Irgi

5¹

Mun boađán gilvvagárdásan

ja čoakkán iežan myrra ja balsama.

Mun boran iežan honnega

ja honnetgáhku,

jugan iežan viinni ja mielkki.

Earát

Borri, ustibat!

Gárihuvvi ráhkisvuođas!

Moarsi

²Mun ođđen, muhto mu váibmu gozii.

Gullet, mu ráhkis goalkkuha!

“Oappážan, buorážan,

mu duvvá, iežan fávru, rabas munnje!

Suoldni lea láktadan mu vuovttaid,

ija goaikkanasat leat njuoskadan

mu smarvviid.”

³Mun lean nuollan biktasa,

galggašingo mun fas gárvodit?

Mun lean bassan julggiid,

galggašingo mun fas daid duolvadit?

⁴Mu ráhkis geige gieđa láseráiggi,

mu siskkildas lihkahuvvui.

⁵Mun čuožžilin rahpat ráhkkásasan,

ja myrra goaiku mu gieđain.

Mu suorpmain golgá myrra uksagevjii.

⁶

muhto son lei mannan.

Mun heađástuvven – son lei jávkan!

Mun ohcen su, muhto in gávdnan,

mun čurvon, muhto ii son vástidan.

⁷

Sii cábme mu, hávvádahtte mu

ja válde mus oalgeliinni,

gávpoga goziheaddjit!

⁸

mun vuortnuhan din:

Jos dii gávdnabehtet mu ráhkkása,

de muitalehket sutnje

ahte mun lean buohccin ráhkisvuođas!

Earát

⁹Mo du ráhkis lea earáid buoret,

don nissoniin čábbámus?

Mo du ráhkis lea earáid buoret,

go don nie vuortnuhat min?

Moarsi

¹⁰Mu ráhkis lea ođđavarat

ja ruksesnierat,

earenoamáš logiduháha gaskkas.

¹¹Su oaivi lea fiidnámus golli láhkásaš,

su smarvvit dego daddelgihput,

čáhppadat nugo gáranas.

¹²

golgi ádjagiid guoras,

nugo duvvát mat leat lávggodan mielkkis

ja čohkkájit valljugasvuođa ravddas.

¹³Su nierat leat dego

njálggahájat urttasbeaŋkkat

main máisttaurtasat šaddet.

Su baksamat leat lilját,

dain goaiku golgi myrra.

¹⁴Su gieđat leat krysolihtaiguin

čiŋahuvvon gollesoappit,

su čoavji dego elefántabátnegalba

man hearvan leat safirat.

¹⁵Su juolggit leat alabasterbáccit,

gollevuođđudusa ala ceggejuvvon.

Son lea oaidnit dego Libanon,

hearvái nugo sedermuorra.

¹⁶Su njálbmi njálggiida,

son lea čielga liekkusvuohta.

Dákkár lea mu ráhkis,

dákkár lea mu ustit, Jerusalema nieiddat!