Davvisámegiel Biibbal 2019 (Biibbal)
8

Ođđa lihtu bajimusbáhppa

81

8,1
Sál 110,1
Apd 2,33
Hebr 1,313
Hebr 10,12
Hebr 12,2
Váldoášši lea dát: Mis lea bajimusbáhppa guhte čohkká almmis Allatvuođa truvnnu olgeš beallái. 2
8,2
Hebr 9,1124
Son doaimmaha bálvalusa almmi bassibáikkis, duohta lihtugoađis maid ii leat ceggen olmmoš muhto Ipmil.

3

8,3
Hebr 5,1
Juohke bajimusbáhppa lea biddjojuvvon oaffaruššat Ipmilii oaffarattáldagaid, ja danne maiddái min bajimusbáhppa ferte oaffaruššat iežas oaffara. 4
8,4
Hebr 7,13
Jos son livččii eatnama alde, de son ii livčče báhppa, danne go dáppe juo leat dat geat oaffaruššet oaffariid maid láhka gohčču. 5
8,5
2 Mos 25,40
Kol 2,17
Sin bálvalus lea goittot dušše almmálaš bálvalusa govva ja suoivva. Mosesiihan celkojuvvui dalle go son galggai cegget lihtugoađi: Ane fuola das ahte duddjot buot dan ovdagova mielde maid besset oaidnit váris. 6
8,6
Hebr 7,22
Hebr 9,15
Hebr 12,24
Muhto Kristus lea ožžon báhppabálvalusa mii lea sakka alit, nu ollu alit go lea dat lihttu man gaskaolmmái son lea. Dat lihttu lea nannoseabbo, danin go dan vuođđudussan leat nannoset lohpádusat.

78,7 vuosttaš lihttu lihttu mii ásahuvvui Sinaiváris. ▶ lihttu.Jos vuosttaš lihttu livččii leamaš láitemeahttun, de ii livčče ohccojuvvon sadji nubbái. 8Muhto dál Ipmil moaitá iežas álbmoga go cealká:

Gullet! Beaivvit bohtet, cealká Hearrá,

go mun dagan ođđa lihtu

Israela álbmogiin ja Juda álbmogiin.

9

8,9
2 Mos 24,8
Jes 53,12
Jer 31,31eč
Sak 9,11
Matt 26,28
Hebr 8,6+
Dat ii leat nugo dat lihttu

maid mun dahken sin áhčiiguin

dalle go válden sin gihtii

ja dolvon sin eret Egyptas.

Dasgo sii eai bisson mu lihtus,

ja danne in munge atnán fuola sis, cealká Hearrá.

10

8,10
2 Kor 6,16
Hebr 10,16
Dákkár lihtu mun dagan

Israela álbmogiin boahtti beivviid, cealká Hearrá:

Mun bijan iežan lága sin siskkildassii,

čálán dan sin váibmui.

Mun lean sin Ipmil,

ja sii leat mu álbmot.

11Dalle ii oktage šat oahpat lagamuččas,

viellja ii oahpat vieljas ja daja:

Oahpa dovdat Hearrá.

Dalle sii buohkat,

uhcimusas stuorimussii, dovdet mu.

12

8,12
10,17
Mun attán ándagassii sin vearredaguid,

ja sin suttuid mun in šat muitte.

13Go Ipmil dás máinnaša ođđa lihtu, de son lea lohkan ovddit lihtu boarisin. Ja dat mii lea boaris ja oamásmuvvan, lea juo nohkagoahtimin.