Davvisámegiel Biibbal 2019 (Biibbal)
5

Bosttahuvvon olmmái

515,1 Gerasa eatnamii guovlu Gennesaretjávrri nuortalulábealde. Giehtačállosiid sierra čállinvuogit čatnet dán guovllu máŋgga gávpogii: Gerasa, Gadara, Gergesa.Sii bohte Gerasa eatnamii nuppi beallái jávrri. 2Dalán go Jesus lávkii fatnasis, de su ovddal bođii hávddiin olmmái geas lei buhtismeahttun vuoigŋa. 3Olmmái orui hávddiin, iige oktage nagodan šat čatnat su, ii velá láhkkiiguinge. 4Máŋgii su gieđat ja juolggit ledje čadnojuvvon, muhto son lei cuvken láhkkiid ja botken báttiid. Ii oktage máhttán lodjudit su. 5Ijatbeaivái son orui hávddiin ja váriin, huikkii ja nájai iežas geđggiiguin.

6Go son dal áiccai Jesusa guhkkin, de son bođii viega, luoitádii su ovdii 7

5,7
1,24
5,7 Alimus Ipmil Ipmila namma mii adnojuvvo soames háve Boares Testamenttas: 1 Mos 14,18–22; Sál 78,35.56 ja Ođđa Testamenttas: Luk 8,28; Apd 16,17; Hebr 7,1.ja čuorvvui alla jienain: “Jesus, Alimus Ipmila Bárdni, mii dus lea muinna dahkamuššan? Mun vuortnuhan du Ipmila bokte, ale givssit mu!” 8Dasgo Jesus lei cealkán sutnje: “Don buhtismeahttun vuoigŋa, vuolgge olbmás!” 95,9 Mii du namma lea Jos diđii soapmása nama, de jurddašuvvui ahte dalle sáhtii ráđđet olbmo. Legiona latiinnagiel sátni mii mearkkaša romalaččaid stuorimus soahteveagaossodaga, sullii 6000 olbmo. Dás geavahuvvon mearkkašit stuorra logu. “Mii du namma lea?” Jesus jearai, ja oaččui vástádussan: “Legiona, danne go mii leat eatnagat.” 10Vuoiŋŋat ánuhedje ahte Jesus ii ájáše sin eret dan guovllus. 11Das lahkosiin lei várrevielttis guohtumin stuorra spiidneeallu. 12Buhtismeahttun vuoiŋŋat ánuhedje Jesusis: “Vuolggat min spiidneellui, divtte min mannat spiinniide!” 13Jesus mieđihii dan daidda. Dalle buhtismeahttun vuoiŋŋat vulge olbmás ja manne spiinniide, ja oppa eallu, sullii guokteduhát spiinni, hurgalii báktedardda badjel vuolás jávrái, ja buot spiinnit heavvanedje.

14Guođoheaddjit viehkaledje doppe ja muitaledje dán visot gávpogis ja lagas báikkiin. Olbmot bohte geahččat mii lei dáhpáhuvvan. 15Sii bohte Jesusa lusa ja oidne bosttahuvvon olbmá čohkkámin das. Olmmái geas ledje leamaš buot dat vuoiŋŋat, čohkkái gárvvuhuvvon ja olles jierpmis. Dat suorggahii sin. 16Dat geat ledje oaidnán visot, muitaledje mo lei geavvan bosttahuvvon olbmái ja spiinniide. 17Dalle buohkat ánuhišgohte Jesusa vuolgit eret sin eatnamis.

18Go Jesus manai fatnasii, de dat gii lei leamaš bosttahuvvon, siđai beassat su fárrui. 19Jesus ii suovvan dan, muhto celkkii sutnje: “Mana ruoktot iežat olbmuid lusa ja muital sidjiide buot maid Hearrá lea dahkan dutnje, ja mo son lea árpmihan du.” 205,20 Dekapolis greikkagiela mielde “logi gávpoga”; logi gávpoga lihttu; gávpogat ledje Gennesaretjávrri nuortta- ja nuortalulábealde. Gč. Matt 4,25.Olmmái vulggii ja muitalii Dekapolisa guovllus buohkaide maid Jesus lei dahkan sutnje, ja buohkat ovddošedje.

Jairosa nieida ja nisson gii guoskkahii Jesusa biktasiid

21Go Jesus lei fas mannan fatnasiin jávrri nuppe beallái, de ollu olbmot čoahkkanedje su lusa. Go son lei ain jávregáttis, 22de dasa bođii muhtin synagoga ovdaolmmoš gean namma lei Jairos. Go olmmái oinnii Jesusa, de son luoitádii su julggiid ovdii 23

5,23
6,5
7,32
8,23
Luk 4,40
13,13
Apd 9,12
28,8
ja ánuhii: “Boađe, mu uhca nieiddaš lea jápmimin. Bija gieđaid su ala, de son dearvvašmuvvá iige jáme.” 24Jesus vulggii su mielde, ja ollu olbmot čuvvo su ja bahkkejedje sutnje.

25

5,25
3 Mos 15,25
5,25 vardima dagai nissonolbmo seremonialaččat buhtismeahttumin. Vrd. 3 Mos 15,25–30.Das lei maid nisson gii lei gillán vardima guoktenuppelohkái jagi. 26Son lei leamaš máŋgga dálkkasteaddji divššus ja lei gillán olu. Son lei golahan buot mii sus lei, iige lean ožžon maidege vehkiid, muhto lei baicca hedjonan. 27
5,27
6,56
Son lei gullan mii muitaluvvui Jesusa birra, ja dál son bođii olbmuid gaskka Jesusa duohkái ja guoskkahii su biktasiid maŋil, 28dasgo son jurddašii: “Jos beasašin guoskkahit su biktasiid, de mun dearvvašmuvan.” 29Dallánaga vardin bisánii, ja son dovddai rupmašis ahte lei buorránan givssistis. 30
5,30
Luk 6,19
Jesus dovddai dalán ahte sus lei vuolgán fápmu. Son jorggihii olbmuid siste ja jearai: “Gii guoskkahii mu biktasiid?” 31Máhttájeaddjit dadje sutnje: “Don oainnát ahte olbmot bahkkejit du ala, ja jearat: Gii guoskkahii mu?” 32Muhto Jesus geahčai iežas birra vai beassá oaidnit gii dan lei dahkan. 33Nisson doarggistii balus, danin go son diđii mii lei dáhpáhuvvan sutnje. Son bođii Jesusa ovdii, luoitádii eatnamii ja muitalii buot mii lei dáhpáhuvvan. 34
5,34
Matt 9,22
Mark 10,52
Luk 7,50
8,48
17,19
Apd 3,16
16,31
5,34 Mana ráfis dábálaš earrudearvvuohta Boares testamenttas. Vrd. 2 Mos 4,18; Duop 18,6; 1 Sam 1,17. Sávaldat ii leat dušše formálalaš, muhto fámolaš buressivdnádussátni.Jesus celkkii sutnje: “Nieiddažan, du osku lea buoridan du. Mana ráfis, don leat buorránan givssistat.”

35Go Jesus lei ain sárdnumin, de muhtumat synagoga ovdaolbmo ruovttus bohte ja dadje: “Du nieida jámii. Ale šat vuorjja oahpaheaddji.” 36Go Jesus gulai sin sániid, de son celkkii synagoga ovdaolbmui: “Ale bala, duššefal oskko.” 37

5,37
1,29
3,16č
9,2
13,3
14,33
Son ii suovvan ovttage boahtit mielde earret Petera, Jakoba ja Johannesa, Jakoba vielja. 385,38 čierrumin ja fuoikumin Juvddálaččat čájehedje iežaset morraša jitnosit. ▶ moraštanvierut.Sii bohte synagoga ovdaolbmo vissui, ja Jesus oinnii šláma ja olbmuid geat čirro ja fuiko. 39Son manai sisa ja celkkii sidjiide: “Manne dii šlápmabehtet ja čierrubehtet? Ii mánná leat jápmán, son oađđá.” 40Olbmot boagustedje su. Muhto son ájii buohkaid olggos, válddii mielddis máná áhči ja eatni ja daid geat ledje suinna, ja manai latnjii gos mánná lei. 41
5,41
Luk 7,14
5,41 Talita kum arameagiel sánit, Jesusa eatnigiella.De son válddii máná gihtii ja celkkii: “Talita kum!” Dat mearkkaša: “Nieida, mun cealkkán dutnje: Lihka!” 42Ja dallánaga nieida čuožžilii ja váccašii; son lei guoktenuppelotjahkásaš. Buohkat hirpmástuvve sakka. 43
5,43
1,44+
Muhto Jesus gilddii sin garrasit muitaleames geasage mii lei dáhpáhuvvan. Son gohčui sin addit niidii borrat.

6

Profehta iežas ruovttugávpogis

61Jesus vulggii doppe ja bođii iežas ruovttugávpogii, ja su máhttájeaddjit ledje su mielde. 2Go bođii sabbat, de son oahpahišgođii synagogas, ja máŋgasat geat gulle su, ovddošedje ja dadje: “Gos son lea ožžon buot dáid? Mii viisodagaid lea addojuvvon sutnje go sáhttá dahkat dakkár oavdudaguid gieđaidisguin? 3

6,3
Matt 12,46
Joh 2,12
6,42
7,5
Apd 1,14
6,3 snihkkár muorrabargu.Iigo son leat dat snihkkár, Maria bárdni, Jakoba, Josesa, Judasa ja Simona viellja? Dáppehan su oappátge ásset, min gaskkas.” Nu sii vearránedje sus. 4
6,4
Joh 4,44
Jesus celkkii sidjiide: “Ii profehta badjelgehččojuvvo gostege nugo iežas ruovttugávpogis, olbmuidis gaskkas ja iežas ruovttus.” 5
6,5
5,23+
Iige son sáhttán dahkat doppe maidege veagalaš daguid, earret dan ahte bijai gieđaid muhtun buhcciid ala ja buoridii sin. 6Ja son imaštii olbmuid eahpeoskku. Son vádjolii dasto gilis gillái ja oahpahii.

Máhttájeaddjit vuolggahuvvojit

7

6,7
Luk 10,1
Jesus rávkkai lusas dan guoktenuppelohkása ja vuolggahii sin mátkái guoktásiid guoktásiid, ja son attii sidjiide fámu ádjit olbmuin olggos buhtismeahttun vuoiŋŋaid. 8Son gilddii sin váldimis mielde maidege earret soappi: Ii láibbi, ii lávkka iige ruđa boahkánii. 9Gápmagiid sii ožžo váldit, muhto eai gárvodit guokte báiddi. 10Ja son celkkii sidjiide: “Go dii lehpet orron muhtun vissui, de galgabehtet orrut das dassážii go fas vuolgibehtet. 11
6,11
Apd 13,51
6,11 savdnjilehket gavjja julggiineattet symbolalaš dahku, mearkan das ahte áigu botket searvevuođa nuppiin. Vrd. Neh 5,13; Luk 10,11; Apd 13,51.Jos muhtun báikkis eai váldde din vuostá eaige dáhto guldalit din, de vulget doppe eret ja savdnjilehket gavjja julggiineattet. Dat lea duođaštus sin vuostá.”

12Máhttájeaddjit vulge ja gulahedje ahte buohkat galge jorgalit. 136,13 vuide oljjuin máŋga buohcci dát lea áidna teaksta evangeliumiin mas muitaluvvo ahte buohccit vuidojuvvojit. Oliivaolju adnojuvvui sihke dálkkasin go dikšo háviid (Jes 1,6; Luk 10,34) ja symbolan fámuide mat adde eallima, omd. rohkadaladettiin buhcciid ovddas. Vrd. Jak 5,14č.Sii ádje olggos máŋga bahás vuoiŋŋa, vuide oljjuin máŋga buohcci ja buoridedje sin.

Herodes ja Johannes gásttašeaddji

146,14 gonagas Herodes Herodes Antipas, Herodesa Stuorrá bárdni. Son ráđđii Galilea ja Perea 4 o.Kr.–39 m.Kr. ▶ Herodesa sohka.Jesusa namma lei gulustuvvan viidát, ja gonagas Herodes gulai olbmuid dadjamin: “Johannes gásttašeaddji lea čuožžilan jábmiid luhtte, danne sus leat dákkár fámut.” 15

6,15
Matt 16,14
21,11
Luk 7,16
24,19
Joh 4,19
9,17
6,15 Elia Mal 4,5 mielde Elia almmustuvvá áiggiid loahpas addit olbmuide vejolašvuođa jorgalit Ipmila beallái.Muhtumat dadje ahte son lei Elia, earrásatgis ahte son lei profehta, dakkár go profehtat ledje leamaš. 16Go Herodes dan gulai, de son dajai: “Johannes, dat olmmái gean mun dikten steavliduvvot, lea čuožžilan jábmiid luhtte.” 17Dasgo Herodes lei vuolggahan olbmuid váldit Johannesa gitta ja bidjat su giddagassii vieljas Filipa áhká Herodiasa dihte. Herodes lei váldán áhkkán Herodiasa, 18
6,18
3 Mos 18,16
20,21
muhto Johannes lei dadjan sutnje: “Dus ii leat lohpi eallit vieljat áhkáin.” 19Herodias ii gierdan Johannesa ja hálidii goddit su, muhto ii sáhttán, 20danin go Herodes balai Johannesis. Herodes diđii Johannesa vuoiggalaš ja bassi olmmájin ja várjalii su. Go son lei guldalan Johannesa, de son lei muosehuvvan sakka, muhto livččii áinnas dáhtton gullat lasi.

21Muhto de Herodias oaččui liibba go Herodes doalai riegádanbeaivvi ja fálai guossemállásiid hoavvahearráidasas, soahteveaga oaivámuččaide ja Galilea njunušolbmáide. 22Herodiasa nieida bođii dalle sisa ja dánssui, ja Herodes ja su guossit liikojedje dasa sakka. Gonagas dajai niidii: “Siđa mus maid ihkinassii dáhtut, de mun attán dan dutnje.” 23

6,23
Est 5,3
Ja son lohpidii ja vuortnui: “Maid ihkinassii mus dáhtut, de mun attán dan dutnje, vaikko beali iežan riikkas.” 24Nieida manai olggos ja jearai eatnistis: “Maid mun siđan?” Eadni vástidii: “Siđa Johannes gásttašeaddji oaivvi.” 25Nieida manai hoahpus ruoktot gonagasa lusa ja dajai: “Mun dáhtun du addit munnje dállánaga Johannes gásttašeaddji oaivvi gári siste.” 26Gonagas šlunddui, muhto go son lei vurdnon váli gussiid gullut, de son ii sáhttán biehttalit nieiddas dan. 27Son gohčui bievvala viežžat Johannesa oaivvi. Bievval manai giddagassii ja steavlidii doppe Johannesa. 28De son buvttii oaivvi gári siste ja attii dan niidii, ja nieida attii oaivvi eadnásis. 29Go Johannesa máhttájeaddjit gulle dan, de sii bohte viežžat rupmaša ja hávdádedje dan.

Jesus galleha vihttaduhát olbmá

30Apostalat čoahkkanedje fas Jesusa lusa ja muitaledje sutnje buot maid ledje dahkan ja maid oahpahan. 31

6,31
3,20
Son celkkii sidjiide: “Vulget muinna ávdin báikái gos beassat leat sierranassii, vai oažžubehtet vuoiŋŋastit uhccánaš.” Olbmot oainnat bohte ja manne geažos áigge, eaige máhttájeaddjit bállen oppa boraditge. 32De sii vulge fatnasiin ávdin báikái gos sáhtte leat sierranassii. 33Muhto olbmot oidne sin vuolgimin ja máŋgasat ožžo diehtit dan. Olbmot bohte viega buot gávpogiin ja jovde dohko ovdal sin. 346,34 árkkášii sin njuorrasit >1,41.Go Jesus manai fatnasis gáddái, de son oinnii buot daid olbmuid ja árkkášii sin njuorrasit, danne go sii ledje dego sávzzat main ii lean geahčči. Son oahpahišgođii sin ja sártnui sidjiide guhká.

35Go beaivi lei juo nohkamin, de máhttájeaddjit bohte su lusa ja dadje: “Dát báiki lea ávdin, ja lea juo maŋŋit. 36Vuolggat olbmuid dáppe eret, vai sii besset mannat lagaš báikkiid dáluide oastit alcceseaset borramuša.” 376,37 denárain denára lei romalaš silbaminta, ovtta beaivebálkká vearrasaš. ▶ minttat.Muhto Jesus vástidii sidjiide: “Addet dii ieža sidjiide borramuša.” Sii dadje sutnje: “Galggašeimmetgo mii vuolgit oastit láibbiid guvttiinčuđiin denárain ja addit daid sidjiide borrat?” 38Son jearai: “Galle láibbi dis leat? Mannet geahččat!” Sii dahke nu ja de dadje: “Vihtta, ja guokte guoli.” 39Jesus gohčui sin bidjat olbmuid čohkkát dohkiid dohkiid ruonas rássegieddái. 40

6,40
2 Mos 18,2124
Olbmot čohkánadde eatnamii dohkiid dohkiid, muhtun dohkiide čuođi ja muhtun dohkiide vihttalogi. 41De son válddii dan vihtta láibbi ja guokte guoli, geahčai bajás albmái ja buressivdnidii daid. De son doadjalii láibbiid ja attii bihtáid máhttájeddjiidasas, ja sii juogadedje daid olbmuide. Dan guokte guolige son juogadii buohkaide. 42Buohkat borre ja gallánedje. 43Maŋŋil čohkkejedje láibebihtáid ja guliid, guoktenuppelohkái veaddelihti dievva. 44Vihttaduhát olbmá ledje leamaš boradeamen.

Jesus vádjola čáhcegierragis

45De Jesus gohčui máhttájeddjiidis mannat fatnasii ja vuolgit jávrri nuppi beallái Betsaidai, dan botta go son ieš vuolggaha olbmuid eret. 46

6,46
1,35+
Go son lei váldán sis earu, de son manai várrái rohkadallat.

47Go eahket lei šaddan, de fanas lei gasku jávrri ja Jesus lei okto gáttis. 486,48 Njealját idjagohcinvuorus golbma maŋimus diimmu ovdal go beaivváš badjána. idja ja beaivi.Son oinnii ahte máhttájeaddjit rahče suhkat vuostebiggii. Njealját idjagohcinvuorus son bođii sin guvlui vádjolemiin čáhcegierragis ja áiggui mannat sin meattá. 49Go sii oidne su vádjoleamen čáhcegierragis, de sii doivo su gobmin ja huikigohte. 506,50 mun dat lean sáhttá maid jorgaluvvot “Mun lean”. ▶ Mun lean.Sii buohkat oidne su ja suorganedje. Muhto seammás Jesus sártnui sidjiide: “Lehket roahkkadat, mun dat lean. Allet bala!” 51

6,51
4,39
Son lávkii fatnasii sin lusa, ja biegga ložžii. Máhttájeaddjit hirpmástuvve sakka ja ovddošedje. 52
6,52
8,17
Sii eai lean jierbman dasge mii dáhpáhuvai láibbiide. Sin váibmu lei nu buššon.

Buohccit buorránit

53Go sii ledje ollen jávrri rastá, de sii bohte gáddái Gennesaretis. 54Seammás go sii lávkejedje fatnasis, de olbmot fuobmájedje gii lei boahtán. 55Sii vulge hoahpus doalvut sáni oppa dan guvlui. Olbmot guoddigohte buhcciid guoddinseaŋggain dohko gos sii gulle Jesusa leamen. 56

6,56
3,10
5,27č
6,56 bivttasdiehpi Biktasa njealji čiegas lei diehppi; dat muittuhedje ahte olmmoš galgá eallit Hearrá báhkkomiid mielde. Vrd. 4 Mos 15,37–41; 5 Mos 22,12.Ja gosa ihkinassii son bođii giliide, gávpogiidda dahje dáluide, de olbmot bukte buhcciid šiljuide ja ánuhedje beassat guoskkahit su bivttasdiehpi. Ja buohkat geat guoskkahedje su, buorránedje.

7

Ipmila báhkkomat ja olbmuid njuolggadusat

71Muhtun čáloahppavaččat bohte Jerusalemis, ja ovttas farisealaččaiguin sii manne Jesusa lusa. 2

7,2
Luk 11,38
Sii oidne muhtumiid su máhttájeddjiin borramin buhtismeahttun, basakeahtes gieđaiguin. 37,3 bassan gieđaid buhtisvuohta. áhčiid árbevieruid njálmmálaš láhka mii lei oassi Mosesa lágas. ▶ áhčči. ▶ árbevierut.Eai farisealaččat eaige eará juvddálaččatge boradišgoađe ovdal go leat bassan gieđaid. Nu sii atnet dárkilit áhčiid árbevieruid. 4
7,4
Matt 23,25
7,4 go sii … márkanšiljus Go sii guoskkahedje gálvvuid ja eará olbmuid, de lei várra ahte šadde kultálaččalat buhtismeahttumin. Vrd. Esek 4,14; Luk 2,22; Joh 11,55; Apd 10,14. ▶ buhtisvuohta. Ja go sii leat boahtán márkanšiljus, de sii eai bora maidege ovdal go leat lávggodan. Sis leat maiddái ollu eará vierut maid sii leat dollet, nugo doidit juhkanlihtiid, mukkaid ja ruittuid. 5Danne farisealaččat ja čáloahppavaččat jerre Jesusis: “Manne du máhttájeaddjit eai doala áhčiid árbevieruid, muhto borret buhtismeahttun gieđaiguin?” 6
7,6
Jes 29,13
Jesus vástidii sidjiide: “Dii guoktilaččat! Riekta Jesaja lea einnostan din birra. Leahan čállojuvvon: Dát álbmot gudnejahttá mu baksamiiguin, muhto dan váibmu lea guhkkin mus eret. 7Duššás sii bálvalit mu, dasgo sin oahput leat olbmuid báhkkomat. 8Dii lehpet hilgon Ipmila báhkkoma, vai sáhttibehtet doallat olbmuid njuolggadusaid.” 9Ja son celkkii: “Dii lehpet čeahpit dahkat duššin Ipmila báhkkoma, vai beassabehtet atnit iežadet njuolggadusaid. 10
7,10
2 Mos 20,12
21,17
Moses celkkii: Gudnejahte áhčát ja eatnát ja Gii garuha áhčis dahje eatnis, dat galgá ráŋggáštuvvot jápmimiin. 117,11 korban hebreagiel sátni mii mearkkaša “tempelattáldat”; adnojuvvui dalle go opmodat addojuvvui oskkoldatlaš atnui. Vrd. 3 Mos 27.Muhto dii oahpahehpet nuppe ládje. Jos muhtun dadjá áhččásis dahje eadnásis: ‘Dat mainna mun livččen sáhttán veahkehit du, lea dál korban: mun lean lohpidan dan tempelattáldahkan’, 12de dii ehpet suova su veahkehit iežas áhči dahje eatni. 13Nu dii dahkabehtet duššin Ipmila sáni, go doallabehtet árbenjuolggadusaideattet ja oahpahehpet daid. Ja eatnat eará dakkár daguid dii dahkabehtet.”

14Son rávkkai fas olbmuid lusas ja celkkii: “Guldalehket buohkat mu ja geahččalehket áddet. 15Ii mihkkege mii boahtá olbmo sisa olggobealde, daga su buhtismeahttumin. Muhto dat mii manná olbmos olggos, dahká olbmo buhtismeahttumin.” 167,16 Geas … bealjit Vearsa váilu boarráseamos giehtačállosiin. Gč. 4,23.Gullos dat geas leat bealjit!

17Go Jesus dasto vulggii olbmuid luhtte ja bođii vissui, de máhttájeaddjit sihte su čilget dán veardádusa. 18Son celkkii sidjiide: “Lehpetgo diigis nie jierpmeheamit? Ehpetgo dii ádde ahte ii mihkkege mii boahtá olbmo sisa olggobealde, sáhte dahkat su buhtismeahttumin? 19

7,19
Kol 2,1621č
7,19 Nu son … buhttásat buhtisvuohta.Iihan dat mana su váibmui, muhto čoavjái ja dasto lunddolaš geainnu olggos.” Nu son celkkii ahte buot biepmut leat buhttásat. 20Son celkkii vel: “Mii olbmos boahtá olggos, dat dahká su buhtismeahttumin. 21
7,21
Matt 15,19
Rom 1,29
13,13
1 Kor 5,10č
6,9č
2 Kor 12,20
Gal 5,19eč
Ef 5,3eč
Kol 3,5eč
1 Tim 1,9č
2 Tim 3,2eč
Aiddo olbmo siskkildasas, váimmus, bohtet bahás jurdagat, furrodat, suolavuohta, olmmošgoddin, 22váccešis eallin, vuovdáivuohta, bahávuohta, behtolašvuohta, nuoskivuohta, utnohisvuohta, hiddjideapmi, čeavláivuohta ja jierpmehisvuohta. 23Buot dát bahá boahtá olbmo siskkildasas ja dahká su buhtismeahttumin.”

Kanaanlaš nissona osku

247,24 Tyrosa guovlluide >3,8.Jesus vulggii doppe Tyrosa guovlluide. Son manai orrut muhtun dállui iige dáhtton ovttage dan diehtit, muhto su boahtin ii lean čiegadeames. 25Muhtun nisson gean nieiddas lei buhtismeahttun vuoigŋa, gulai ahte Jesus lei boahtán, ja son bođii ja luoitádii Jesusa julggiid ovdii. 267,26 Syria foinikialaš Álbmot mii ásai dálá Libanonis. Foinikialaččaid eanan gulai Ođđa Testamentta áigge Roma Syria provinsii. ▶ foinikialaččat.Nisson ii lean juvddálaš, muhto Syria foinikialaš. Son siđai Jesusa ádjit bahás vuoiŋŋa su nieiddas, 27muhto Jesus celkkii: “Divtte mánáid vuos gallánit. Ii leat riekta váldit láibbi mánáin ja bálkestit dan beatnagiidda.” 28Nisson vástidii: “Hearrá, maiddái beatnagat ožžot borrat beavddi vuolde láibemoaluid maid mánát gahčahit.” 29Dalle Jesus celkkii sutnje: “Daid sániid dihte mun cealkkán dutnje: Mana ruoktot, bahás vuoigŋa lea vuolgán du nieiddas.” 30Nisson manai ruoktot ja oinnii máná veallámin seaŋggas. Bahás vuoigŋa lei vuolgán sus.

Jesus buorida bealjehis olbmá

31

7,31
Matt 15,29
7,31 Sidona >3,8 Dekapolisa >5,20 Galileajávrái >1,16.Dasto Jesus vulggii fas Tyrosa guovlluin ja bođii Sidona bokte Galileajávrái, Dekapolisa guovlluide. 32
7,32
5,23+
Doppe su lusa buktojuvvui bealjehis olmmái gii illá máhtii sárdnut, ja sii dáhtto su bidjat gieđa olbmá ala. 337,33 čolgadii … njuokčama Greikalaččat, romalaččat ja juvddálaččat lávejedje atnit čolgga álbmotdálkkodeamis. Gč. 8,23.Jesus válddii olbmá sierra olbmuid gaskkas, bijai suorpmaid su beljiide, čolgadii ja guoskkahii su njuokčama. 347,34 Effata arameagiel sátni; gč. 5,41.De son geahčastii albmái, šuohkihii ja celkkii sutnje: “Effata.” Dat lea: “Rahpas.” 35Dallánaga olbmá bealjit rahpasedje, ja su njuokčama báddi čoavdásii, nu ahte son sártnui čielgasit. 36
7,36
1,44+
Jesus gilddii olbmuid muitaleames dán geasage, muhto mađe eambbo son sin gilddii, dađe eambbo sii beakkuhedje dan. 37
7,37
Jes 35,5č
Matt 15,31
Buohkat ovddošedje sakka ja dadje: “Buot son lea dahkan bures. Bealjehemiid son dahká gullin ja gielahemiid sárdnun.”