Sálbma 31
31131,1 Koarrajođiheaddjái >4,1.Koarrajođiheaddjái. Davida sálbma.
2
Hearrá, dutnje mun dorvvastan,
ale divtte mu goassege
šaddat heahpadii.
Don leat vanhurskkis, beastte mu.
3
Jorgal bealji mu beallái,
doama gádjut mu!
Leage mu bákti gosa sáhtán báhtarit,
ladni gos mun gávnnan bestojumi.
4
Don leat mu bákti ja ladni,
namat dihte don láidet
ja oahpistat mu.
5
Don gálggat mu fierpmis
maid vašálaččat bidje mu ovdii.
Don leat mu suodji.
6
Apd 7,59
Du gihtii mun attán vuoigŋan,
don lonistat mu, Hearrá,
don oskkáldas Ipmil.
7
Jer 10,14č
Jona 2,9
Mun vašuhan daid geat bálvalit
vearri ja duššálaš ipmiliid.
Mun dorvvastan dutnje, Hearrá.
8Mun ávvudan ja illudan
du árbmugasvuođas,
dasgo don leat oaidnán mu heađi
ja veahkehan mu mu áŧestusas.
9
Don it addán mu vašálačča gihtii,
muhto bidjet mu julggiid jalgadassii.
10
Sál 6,8
Hearrá, leage munnje árbmugas,
mun lean heađis.
Bahča moraš lea sotnadan
mu čalmmiid,
mu siellu ja rumaš lea váiban.
11Mu eallin vássá morrašis,
mu jagit jávket šuohkkimiin.
Mu fápmu nohká heađi geažil,
mu dávttit sotnet.
12
Mun bilkiduvvon,
mun lean váivin
siidaguimmiidasan.
Mun lean šaddan balddonassan
oahppásiiddásan,
dat geat oidnet mu gáhtas,
báhtarit mus.
13Mun lean vajálduhttojuvvon
dego livččen jápmán,
mun lean nugo cuovkanan lihtti.
14
Jer 20,10
Mun gulan olbmuid savkkuheamen.
Mu birra leat balddonasat,
sii lihtodit mu vuostá
ja vigget goddit mu.
15
118,28
140,7
Hearrá, mun dorvvastan dutnje,
mun cealkkán: Don leat mu Ipmil.
16
Mu eallinbeaivvit leat du gieđas,
gájo mu vašálaččain geat
doarrádallet mu.
17
Sál 67,2
31,17 Divtte du muođuid čuovgat >4,7.Divtte du muođuid čuovgat
bálvaleaddjásat,
don leat árbmugas, beastte mu.
18
Hearrá, ale divtte mu šaddat heahpanit
go mun čuorvvun du.
Divtte ipmilmeahttumiid heahpanit
ja mannat jávohaga
jábmiidáibmui.
19Vare jávohuvaše gielis baksamat
mat roavvásit sivahallet vigiheami
ja badjelgeahččamiin sárdnot
vanhurskása vuostá.
20
57,2
Man stuoris lea du buorrevuohta
maid leat vurken daid várás
geat ballet dus!
Olbmuid oaidnut don čájehat
buorrevuođa daidda geat
dorvvastit dutnje.
21
Don čiegat sin suodjásat,
válddát sin dorvui goahtásat.
Dohko eai olat olbmuid juonat
eaige sivahalli ságat.
22Máidnojuvvon lehkos Hearrá!
Son čájehii munnje ovddolaš buorrevuođa
go mun ledjen heađis.
23
Jona 2,5
Mun jurddašin balus:
“Mun lean nordaduvvon eret
du čalmmiid ovddas.”
Muhto don gullet mu njuoras rohkosa
go mun čurvon dutnje.
24
Ráhkistehket Hearrá,
buot su bálvaleaddjit!
Hearrá várjala oskkáldas olbmuidis,
muhto mávssaha ollásit
daidda geat čevllohallet.
25
Lehket dorvvolaččat ja gievrrat,
dii buohkat geat vuordibehtet Hearrá!
Sálbma 32
321
Davida oahpahansálbma.
Ávdugas dat gean rihkkumat
leat ándagassii addojuvvon,
gean suttut leat čihkkojuvvon.
2Ávdugas dat olmmoš
geasa Hearrá ii logahala suttu
ja gean vuoiŋŋas ii leat
behtolašvuohta.
3Nu guhká go mun orron jávohaga,
de mu dávttit sotne,
mun luibmen geažos beaivvi.
4Du giehta dettii mu
lossadit ijatbeaivái.
Mu vuoibmi jávkkai dego
lávttadas geasi báhkas. Sela
5
24,10
Sát 28,13
1 Joh 1,9
Mun dovddastin suddon dutnje,
mun in čiehkan rihkkumiiddán.
Mun dadjen: “Mun dovddastan
suttuidan Hearrái.”
Ja don váldet eret
mu suddovealggi. Sela
6Dan dihte du oskkáldas olbmot
rohkadallet du áŧestusa áiggi.
Vaikko stuorra čázit badjánivčče,
de dat eai olat sin.
7Don leat mu suodji,
don várjalat mu áŧestusas,
don divttát bestojumi ávu
čuodjat mu birra. Sela
8
Jes 48,17
Mun oahpahan du
ja čájehan dutnje geainnu
man galggat vádjolit,
mu čalmmit gehččet du lávkkiid.
9
Sát 26,3
Ale leage dego jierpmehis eallit,
nugo heasttat dahje mulat
maid ferte dápmat suittiiguin
ja njálbmeruvddiiguin,
muđui dat eai boađe du lusa.
10
Sát 12,21
Ipmilmeahttumis leat ollu váivvit,
muhto Hearrá árbmu
birastahttá dan gii dorvvasta Hearrái.
11
Hab 3,18
Fil 4,4
Illudehket Hearrás!
Ávvudehket, dii vanhurskásat!
Čurvot ávus, dii geaid váibmu
lea vuoigatlaš!
Sálbma 33
331
Bajidehket ávvučuorvasa Hearrái,
dii vanhurskásat,
vuoigatlaččat, lávlot Hearrá máidnuma!
2
81,3č
98,5č
144,9
147,7
149,3
150,3eč
33,2 lyrain hebreagillii kinnor, streaŋgačuojanas mii sulastahttá gitára dahje hárppa.Rámidehket su lyrain,
čuojahehket sutnje logisuonat hárppain.
3
96,1
98,1
Lávlot Hearrái ođđa lávlaga,
čuojahehket čábbát ja čurvot ilus.
4
1 Sam 15,29
Tit 1,2
Hearrá sátni lea duohta,
son lea oskkáldas buot das maid dahká.
5Son ráhkista vuoigatvuođa
ja vanhurskkisvuođa,
su oskkáldasvuohta deavdá eatnama.
6
2,1
33,6 daid veaga násttit dahjege eŋgelat. ▶ almmi veahka.Hearrá lea sániinis
sivdnidan almmi,
daid veaga iežas njálmmi
vuoiŋŋanasain.
7
Job 38,8
Sál 104,7eč
Dego lihttái son čohkkii
meara čáziid,
bijai čiekŋalasaid rávnnjiid
vuorkkáidasas.
8Ballos Hearrás oppa máilbmi,
doarggistehkoset su ovddas
buot eatnama ássit.
9
Sál 148,5
Son sártnui, ja dat šattai,
son gohčui, ja dat dáhpáhuvai.
10
Job 5,12
Hearrá moive álbmogiid
áigumušaid,
dahká duššin olbmuid čearddaid
jurdagiid.
11
Jes 46,10
Hearrá áigumuš bissu agálaččat,
su váimmu jurdagat buolvvas bulvii.
12
Ávdugas dat álbmot
man Ipmil Hearrá lea,
dat álbmot maid son lea válljen
opmodahkanis.
13
Almmis Hearrá geahččá eatnamii
ja oaidná juohke olbmo.
14Truvnnustis son geahččá
buohkaide geat ásset
eatnama alde,
15
geaid váimmu son lea dahkan.
Sin daguid son dovdá visot.
16
Sál 147,10
Ii gonagas vuoitte
stuorra veagainis,
eai jálu gájo su iežas searat.
17
Sát 21,31
Ii oktage sáhte luohttit
heastta gádjut su,
ii dat beastte ovttage
gievravuođainis.
18
37,18č
111,5
Muhto Hearrá goziha daid
geat ballet sus,
daid geat luhttet su oskkáldasvuhtii.
19
Son čoavdá sin jápmimis
ja gádju sin nealggis.
20
Mii vuordit Hearrá áibbašemiin,
son lea min veahkki ja min galba.
21Son lea min váimmu illu,
mii dorvvastit su bassi nammii.
22Hearrá, árpmit min,
dasgo mii vuordit du.
