhánâs Kästest
7Ko sij lijjii moonnâm, te Jeesus sárnuškuođij ulmuid Juhánâsâst:
»Maid tij vuolgijd ävđinkuávlun keččâđ? Rääsi-uv, mon pieggâ luvvá? 8Vâi maid tij vuordijd, et uáinivetteđ? Fijnâ pihtâsáid kárvuđâttâm almaa? Kunâgâsâi loonijn tij kavnâvetteđ taid, kiäh fijnotteleh pihtâsijdisguin! 9Maid tij tastoo vuordijd, et uáinivetteđ? Proofeet-uv? Eidu nuuvt, já mun eeđâm tijjân, et sun lii eenâb-uv ko proofeet. 10Sun lii tot, kiäst lii čallum:
– Mun vuolgâttâm jieččân sänisättee tuu oovdâst,
sun vaalmâšt kiäinu tunjin.
11»Tuođâi: ohtâgin nisonist šoddâm ij lah lamaš stuárráb ko Juhánâs Kästee, mut puoh ucemus, mii lii oolmij väldikoddeest, lii stuárráb ko sun. 12Juhánâs Kästee peeivij rääjist oolmij väldikodde lii lamaš puátimin uáinusân, já motomeh keččâleh viehâváldálávt rovgiđ tom olssis. 13Puoh profeteh já laahâ láá Johannes räi lamaš ennustâs, 14já oskođ teikâ elleđ: eidu sun lii Elia, kote koolgâi puáttiđ. 15Kiäst láá peeljih, tot kulos.
16»Moos mun verdidiččim taam suhâpuolvâ? Tot lii tego markkânsoojijn čokkájeijee párnááh, kiäh čuárvuh kuáimásis: 17’Mij čuojâttijm tijjân huuilu, mut tij eppeđ tánssám, mij toolâim murâštuáluid, mut tij eppeđ čiärrum mieldi.’ 18Juhánâs poođij, sun ij puurâ ige juuvâ, já ulmuuh eteh: ’Sust lii paas jieggâ.’ 19Ulmuu Alge poođij, sun porá já juhá, já ulmuuh eteh: ’Maggaar porree já juhhee, publikaanij já eres suddogâsâi ustev!’ Mut Vijsesvuođâ tavoin Vijsesvuotâ tobdoo!»
Jeesus šyeimid Galilea kaavpugijd
20Talle Jeesus šyeimidškuođij taid kaavpugijd, main sun lâi iänááš vyeimitavoidis toohâm, tast, et toh iä lamaš jorgettâm Immeel piälán:
21»Vuoi tun, Korasin! Vuoi tun, Betsaida! Jis tunnuu kááđuin toohum vyeimitavoh liččii toohum Tyrosist teikâ Sidonist, te toi ässeeh liččii áigáá jo kárvudâttâm seekân, pieijâm kuunâ uáivis oolâ sehe jorgettâm Immeel piälán. 22Mun eeđâm tijjân: Tyros já Sidon peessâv tuámupeeivi älkkeebeht ko tij.
23»Já maht tun, Kapernaum, loptejuuh-uv tun maka aalman? Vuálus tun nurdâstuuh, vuálus jäämmim väldikode räi! Tastko jis toh vyeimitavoh, moh láá tábáhtum tust, liččii tábáhtum Sodomast, te tot ciävzáččij ain onnáá peeivi-uv. 24Mun eeđâm: Sodoma eennâm piäsá tuámupeeivi älkkeebeht ko tun.»
Immeel syeligâsvuođâ tubdâm
25Ton ääigi Jeesus ohtii sárnuškuođij já eeđâi:
»Mun alestâm tuu, Eeči, alme já eennâm Hiärrá, tast et lah annaam taam čiähusist vijsáin já oppâm ulmuin já almottâm tom párnái sullâsáid. 26Näävt tun, Eeči, lah pyerrin uáinám.
27»Puoh lii Iäččám adelâm muu haaldun. Kihheen eres ko Eeči ij tuubdâ Alge, ige Eeji tuubdâ kihheen eres ko Alge, já tot, kiäs Alge táttu suu almottiđ.
28»Puáttiđ muu kuuvl, puoh tij, kiäh leppeđ porgâmist já noođijn sillum. Mun adelâm tijjân vuoiŋâstâs. 29Väldiđ muu kuáddámuš ärdeidâd oolâ já keččâđ muu: mun lam váimustân lääđis já vyeligâš. Näävt tii siälu kávná vuoiŋâstâs. 30Muu kuáddámuš lii pyeri kyeddiđ, já muu kyermi lii keppis.»
