Sakarja 1

₁Dareiosa nuppi ráđđenjagi gávccát mánus bođii profehta Sakarjai, Berekja bárdnái, Iddo áddjubii, dát Hearrá sátni:

₂Hearrá moaráhuvai din áhčiide. ₃Sártno álbmogii: Ná cealká Hearrá, Almmiveagaid Ipmil: Jorgalehket mu beallái, de mun jorgalan din beallái, cealká Hearrá, Almmiveagaid Ipmil. ₄Allet daga nu mo din áhčit. Ovddit profehtat celke sidjiide: “Ná cealká Hearrá, Almmiveagaid Ipmil: Jorgalehket bahás vádjolusasteattet ja bahás daguineattet!” Muhto sii eai guldalan mu eaige beroštan mu sániin, cealká Hearrá. ₅Gos dál leat din áhčit? Naba profehtat, elletgo siige agálaš áigái? ₆Eaigo mu sánit ja mu mearrádusat maid mun gohččon bálvaleddjiidan profehtaid gulahit, ollán din áhčiide? Sii guorahalle iežaset ja dadje: “Nugo Hearrá, Almmiveagaid Ipmil, lei mearridan dahkat midjiide min vádjolusa ja bahás daguid dihte, nu son lea maid dahkan.”

₇Dareiosa nuppi ráđđenjagi oktanuppelogát mánus dahjege šebatmánus, mánu guokteloginjealját beaivvi bođii Hearrá sátni profehta Sakarjai, Berekja bárdnái, Iddo áddjubii:

₈Mun oidnen oainnáhusa mannan ija. Olmmái riidii rukses heasttain ja orustii suoivanii myrtamuoraid gaskii, ja su duohken ledje rukses, ruškes ja vilges heasttat. ₉Mun jerren: “Mat dát leat, hearrá?” Eŋgel guhte sártnui muinna, vástidii: “Mun čájehan dutnje mat dat leat.” ₁₀Ja olmmái gii lei orustan myrtamuoraid gaskii, celkkii: “Dat leat dat geaid Hearrá lea vuolggahan mannat miehtá eatnama.” ₁₁Sii dadje Hearrá eŋgelii gii lei orustan myrtamuoraid gaskii: “Mii leat vádjolan miehtá eatnama, ja oppa eanan lea mášus ja jaska.” ₁₂Dalle Hearrá eŋgel celkkii: “Hearrá, Almmiveagaid Ipmil, man guhká don vuorddát ovdal go árpmihat Jerusalema ja Juda gávpogiid? Donhan leat leamaš moaris daidda čiežalogi jagi.” ₁₃Dalle Hearrá jeđđii eŋgela ja sártnui sutnje láđđásit. ₁₄Ja eŋgel guhte sártnui muinna, gohčui mu čuorvut: