Davvisámegiel Biibbal 2019 (Biibbal)
1

11

1,1
2 Gon 22,1č
Jer 1,1č
Hearrá sátni mii bođii Sefanjai daid beivviid go Jošia, Amona bárdni, lei Juda gonagassan. Sefanja lei Kuši bárdni; su áddjá lei Gedalja, gean áhčči lei Amarja, gean áhčči lei Hiskia.

Jerusalema duopmu

2Mun duššadan visot,

mun rohtten visot eret eatnama alde,

cealká Hearrá.

3

1,3
Jer 4,23eč
12,4
Hos 4,3
Mun duššadan olbmuid ja omiid,

almmi lottiid ja meara guliid.

Mun divttán ipmilmeahttumiid gahččat

ja duššadan olbmuid eatnama alde,

cealká Hearrá.

4

1,4
2 Gon 23,4č
Mun lokten gieđa Juda vuostá

ja buot Jerusalema ássiid vuostá.

Dán báikkis mun jávkadan

visot Baala bálvalusa

ja daid báhpaid muittu

geat bálvalit eahpeipmiliid.

5

1,5
5 Mos 4,19
2 Gon 21,3
Jer 8,2
19,13
1,5 almmiveaga almmi veahka. Milkom ammonlaš váldoipmil. ▶ Milkom.Mun duššadan daid geat dáhkiid alde

rohkadallet almmiveaga,

daid geat rohkadallet Hearrá

muhto vurdnot Milkoma nammii,

6

1,6
Jes 1,4
daid geat leat gáidan Hearrás,

daid geat eai oza Hearrá

eaige jeara sus ráđi.

7

1,7
Jes 34,6
Hab 2,20
Alm 19,17č
Oro jávohaga Hearrá Ipmila ovddas,

dasgo Hearrá beaivi lea lahka.

Hearrá lea ráhkadan oaffarnjuovalmasaid

ja basuhan gussiidis.

8Oaffarmállásiid beaivvi mun, Hearrá,

ráŋggáštan oaivámuččaid

ja gonagasa bártniid ja buohkaid geat

gárvodit vierroeatnamiid olbmuid láhkái.

9Dan beaivvi mun ráŋggáštan buohkaid

geat eai arvva duolmmastit šielbmái,

muhto arvet gal deavdit hearráset viesu

veahkaválddiin ja behttosiin.

10

1,10
2 Gon 22,14
1,10 Guollepoarttas Jerusalemis, jáhkkimis dan davágeahčen; doppe sii vurde vašálačča boahtit. Gč. Neh 3,3.Dan beaivvi, cealká Hearrá,

gullo čuorvvas Guollepoarttas,

váidaleapmi Ođđagávpogis

ja stuorra ruoškkas dieváin.

111,11 Njuvdinlihtis hebreagillii Makteš, dovdameahttun gávpotoassi.Váidalehket, dii geat

ássabehtet Njuvdinlihtis,

danne go buot gávpeolbmát duššaduvvojit

ja buohkat geat vihkkejit silbbaid,

jávkaduvvojit.

12Dan áigge mun, Hearrá,

dutkkan Jerusalema dárkilit čuovggain.

Mun ráŋggáštan daid

geat čohkkájit doppe juhkanvuođas,

daid geat dadjet váimmusteaset:

“Ii Hearrá daga ii buori iige bahá.”

13

1,13
5 Mos 28,30č
Am 5,11
Mi 6,15
Sin opmodat stajiduvvo,

sin viesut billistuvvojit.

Vaikko sii leat huksen viesuid,

de sii eai beasa ássat dain,

vaikko sii leat gilván viidnegárddiid,

de sii eai beasa juhkat daid viinni.

Hearrá beaivi

14

1,14
Jes 13,9eč
Esek 30,3
Joel 1,15
3,19
Lahka lea Hearrá stuorra beaivi,

dat lahkana, dat boahtá gáhča.

Gullet! Bahča lea Hearrá beaivvi,

dalle roahkkadis soahteolmmáige

bárgu jitnosit.

15

1,15
Jer 30,7
Joel 2,210č
Am 5,18eč
Dat beaivi lea moari beaivi,

heađi ja áŧestusa beaivi,

billašumi ja heavahusa beaivi,

moskku ja seavdnjadasa beaivi,

balvva ja mierkká beaivi,

16dorvečuodjama

ja soahtečuorvasiid beaivi.

Dat boahtá ladnegávpogiid vuostá,

alla toartnaid vuostá.

17Mun áŧestan olbmuid

nu ahte sii čádjádallet

dego čalmmeheamit.

Mu vuostá sii leat suddudan,

danin sin varra golgá eatnamii

dego bázahas,

sin siskilušat nugo muhkki.

18

1,18
Job 20,20
Sát 11,4
Esek 7,2eč
Sin silbbat ja gollit

eai sáhte gádjut sin

Hearrá moari beaivvi.

Su áŋgirvuođa dolla duššada oppa eatnama.

Son loahpaha fáhkkestaga

buot eatnama ássiid,

suorganemiin sii duššet.