Esra 2

₁Dát leat min provinssa olbmát geat máhcce fáŋgavuođas. Babylonia gonagas Nebukadnesar lei dolvon sin Babyloniai, muhto dál sii máhcce Jerusalemii ja Judai, juohkehaš iežas gávpogii. ₂Sin jođihedje Serubbabel, Ješua, Nehemja, Seraja, Reelaja, Mordekai, Bilšan, Mispar, Bigvai, Rehum ja Baana.

Dát lei Israela olbmáid lohku: ₃Paroša sogas guokteduhát čuođičiežalogiguokte, ₄Šefatja sogas golbmačuođi čiežalogiguokte, ₅Araha sogas čiežačuođi čiežalogivihtta, ₆Pahat-Moaba sogas, Ješua ja Joaba mánáin, guokteduhát gávccičuođi guoktenuppelohkái, ₇Elama sogas duhátguoktečuođi vihttalogigolbma, ₈Sattu sogas ovccičuođi njealljelogivihtta, ₉Sakkaja sogas čiežačuođi guhttalogi, ₁₀Bani sogas guhttačuođi njealljelogiguokte, ₁₁Bebaja sogas guhttačuođi guoktelogigolbma, ₁₂Asgada sogas duhátguoktečuođi guoktelogiguokte, ₁₃Adonikama sogas guhttačuođi guhttalogiguhtta, ₁₄Bigvaja sogas guokteduhát vihttalogiguhtta, ₁₅Adina sogas njeallječuođi vihttaloginjeallje, ₁₆Atera sogas, Hiskia mánáin, ovccilogigávcci, ₁₇Besaja sogas golbmačuođi guoktelogigolbma, ₁₈Jora sogas čuođiguoktenuppelohkái, ₁₉Hašuma sogas guoktečuođi guoktelogigolbma, ₂₀Gibbara sogas ovccilogivihtta, ₂₁Betlehemis čuođiguoktelogigolbma, ₂₂Netofas vihttalogiguhtta, ₂₃Anatotis čuođiguoktelogigávcci, ₂₄Asmavetis njealljelogiguokte, ₂₅Kirjat-Jearimis, Kefiras ja Beerotis čiežačuođi njealljelogigolbma, ₂₆Ramas ja Gebas guhttačuođi guoktelogiokta, ₂₇Mikmasis čuođiguoktelogiguokte, ₂₈Betelis ja Ajis guoktečuođi guoktelogigolbma, ₂₉Nebo sogas vihttalogiguokte, ₃₀Magbiša sogas čuođivihttalogiguhtta, ₃₁nuppi Elama sogas duhátguoktečuođi vihttaloginjeallje, ₃₂Harima sogas golbmačuođiguoktelogi, ₃₃Lodis, Hadidis ja Onos čiežačuođi guoktelogivihtta, ₃₄Jerikos golbmačuođi njealljelogivihtta ₃₅ja Senaa sogas golbmaduhát guhttačuođi golbmalogi.

₃₆Báhpat: Jedaja sogas, Ješua mánáin, ovccičuođi čiežalogigolbma, ₃₇Immera sogas duhátvihttalogiguokte, ₃₈Pašhura sogas duhátguoktečuođi njealljelogičieža, ₃₉Harima sogas duhátčiežanuppelohkái.

₄₀Levilaččat: Ješua sogas, Kadmiela ja Hodavja mánáin, čiežaloginjeallje.

₄₁Lávlut: Asafa sogas čuođiguoktelogigávcci.

₄₂Uksafávttat: Šalluma sogas, Atera sogas, Talmona sogas, Akkuba sogas, Hatita sogas ja Šobaja sogas oktiibuot čuođigolbmalogiovcci.

₄₃Tempelbálvaleaddjit: Siha sohka, Hasufa sohka, Tabbaota sohka, ₄₄Kerosa sohka, Sia sohka, Padona sohka, ₄₅Lebana sohka, Hagaba sohka, Akkuba sohka, ₄₆Hagaba sohka, Šalmaja sohka, Hanana sohka, ₄₇Giddela sohka, Gahara sohka, Reaja sohka, ₄₈Resina sohka, Nekoda sohka, Gassama sohka, ₄₉Ussa sohka, Paseaha sohka, Besaja sohka, ₅₀Asna sohka, meunlaččaid sohka, nefuslaččaid sohka, ₅₁Bakbuka sohka, Hakufa sohka, Harhura sohka, ₅₂Basluta sohka, Mehida sohka, Harša sohka, ₅₃Barkosa sohka, Sisera sohka, Tamaha sohka, ₅₄Nesiaha sohka ja Hatifa sohka.

₅₅Salomo bálvaleddjiid mánáin: Sotaja sohka, Hassofereta sohka, Peruda sohka, ₅₆Jala sohka, Darkona sohka, Giddela sohka, ₅₇Šefatja sohka, Hattila sohka, Pokeret Hassebajima sohka ja Ami sohka. ₅₈Tempelbálvaleaddjit ja Salomo bálvaleddjiid mánát ledje oktiibuot golbmačuođi ovccilogiguokte.

₅₉Dát leat dat geat máhcce Tel Melahis, Tel Haršas, Kerubis, Addanis ja Immeris, muhto eai sáhttán čájehit ahte sin bearaš ja sohka gulai Israelii: ₆₀Delaja, Tobia ja Nekoda sogain guhttačuođi vihttalogiguokte.

₆₁Báhppasogain: Hobaja sohka, Hakkosa sohka ja Barsillaja sohka; Barsillai lei náitalan gileadlaš Barsillaja nieiddain ja váldán su nama. ₆₂Sii ohce namaideaset sohkalogahallamiin, muhto go dat eai gávdnon, de sii eai lean dohkálaččat báhppavuhtii. ₆₃Eatnanhearrá gilddii sin borramis allabassi borramuša, dassážii go boahtá báhppa geas lea urim ja tummim.

₆₄Oppa searvegottis ledje oktiibuot njealljelogiguokteduhát golbmačuođi guhttalogi olbmo, ₆₅earret sin bálvaleddjiid ja bálvaleaddjinissoniid, geat ledje čiežaduhát golbmačuođi golbmalogigolbma. Daidda lassin ledje guoktečuođi lávlu, olbmát ja nissonat. ₆₆Sis ledje čiežačuođi golbmalogiguhtta heastta, guoktečuođi njealljelogivihtta mula, ₆₇njeallječuođi golbmalogivihtta kamela ja guhttaduhát čiežačuođi guoktelogi ásena. ₆₈Go sii jovde Jerusalemii Hearrá tempela sadjái, de muhtun bearašoaivámuččat adde eaktodáhtolaš attáldagaid Ipmila viesu várás, vai dan sáhttá fas hukset ovddeš sadjásis. ₆₉Juohkehaš sis attii tempelgiisái nu ollu go suittii: guhttalogioktaduhát golledrakma, vihttaduhát silbamina ja čuođi báhpabiktasa. ₇₀Báhpat, levilaččat ja muhtumat álbmogis ásse Jerusalemii. Lávlut, uksafávttat ja tempelbálvaleaddjit ásse iežaset gávpogiidda, nugo eará israellaččatge.