Davvisámegiel Biibbal 2019 (Biibbal)
15

Sálbma 15

151

15,1
23,6
24,3č
26,8
27,4
84,25
15,1 du goahtái Hearrá tempelii. Gč. 2 Sam 7,6.Davida sálbma.

Hearrá, gii oažžu boahtit du goahtái,

gii beassá ássat du bassi váris?

2

15,2
Jes 33,15
Sak 8,16č
Dat gii lea rehálaš

ja dahká dan mii lea riekta,

gean váibmu lea vuoigat

ja ságat duođat.

3

15,3
3 Mos 19,16
Sál 50,20
101,5
Jer 9,8
Esek 22,9
Dat gii ii sártno sealggebealde,

ii daga baháid lagamužžasis

iige heahppášuhte siidaguoimmis.

4

15,4
Jos 9,19
Sál 22,24
15,4 hilgojuvvon olbmo Gč. 53,6.Dat gii badjelgeahččá

hilgojuvvon olbmo,

muhto gudnejahttá daid

geat ballet Hearrás.

Dat gii doallá váli vaikko iežas vahágin.

5

15,5
2 Mos 22,25
3 Mos 25,36
5 Mos 23,19č
Sát 28,8
Dat gii ii gáibit loanas reanttu

iige leat duolgumis vigiheami vahágin.

Dat gii ná eallá, ii goassege suoibbo.

16

Sálbma 16

161

16,1
7,2
16,1 miktam sáhttá jorgaluvvot “soabahussálbma”.Davida miktam.

Várjal mu, Ipmil,

dasgo mun dorvvastan dutnje.

2

16,2
73,25č
16,2–4 Masorehtalaš teaksta ii leat čielggas.Mun dajan Hearrái:

“Don leat mu Hearrá,

mus ii leat mihkkege buriid earret du.”

3Eatnama bassi olbmuide

son čájeha iežas ovddolaš ráhkisvuođa,

4

16,4
2 Mos 20,3
23,13
Jos 23,7
muhto ollu leat bákčasat dain

geat huovidit eará ipmiliid maŋŋái.

Mun in golggat varraoaffara daidda

inge váldde njálbmái daid namaid.

5

16,5
119,57
142,6
Váid 3,24
16,5–6 árbeoassi, vuorbbi, árbbi Sánit adnojuvvojit muđui go lea sáhka eatnama juogadeamis. Gč. 4 Mos 18,20.Hearrá, don leat mu árbeoassi

ja mu cearki,

don mearridat mu vuorbbi.

6Mun lean ožžon iežan oasi

čáppa eatnamis, duođaid,

hearvás árbbi mun lean ožžon.

7Mun máinnun Hearrá

guhte rávve mu,

velá ihkkuge mun gulan su rávvagiid

siskkildasastan.

8

16,8
73,23
Apd 2,25eč
Mun muittán Hearrá álelassii.

Go son lea mu olgeš bealde,

de mun in goassege suoibbo.

9Danne mu váibmu illuda

ja mu siellu ávvuda,

velá mu rumašge lea oadjebas.

10

16,10
Apd 13,35
Don it hilggo mu sielu

jábmiidáibmui,

don it suova iežat oskkáldas

bálvaleaddji oaidnit hávddi.

11

16,11
17,15
21,7
Don válddahalat munnje

eallima geainnu,

du muođuid ovddas

lea ilu dievasvuohta,

agálaš ávvu du olgeš gieđa bealde.

17

Sálbma 17

171

17,1
18,2125
Davida rohkadus.

Hearrá, gula mu vuoigatlaš ášši,

fuomáš go mun čuorvvun.

Guldal mu rohkadusa – dat boahtá

vuoigadis baksamiin.

2Dus mun vuorddán vuoigatvuođa.

Du čalmmit oidnet mii lea duohta.

3

17,3
7,10+
Don geahččalat mu váimmu,

iskkadat dan ihkkunai,

don guorahalat mu,

muhto it gávnna mus vearrivuođa.

Mun in suddut njálmmiinan

4olbmuid láhkái.

Du sáni mielde mun lean váruhan

veahkaválddálaččaid bálgáin.

5

17,5
Job 23,11
Mun lean vádjolan du luottaid,

mu juolggit eai leat suibbodan.

6Mun čuorvvun du, Ipmil,

ja don vástidat munnje.

Guldal mu, gula mu sániid,

7čájet munnje iežat ovddolaš

buorrevuođa.

Don beasttát olgeš gieđainat

daid geat báhtarit vašálaččain

ja ohcet suoji du luhtte.

8

17,8
5 Mos 32,10č
Sál 36,8
57,2
61,5
63,8
91,4
Sak 2,12
Várjal mu dego čalbmegáhkát,

čiega mu soajáidat suoivanii

9ipmilmeahttumiin

geat fallehit mu,

jápminvašálaččain

geat birastahttet mu.

10Sii leat garradan váimmuset

ja váldán njálbmái čeavlás sániid.

11Dál sii birastahttet mu

gosa ain manan,

sii fáktejit mu

ja dáhttot časkit mu eatnamii.

12

17,12
7,3+
Sii leat dego gaikkodeaddji

nealgeledjon,

nugo vuođgŋi beahtu.

13

17,13
3,8+
Čuožžil, Hearrá!

Vuosttil vašálačča ja časkke su eatnamii!

Beastte mihkiinat mu heakka

ipmilmeahttumis.

14Hearrá, beastte mu gieđainat

dán máilmmi olbmuin,

dain geat leat ožžon

bálkkáset dán eallimis.

Muhto gallet daid

geaid don suodjalat,

divtte sin gallánit

ja guođđit valljugasvuođa

mánáidasaset.

15

17,15
Job 19,27
Sál 16,111 Joh 3,2
Mun beasan oaidnit du muođuid

danne go mun lean vuoiggalaš.

Go gohccán, de mun gallánan

du muođuid oaidnimiin.