Davvisámegiel Biibbal 2019 (Biibbal)
1

11Hearrá sátni mii bođii Joelii, Petuela bárdnái.

Rásselohkut

2Gullet dán, vuorrasat,

guldalehket, buot eatnama ássit:

Leago dákkár dáhpáhuvvan din áiggis

dahje dalle go din áhčit ledje eallimin?

3Muitalehket dan mánáidasadet,

muitalehkoset sii dan iežaset mánáide

ja siigis boahtti bulvii:

4

1,4
2 Mos 10,4č
Dan mii bázii rásselohkuin

borre rássejursit,

dan mii bázii rássejursiin

borre rásseborrit,

dan mii bázii rásseborriin

borre rássemuozut.

5Morihehket, juhkan olbmot, ja čirrot!

Váidalehket, buot viidnejuhkkit,

viidnemuorjesáhpi maid ehpet

beassan máistit!

6Álbmot lea boahtán mu eatnamii,

gievrras ja lohkameahttun álbmot.

Dan bánit leat dego ledjona bánit,

dan máttabánit nugo njiŋŋelas ledjonis.

7Dat guorbadii mu viidnemuoraid

ja dojii fiikonmuoraidan,

njalddii bárkku ja gaikkui lasttaid,

nu ahte suorggit šadde vielgadin.

8Fuoikko dego nieida

gii morašbiktasat gárvun

fuoiku nuorravuođa irggi.

9

1,9
1,13
2,1417
Borramušoaffar ja juhkamušoaffar

leat jávkan Hearrá viesus.

Báhpat, Hearrá bálvaleaddjit, moraštit.

10

1,10
Jes 24,4
Am 1,2
Bealddut leat duššaduvvon,

eanan morašta,

gordni lea billistuvvon,

viidni lea goikan ja olju sotnan.

11

1,11
Jer 14,4
Eanadoallit leat suorganan,

viidnešaddadeaddjit váidalit

nisuid ja bivggiid,

eatnama šaddu lea massašuvvan.

12

1,12
Am 4,7
5,17
Viidnemuorra lea goikan,

fiikonmuorra goldnan.

Granáhtaehpelmuorra,

pálbma ja ehpelmuorra,

buot eatnama muorat leat ástan.

Illu lea gáidan olbmuin.

131,13 morašbiktasiid roavva tekstiila mii lea duddjojuvvon guolggas, morraša dahje gáhtamuša mearka. ▶ moraštanvierut.Gárvodehket morašbiktasiid

ja váidalehket, báhpat,

ludjet, dii geat bálvalehpet áltáris!

Mannet tempelii ja gohcet

morašbiktasat gárvun,

dii Ipmila bálvaleaddjit,

danin go borramušoaffar

ja juhkamušoaffar leat nohkan

din Ipmila viesus.

14

1,14
2 Muit 20,3
Esra 8,21
Joel 2,15č
Jona 3,5
Gulahehket fásttu,

bovdejehket čoahkkái

bassi čoakkalmasa!

Čohkkejehket vuorrasiid

ja buot eatnama ássiid

Hearrá, Ipmileattet, vissui,

čurvot Hearrái.

15

1,15
Jes 13,6
Esek 30,3
Joel 2,1
3,19
Am 5,18
Sef 1,14eč
Vuoi dan beaivvi!

Hearrá beaivi lea lahka,

dat boahtá heavahussan

maid Buotveagalaš vuolggaha.

16Borramuš jávká min oaidnut,

illu ja ávvu min Ipmila viesus.

17Gilvagat leat goikan eatnamii,

vuorkágárit leat billistuvvon,

láđut leat gahččan ja gordni billašuvvan.

18

1,18
Jer 14,4eč
Mo šibihat bárgot!

Šibitealut leat golgosis,

dain ii leat guohtun;

sávzaealutnai gillájit.

19Hearrá, du mun čuorvvun,

dasgo dolla lea loaktán meahci guohtumiid,

dollanjuokčamat leat boaldán

buot eatnama muoraid.

20Maiddái meahcispiret

gehččet du beallái ja sáđđot,

dasgo jogažat leat goikan

ja dolla lea loaktán meahci guohtumiid.

2

Hearrá beaivi

21

2,1
1,15Am 3,6
Bossot dorvve Sionis,

bajidehket soahtečuorvasa

mu bassi váris,

vai buot eatnama olbmot

doarggistit balus!

Dasgo Hearrá beaivi lea lahka,

dat boahtá,

2

2,2
2 Mos 10,14
11,6
5 Mos 5,22č
Am 5,1820
Sef 1,15
seavdnjada ja moskku beaivi,

balvvaid ja mierkká beaivi!

Nugo iđitroađđi leavvá várrái,

nu boahtá stuorra

ja veagalaš álbmot.

Dan láhkásaš ii leat leamaš goassege

iige šatta boahtti buolvvaid áiggege.

3Dolla duššada dan ovdal,

njuoršu dollanjuokčamat

dan maŋŋil.

Dan ovdal eanan lea

dego Edena gilvvagárdi,

dan maŋŋil dego

jápma meahcci;

ii mihkkege seastašuva.

4

2,4
Alm 9,7
Dat leat oaidnit dego heasttat,

soahteheasttaid láhkái

dat mannet ovddos.

5Dat hurget ráđa várrečilggiid

dego soahtevovnnat,

dego dolla mii ruohčá oalggain,

dego stuorra veahka,

soahtái ráhkkanan.

6

2,6
Jes 13,8
Álbmogat doarggistit daid ovddas,

buohkaid muođut šovkkodit.

7Dego soahteolbmát

dat mannet ovdan,

nugo sáŋgárat dat gorgŋot

muvrraid ala.

Juohkehaš manná njuolga ovddos,

ii oktage spiehkas geainnustis.

8Dat eai nordda

guhtet guimmiideaset,

juohkehaš manná njuolga ovddos.

Dat fallehit njuollaborgga čađa,

dat eai leat orustahttimis.

9

2,9
Jer 9,21
Dat mannet gáhča gávpogii,

fallehit badjel muvrra,

bahkkejit viesuide,

čákŋet láseráiggiid

dego suollagat.

10

2,10
Jes 13,10
Esek 32,7
Joel 3,420
Hab 3,5č
Matt 24,29
Apd 2,20
Alm 6,12
Eanan doarggista

daid ovdal,

albmi rabaida.

Beaivváš ja mánnu sevnnjodit,

násttit masset šearratvuođaset.

11

2,11
Sál 103,20č
Sef 1,14č
Mal 3,2
Hearrá jietna jupmá

su soahteveaga ovdal,

fámolaš lea su veahka,

olusat dat mat doaimmahit

su sáni.

Hearrá beaivi lea stuoris

ja hirbmatlaš.

Gii sáhttá dan gierdat?

12

2,12
5 Mos 30,10
Jer 3,12č
Esek 33,11
Hos 3,5
12,7+
Muhto velá dálge, cealká Hearrá,

jorgalehket mu beallái

oppa váimmus,

fástudemiin, čierrumiin

ja váidalemiin.

13

2,13
2 Mos 34,5č+
2,13 Gaikkodehket … biktasiiddádet moraštanvierut.Gaikkodehket váimmodet

alletge biktasiiddádet,

ja jorgalehket Hearrá,

Ipmileattet, beallái!

Son lea árbmugas ja váibmoláđis,

son lea guhkesmielalaš

ja su buorrevuohta lea stuoris.

Son gáhtá, nu ahte lihkuhisvuohta

ii boađe.

14

2,14
1,9Am 7,36Jona 3,9
Gii diehtá?

Son sáhttá jorggihit ja gáhtat

ja diktit buressivdnádusa bissut.

Dalle dii sáhttibehtet fas

buktit borramušoaffara

ja juhkamušoaffara Hearrái,

Ipmilasadet.

15

2,15
1,14+
Bossot dorvve Sionis,

gulahehket fásttu,

almmuhehket bassi čoagganeami!

16Gohččot álbmoga boahtit,

gulahehket bassi čoagganeami,

rávket vuorrasiid,

čohkkejehket mánážiid

ja njammimánáid!

Vulgos irgi lanjastis

ja moarsi gámmáristtis!

17

2,17
Sál 42,4Joel 1,9+
Báhpat čirrot ovdahálla

ja áltára gaskkas,

Hearrá bálvaleaddjit dadjet:

“Hearrá, seastte álbmogat!

Ale atte iežat olbmuid

hiddjiduvvot,

nu ahte sii šaddet sátnevájasin

álbmogiid gaskkas.

Manne álbmogat beasašedje dadjat:

Gos lea din Ipmil?”

Hearrá lohpádusat

18Dalle Hearrá šattai áŋgirin

eatnamis dihte,

son árpmihii iežas álbmoga.

19Hearrá vástidii álbmogasas:

Mun vuolggahan didjiide gortni,

viinni ja oljju,

vai dii gallánehpet.

In mun šat suova vierroálbmogiid

hiddjidit din.

202,20 Vašálačča mii boahtá davvin >Jer 1,14.2,20 nuorttabeale meara Jápmamearra. oarjjabeale meara Gaskamearra.Vašálačča mii boahtá davvin,

mun áján din luhtte eret.

Mun doalvvun sin goike

ja ávdin eatnamii,

njunnoša nuorttabeale

meara rádjái,

maŋŋoša oarjjabeale

meara rádjái.

Sus badjána hádja,

dan bahča hádja leavvá.

Stuorra daguid sii leat dahkan!

21Ale bala, eanan;

ávvut ja illut,

dasgo Hearrá lea dahkan

stuorra daguid!

22

2,22
1,1220
Allet bala, meahcieallit,

dasgo meahci guohtumat

runiidit,

muorat šaddadit šattuid ja

fiikonmuorat ja viidnemuorat

addet valljugas šattu.

23

2,23
3 Mos 26,3č
5 Mos 11,14
Ávvudehket, Siona mánát,

illudehket Hearrás, Ipmilis!

Vanhurskkisvuođastis

son addá didjiide čakčaarvvi,

son vuolggaha didjiide arvvi,

čakčaarvvi ja giđđaarvvi

nugo ovdal.

24

2,24
Sát 3,10
Dalle gordneráidnensajiin

lea dievva gordni,

viidni ja olju golgá badjel

bohčingáriid ravddaid.

25

2,25
1,4
Mun buhtten didjiide

daid jagiid maid rásselohkku,

jursi, borri ja muohcu stajidedje

– mu stuorra veahka maid mun

vuolggahin din vuostá.

26Dii beassabehtet borrat

ja gallánit ja máidnut Hearrá,

Ipmileattet,

guhte lea meannudan

dinguin ovddolaččat.

Ii goassege šat mu álbmot

šatta heahpadii.

27

2,27
Jes 45,5č
46,9
Dii beassabehtet dovdat

ahte mun lean gasku Israela,

ahte mun lean din Hearrá,

din Ipmil, mun iige oktage eará.

Mu álbmot ii šat

goassege šatta heahpadii.