1¹

Jerusalema duopmu

²Mun duššadan visot,

mun rohtten visot eret eatnama alde,

cealká Hearrá.

³

almmi lottiid ja meara guliid.

Mun divttán ipmilmeahttumiid gahččat

ja duššadan olbmuid eatnama alde,

cealká Hearrá.

⁴

ja buot Jerusalema ássiid vuostá.

Dán báikkis mun jávkadan

visot Baala bálvalusa

ja daid báhpaid muittu

geat bálvalit eahpeipmiliid.

⁵

rohkadallet almmiveaga,

daid geat rohkadallet Hearrá

muhto vurdnot Milkoma nammii,

⁶

daid geat eai oza Hearrá

eaige jeara sus ráđi.

⁷

dasgo Hearrá beaivi lea lahka.

Hearrá lea ráhkadan oaffarnjuovalmasaid

ja basuhan gussiidis.

⁸Oaffarmállásiid beaivvi mun, Hearrá,

ráŋggáštan oaivámuččaid

ja gonagasa bártniid ja buohkaid geat

gárvodit vierroeatnamiid olbmuid láhkái.

⁹Dan beaivvi mun ráŋggáštan buohkaid

geat eai arvva duolmmastit šielbmái,

muhto arvet gal deavdit hearráset viesu

veahkaválddiin ja behttosiin.

¹⁰

gullo čuorvvas Guollepoarttas,

váidaleapmi Ođđagávpogis

ja stuorra ruoškkas dieváin.

¹¹1,11 Njuvdinlihtis hebreagillii Makteš, dovdameahttun gávpotoassi.Váidalehket, dii geat

ássabehtet Njuvdinlihtis,

danne go buot gávpeolbmát duššaduvvojit

ja buohkat geat vihkkejit silbbaid,

jávkaduvvojit.

¹²Dan áigge mun, Hearrá,

dutkkan Jerusalema dárkilit čuovggain.

Mun ráŋggáštan daid

geat čohkkájit doppe juhkanvuođas,

daid geat dadjet váimmusteaset:

“Ii Hearrá daga ii buori iige bahá.”

¹³

sin viesut billistuvvojit.

Vaikko sii leat huksen viesuid,

de sii eai beasa ássat dain,

vaikko sii leat gilván viidnegárddiid,

de sii eai beasa juhkat daid viinni.

Hearrá beaivi

¹⁴

dat lahkana, dat boahtá gáhča.

Gullet! Bahča lea Hearrá beaivvi,

dalle roahkkadis soahteolmmáige

bárgu jitnosit.

¹⁵

heađi ja áŧestusa beaivi,

billašumi ja heavahusa beaivi,

moskku ja seavdnjadasa beaivi,

balvva ja mierkká beaivi,

¹⁶dorvečuodjama

ja soahtečuorvasiid beaivi.

Dat boahtá ladnegávpogiid vuostá,

alla toartnaid vuostá.

¹⁷Mun áŧestan olbmuid

nu ahte sii čádjádallet

dego čalmmeheamit.

Mu vuostá sii leat suddudan,

danin sin varra golgá eatnamii

dego bázahas,

sin siskilušat nugo muhkki.

¹⁸

eai sáhte gádjut sin

Hearrá moari beaivvi.

Su áŋgirvuođa dolla duššada oppa eatnama.

Son loahpaha fáhkkestaga

buot eatnama ássiid,

suorganemiin sii duššet.

2¹Čoagganehket, bohtet čoahkkái,

buot dii heabuhis olbmot,

²

šaddá duohtan

– beaivvithan girdet dego sáđut bieggan –

ovdal go Hearrá buolli moarri deaivida din,

ovdal go didjiide boahtá

Hearrá moari beaivi.

³

buot eatnama vuollegaččat

geat doahttalehpet su báhkkomiid.

Ohcet vanhurskkisvuođa,

ohcet vuollegašvuođa.

Dalle dii veadjibehtet várjaluvvot

Hearrá moari beaivvi.

Eará álbmogiid duopmu

⁴Gaza báhcá guorusin,

Aškelon šaddá ávdimin.

Beaiveguovdil Ašdoda olbmot

áddjojuvvojit eret,

Ekron gaikojuvvo

oktan ruohttasiiddisguin.

⁵Vuoi din geat ássabehtet

mearragáttis, vuoi din, keretlaččat!

Dát lea Hearrá sátni didjiide:

Kanaan, filistalaččaid eanan,

mun duššadan du

oktan buot ássiidatguin.

⁶Riddu šaddá guohtuneanamin,

oapmegehččiid rássegieddin,

sávzzaid ja gáiccaid riddan.

⁷

váldet rittu oapmineaset.

Doppe sii guođohit omiideaset,

ja eahkedis sii livvudit daid

Aškelona viesuide,

dasgo Hearrá, sin Ipmil, atná sis fuola,

son jorgala sin vuorbbi.

⁸Mun gullen Moaba bilkádusa,

mo Ammon lea dan hiddjidan,

man jolgadit dat leat bilkidan mu álbmoga

ja bahkken sin eatnamii.

⁹

Almmiveagaid Ipmil, Israela Ipmil:

Nu duohta go mun ealán,

de Moabii geavvá dego Sodomai

ja ammonlaččaide nugo Gomorrai;

Sin eanan šaddá gáskálasbohttun,

sáltegohpin,

ávdimin agálaš áigái.

Dat geat mu álbmogis leat báhcán,

rievidit dan,

mu álbmoga bázahas váldá dan oapminis.

¹⁰Ná geavvá daid álbmogiid čeavlli dihte,

danne go dat leat bilkidan

ja hiddjidan Hearrá,

Almmiveagaid Ipmila, álbmoga.

¹¹

buot ipmiliid eatnama alde.

Gáiddus gáttiid álbmogatge

rohkadallet su, juohkehaš báikkistis.

¹²Maiddái din, nubialaččat,

Hearrá miehkki goddá.

¹³Hearrá lokte gieđa davi vuostá

ja billista Assyria,

son dahká Ninive ávdimin,

goikkisin dego sáttomeahcci.

¹⁴

Buotlágáš spiret goarjadit doppe.

Pelikána ja hoaššaháigir

idjadit geađgebázzegežiin.

Skuolfi njurgu láseráiggiin,

uksalasás ruŋká gáranas.

¹⁵

mii ásai oadjebassan

ja celkkii váimmustis:

“Ii oktage leat dego mun!”

Man ávdimin dat lea báhcán,

meahci spiriid goarjadanbáikin!

Buohkat geat mannet meaddel,

njurgejit ja čujuhit dan bilkidemiin.

Jerusalema duopmu

3¹Vuoi nággáris

ja duolvaduvvon gávpoga,

veahkaválddálaš gávpoga!

²Ovttage dat ii doahttalan,

ii oahppan bagadusas.

Dat ii luohttán Hearrái,

ii jorgalan Ipmilis beallái.

³

leat dego čeargu ledjonat,

dan duopmárat dego gumppet

– eai dat guođe dávttige iđedassii.

⁴

behtolaš olbmát,

dan báhpat dahket eahpebassin

dan mii lea bassi

ja rihkkot Hearrá lága.

⁵

guhte lea vanhurskkis, ássá doppe,

son ii daga vearrivuođa.

Juohke iđida son addá duomus,

ii dat báze boađekeahttá go čuvggoda.

Muhto vearredahkki ii dovdda heabu.

⁶Mun lean duššadan álbmogiid,

daid ladnetoartnat leat hádjosan.

Mun lean dahkan gáhtaid ávdimin,

ii oktage vádjol daid,

mun lean stajidan gávpogiid,

daidda ii báhcán oktage,

ii oktage olmmoš.

⁷Mun jurddašin:

“Dál don, Jerusalem, vissásit balat mus

ja válddát vuostá bagadusa

itge badjelgeahča mu ráŋggáštusa.”

Muhto sii suddudedje ain áŋgireappot.

⁸Dan dihte vurdet mu, cealká Hearrá,

vurdet dan beaivvi

go mun čuožžilan duođaštit.

Mun lean mearridan čohkket álbmogiid,

mun rávkkan riikkaid du vuostá

vai beasan gurret daidda moarrán,

buot mu buolli vaši.

Mu buolli áŋgirvuohta

duššada oppa eatnama.

Israela bázahas bestojuvvo

⁹

buhtes baksamiid,

nu ahte dat čurvot Hearrá nama,

dat buot bálvalit mu.

¹⁰

mu bálvaleaddjit buktet munnje

oaffarattáldagaid.

¹¹

it dárbbaš šat heahpanaddat,

vaikko leat rihkkon mu vuostá.

Dalle mun jávkadan du gaskkas

goargadis ja badjelgeahččalas olbmuid,

čeavláid mun áján eret bassi váristan.

¹²

mun divttán báhcit ássat doppe,

álbmoga mii dorvvasta Hearrá nammii.

¹³

eai daga šat vearrivuođa

eaige sártno giellásiid,

sin njálmmis ii boađe behtolaš sáhka.

Dat eallu gávdná guohtuma

ja eallá ráfis,

iige oktage suorggat dan.

¹⁴

čuorvvo ilus, Israel!

Illut ja ávvut oppa váimmus,

nieida Jerusalem!

¹⁵

ja heavahan du vašálaččaid.

Hearrá, Israela gonagas, ássá du gaskkas,

it don dárbbaš šat ballat mange bahás.

¹⁶Dan beaivvi celkojuvvo Jerusalemii:

Ale bala, Sion,

ale divtte gieđaid njuorrat!

¹⁷

son lea veagalaš, son beastá.

Don leat su illu, son čájeha fas

iežas stuorra ráhkisvuođa.

Dat geat moraštit guhkkin dan báikkis

gos mu álbmot čoaggana,

¹⁸3,18 ▶ Masorehtalaš teaksta ii leat čielggas.besset illudit du dihte stuorra ávuin.

Mun jávkadan dus odne dan heahpada

maid don leat guoddán.

¹⁹

de mun ráŋggáštan daid geat sorde du.

Mun veahkehan skierpmáid

ja čohkken daid

geat ledje áddjojuvvon hájilassii.

Mun attán sidjiide gudni ja rámi

juohke báikkis gos sii

leat heahppášuhttojuvvon.

²⁰

de mun doalvvun din ruoktot,

dalle mun čohkken din.

Mun attán didjiide rámi ja gudni

buot eatnama álbmogiid gaskkas,

go mun din čalmmiid ovddas

jorgalan din vuorbbi,

cealká Hearrá.