61
4,5eč
6,1 Bet-Hakkerem báiki Betlehema davvioarjjabealde.Benjaminlaččat, báhtarehket
Jerusalemis!
Bossot dorvve Tekoas,
cahkkehehket mearkadola Bet-Hakkeremii!
Davil áitá lihkuhisvuohta
ja stuorra heavahus.
26,2 nieida Sion >4,31.Mun duššadan nieida Siona,
fávrros ja jiellahallon nieidda.
3
Su vuostá bohtet báimmanat
ealuideasetguin.
Sii ceggejit gođiid dan birra,
ja iešguhtege váldá iežas guohtoneananbihtá.
4Gulahehket bassi soađi Siona vuostá!
Bohtet, fallehehkot guovdelaš beaivvi!
Ilá maŋŋit! Beaivi juo veaigána,
ja eahkedissuoivanat guhkkot.
5Bohtet, fallehehkot dalle ihkku
ja duššadehkot su ladniid!
6
Sef 3,1
Ná cealká Hearrá, Almmiveagaid Ipmil:
Njeidet muoraid ja huksejehket
fallehangorgŋehaga Jerusalema vuostá!
Vuoi dán giellásiid gávpoga!
Dan dievva lea soardin.
7
Nugo čázit golget gáivvos,
nu dát gávpot diktá iežas bahávuođa golgat.
Veahkaválddi ja stajideami jienat
gullojit das,
hávit ja časkkástagat leat álo mu ovddas.
8Jerusalem, váldde vára bagadusas,
aman jorgalit dutnje sealggi
ja dahkat du ávdin guovlun,
eanamin gos ii oktage ása.
9
Jer 5,1
Mi 7,1č
Ná cealká Hearrá, Almmiveagaid Ipmil:
Israela bázahas čoggojuvvo
dego viidnemuoras čoaggináigge maŋŋá!
Geige vel oktii gieđa viidnemuora guvlui
dego viidnemuorječoaggi!
10
5,21
Apd 7,51
6,10 dahppan beljiideaset hebreagiela mielde “sin bealjit leat birračuohpakeahttá”.“Geasa mun sártnošin,
gii gulašii go mun várren?
Sii leat dahppan beljiideaset,
sii eai dáhto gullat du jiena.
Hearrá sáni sii atnet bilkun,
eai sii beroš das.
11Muhto mu dievva lea Hearrá moarri,
mun in veaje dan caggat.”
Golggat dan mánáid badjelii
geat vázzet gáhtas,
nuoraid badjelii geat leat boahtán čoahkkái!
Olbmát ja nissonat váldojuvvojit gitta,
velá boarrásat ja vuorasmuvvan olbmotge.
12
Váid 5,2
Viesut ja bealddut gártet earrásiidda,
vašálaš váldá olbmáin áhkáid.
Mun geigen gieđa
dán eatnama ássiid vuostá,
cealká Hearrá.
13
Jer 23,11
Sii buohkat, smávvát ja stuorrát,
bivdet vearrivuoittu.
Profehtat ja báhpat meannudit behtolaččat.
14
8,11
14,13
Esek 13,1016
Mi 3,5
1 Tess 5,3
Geahppadit sii dálkkastit
mu álbmoga vigi.
Sii celket: “Ráfi, ráfi!”
vaikko ráfi ii leat.
15Sii leat dahkan
heahpatlaš ja fasttes daguid,
muhto sii eai dovdda heabu,
eai oppa máhtege heahpanaddat.
Dan dihte sii gahččet
gahččan olbmuid gaskii.
Sii guossalit go mun ozahalan sin,
cealká Hearrá.
16
23,37
Ná cealká Hearrá:
Orustehket ja gehččet gosa
lehpet mannamin,
váldet vára boares bálgáin!
Jerret mii lea buorre geaidnu
ja vádjolehket dan,
de dii gávdnabehtet vuoiŋŋadusa.
Muhto dii vástideiddet: “Eat vádjol!”
17
33,2eč
Hos 9,8
6,17 várdájeddjiid profehtat. Vrd. Esek 33,1eč.Mun bidjen didjiide várdájeddjiid
ja celken:
“Guldalehket dorvve jiena!”
Muhto dii vástideiddet: “Eat guldal!”
18Gullet dál, álbmogat! Dii buohkat
geat lehpet čoagganan,
fuomášehket mii dál dáhpáhuvvá.
19
Gula, eanan!
Mun buvttán lihkuhisvuođa dán álbmogii,
dat lea dan bahás áigumušaid šaddu.
Dat ii leat jeagadan mu sániid,
mu lága dat lea hilgon.
20
Jer 14,12
Am 5,22
Maid mun Saba suovvasiiguin,
gáiddus eatnama buoremus kalmusiin?
Din boaldinoaffarat eai dohkke munnje,
din njuovvanoaffarat eai leat
mu miela mielde.
21Dan dihte Hearrá cealká:
Geahča, mun bijan dán álbmoga ovdii
jorralusgeađggi!
Dasa guossalit sihke áhčit ja bártnit,
ja siidaguoibmi duššá
oktan siidaguimmiinis.
22
6,22 Davvieatnamis boahtá álbmot >1,14.Ná cealká Hearrá:
Davvieatnamis boahtá álbmot,
veagalaš álbmot čuožžila
eatnama doppimuš ravddas.
23Sis lea gieđas dávgi ja soahteákšu,
sii leat goavvásat eaige árpmit ovttage.
Sin jietna lea dego máraideaddji mearra,
sii riidejit heasttaiguin
gergosat fallehit du, nieida Sion.
24
“Go mii gulaimet sága dan birra,
de min gieđat njurre.
Áŧestus dohppii min
dego ávttat riegádahtti nissona.
25
46,5
49,29
Allet mana gieddái,
allet vádjol bálgáid,
dasgo doppe lea vašálačča miehkki!
Suorggahus lea juohke báikkis!”
26
Am 8,10
Mu vártnuhis álbmot,
gárvot horstta,
fierat gunaid siste!
Moraš ja čiero bahččagit,
dego olmmoš morašta áidna bártni.
“Fáhkkestaga duššadeaddji falleha min!”
Profehta geahččala álbmoga
27
Jer 1,18
Sak 13,9
Mal 3,2eč
Mun lean bidjan du
geahččalit iežan álbmoga
nugo silba geahččaluvvo.
Don galggat guorahallat dan,
geahččalit dan vádjolusa.
28
Sii leat buohkat gážžáris verrošeaddjit,
sii golget sárdnumin sealggebealde,
duođaid, sii leat buohkat gealbboheamit,
dušše veaiki ja ruovdi.
29Vuossu bossu,
muhto dolas golgá dušše ladju.
Dušši dihte lea suddaduvvon,
skárta ii leat sirrejuvvon.
30
Hilggohassilban sii gohčoduvvojit,
dasgo Hearrá lea hilgon sin.