Davvisámegiel Biibbal 2019 (Biibbal)
6

Gávccát oainnáhus: Njealjit vovnnat

61Go mun fas geahčastin, de mun oidnen njeljiid vovnnaid mat ihte guovtti vári gaskka. Dat várit ledje veaikevárit. 2

6,2
Alm 6,2eč
Vuosttaš vovnnaid gesse rukses heasttat, nuppiid čáhppes heasttat, 3goalmmádiid vilges heasttat ja njealjádiidgis girjjat heasttat. Dat buot ledje gievrras heasttat. 4Mun jerren eŋgelis guhte sártnui muinna: “Mat dát leat, hearrá?” 5
6,5
Sál 104,3č
Jes 66,15
Jer 49,36
Dan 7,2
Alm 7,1
Eŋgel vástidii: “Dat leat almmi njeallje biekka mat vulget maŋŋil go leat čužžon oppa eatnama hearrá ovddas. 6Dat vovnnat maid čáhppes heasttat gesset, vulget davvieatnama guvlui, dat vovnnat maid vilges heasttat gesset, vulget oarjjás ja dat vovnnat maid girjjat heasttat gesset, vulget lulás.”

7

6,7
1,10
Buot duot gievrras heasttat vuolggestuvve mannat miehtá eatnama. Son celkkii: “Mannet miehtá eatnama!” Ja dat manne miehtá eatnama. 8
6,8
Esek 5,13
Son čuorvvui munnje: “Ane muittus daid heasttaid mat vulge davás. Dat diktet mu vuoiŋŋa boahtit dohko.”

9Hearrá sátni bođii munnje:

106,10 Heldai, Tobia ja Jedaja daid oaivámuččat geat bukte Babylonia juvddálaččaid attáldagaid Jerusalema ássiide. Gč. v. 14.Mana Jošia, Sefanja bártni, vissui. Doppe don deaivvat Heldaja, Tobia ja Jedaja geat leat boahtán Babylonis. 11Váldde golli ja silbba maid sii leat buktán, duddjo dain kruvnnu ja bija dan bajimusbáhppa Josua, Jehosadaka bártni, oaivái. 126,12 Vesá >3,8.Cealkke sutnje: Ná cealká Hearrá, Almmiveagaid Ipmil: Olmmái gean namma lea Vesá, badjána dán eatnamis, ja son hukse Hearrá tempela. 13

6,13
Sál 110
Jes 9,6
Duođaid, son hukse Hearrá tempela, oažžu gonagasárvvu ja čohkká ráđđejeaddjin truvnnustis. Maiddái báhpas lea truvdnu, ja dan guoktá gaskkas lea ovttamielalašvuohta. 14Báhcos kruvdnu Hearrá tempelii Heldaja, Tobia, Jedaja ja Jošia, Sefanja bártni, muitun.

15

6,15
Jes 2,2č
Hag 2,7
Olbmot bohtet guhkkin hukset Hearrá tempela. Dalle dii ipmirdehpet ahte Hearrá, Almmiveagaid Ipmil, lea vuolggahan mu din lusa. Dat dáhpáhuvvá jos dii duođaid guldalehpet Hearrá, din Ipmila, jiena.

7

Vuoigatlašvuohta buoret go fástu

717,1 ovccát mánus skábmamánnu-juovlamánnu 518 o.Kr.Gonagas Dareiosa njealját ráđđenjagi ovccát mánus dahjege kislevmánus, mánu njealját beaivvi, bođii Hearrá sátni Sakarjai. 2Betelis lei vuolggahuvvon Sareser ja Regem-Melek ja soames earát olbmát átnut Hearrás árpmu. 37,3 viđát mánus suoidnemánnu-borgemánnu; fástu Jerusalema ja tempela billašumi muitun. Vrd. 2 Gon 25,8eč. mánut.Sii galge jearrat báhpain geat bálvaledje Hearrá, Almmiveagaid Ipmila, tempelis, ja profehtain: “Galgágo Betelis ain čierrut ja fástudit viđát mánus, nugo lea dahkkojuvvon ollu jagiid?” 4De munnje bođii dát Hearrá, Almmiveagaid Ipmila, sátni:

5

7,5
Jes 58,5
7,5 čihččet mánus čakčamánnu-golggotmánnu; fástu eatnanhearrá Gedalja goddima muitun. Vrd. 2 Gon 25,25; Jer 41,2.Jeara eatnama álbmogis ja báhpain: Go dii lehpet fástudan viđát ja čihččet mánus čiežalogi jagi, de lehpet go mu dihte dalle fástudan? 6Go dii borrabehtet ja juhkabehtet, ehpetgo dii daga dan iežadet dihte? 7Ehpetgo dii muitte daid sániid maid Hearrá lei gohččon ovddit profehtaid cealkit, dalle go Jerusalemis ja dan birasgávpogiin olbmot ain ásse oadjebassan, ja Negevis ja Šefelas ledje ássit?

8Hearrá sátni bođii Sakarjai:

9

7,9
Hos 12,7
Luk 6,36
Ná cealká Hearrá, Almmiveagaid Ipmil: “Dubmejehket riekta, lehket buorit ja váibmoláđđásat guhtet guoibmáseattet! 10
7,10
2 Mos 22,21č
Jer 7,6
Allet vealat leaskkaid alletge oarbásiid, amas olbmuid ja gefiid. Allet hutkka baháid guhtet guimmiideattet vuostá.” 11
7,11
Jes 65,12
Jer 2,27
Ná mun sárdnon din áhčiide, muhto sii biehttaledje guldaleames. Sii ledje vuostehágolaččat, jorgaledje munnje selggiid eaige dahkan oppa gullinge. 12
7,12
Jes 48,4
Jer 5,3
Esek 2,4
Sii garradedje váimmuset garasin dego diamánta, ja nu sii eai gullan dan lága eaige daid sániid maid Hearrá, Almmiveagaid Ipmila, vuoigŋa lei gohččon dološ profehtaid sárdnut. Dalle Hearrá, Almmiveagaid Ipmil, moaráhuvai sidjiide sakka. 13
7,13
Sát 1,24eč
Jes 1,15
Jer 11,11
Mi 3,4
Joh 9,31
Sii eai dáhtton gullat go son čuorvvui, ja danne Hearrá, Almmiveagaid Ipmil, celkkii: “In munge dáhto gullat go sii čurvot. 14
7,14
5 Mos 28,36č
Jer 44,2č
Esek 33,28
Mun bosádan sin dakkár álbmogiid gaskii maid sii eai dovdda.” Eanan bázii ávdimin sin maŋŋil, iige oktage johtán doppe. Nu sii dahke iežas hearvás eatnama ávdin meahccin.

8

81Munnje bođii dát Hearrá, Almmiveagaid Ipmila, sátni:

2

8,2
Joel 2,18
Sak 1,14
Ná cealká Hearrá, Almmiveagaid Ipmil:

Mus lea buolli áŋgirvuohta Siona dihte,

mun áŋgirušan stuorra moriin

Siona ovddas.

3

8,3
Jes 1,26
11,9
62,11č
Jer 31,23
Joel 3,22
Sak 1,16
Ná cealká Hearrá:

Mun máhcan Sionii,

mun dáhtun ássat Jerusalemis.

Jerusalem gohčoduvvo

Oskkáldas gávpogin,

ja Hearrá, Almmiveagaid Ipmila, várri

gohčoduvvo Bassi várrin.

4Ná cealká Hearrá, Almmiveagaid Ipmil:

Velá čohkkájit Jerusalema šiljuin

vuoras olbmát ja nissonat,

buohkat soabbi gieđas boarisvuođa geažil,

5ja Jerusalema gáhtain ja šiljuin

leat dievva duhkoraddi bártnážat

ja nieiddažat.

6

8,6
1 Mos 18,14
Luk 1,37
Ná cealká Hearrá, Almmiveagaid Ipmil:

Jos dát orru leamen

veadjemeahttun daid mielas

geat vel leat álbmogis báhcán,

leago dat dan dihte

veadjemeahttun munnje?

jearrá Hearrá, Almmiveagaid Ipmil.

7Ná cealká Hearrá, Almmiveagaid Ipmil:

Mun beasttán iežan álbmoga

nuortti eatnamiin ja oarjji eatnamiin,

8

8,8
2 Mos 6,7
3 Mos 26,12
Jer 24,7
Jer 31,33
Hos 2,19eč
mun buvttán sin ássat Jerusalemii.

Sii leat mu álbmot, ja mun lean sin Ipmil,

oskkáldas ja vanhurskkis.

9

8,9
Hag 1,6eč
Ná cealká Hearrá, Almmiveagaid Ipmil: Lehket roahkkadat, go dii dál gullabehtet profehtaid gulaheamen dáid mu sániid. Sii gulahedje daid juo dalle go Hearrá, Almmiveagaid Ipmila, tempela vuođđu biddjojuvvui. 10
8,10
Hag 2,15eč
Ovdal daid áiggiid olbmot eai fidnen bálkká barggusteaset, ja šibihiid rahčamuš manai duššás. Vašálaš ii diktán geange leat ráfis, ja mun suvven buohkaid fallehit guhtet guoimmiset. 11Muhto daiguin geat vel leat álbmogis báhcán, mun in šat meannut nugo ovdal, cealká Hearrá, Almmiveagaid Ipmil. 12
8,12
3 Mos 26,4
Gordni šaddá bures, viidnemuorra šaddada šaddosiiddis, eanan addá šattus ja albmi arvvis. Buot dán mun attán daidda geat vel leat dán álbmogis báhcán. 13
8,13
Jer 29,18
Nugo dii lehpet leamaš garuhussan álbmogiid gaskkas, dii Juda ja Israela čearddat, nu dii šaddabehtet buressivdnádussan, go mun beasttán din. Allet bala, lehket roahkkadat! 14Ná cealká Hearrá, Almmiveagaid Ipmil: Nugo mun mearridin lihkuhisvuođa din badjelii dalle go din áhčit moaráhuhtte mu, inge mun dan gáhtan, cealká Hearrá, Almmiveagaid Ipmil, 15nu mun lean dál mearridan dahkat buori Jerusalemii ja Juda čerdii. Allet bala!

16

8,16
Sál 15,1č
8,16 gávpotpoarttas sadji gos sii dolle ráđđádallamiid ja čovde diggeáššiid. Vrd. Rut 4,1eč.Dáid dii galgabehtet dahkat: Sárdnot duođa guhtet guoibmáseattet. Celket rievttes ja vuoigatlaš duomuid gávpotpoarttas. 17
8,17
7,10
Allet hutkka baháid guhtet guimmiideattet vuostá. Váruhehket dahkamis vearreváli. Mun vašuhan buot vearrivuođa, cealká Hearrá.

18Munnje bođii dát Hearrá, Almmiveagaid Ipmila, sátni:

198,19 fástobeaivvit fástu dan muitun go Jerusalem váldojuvvui. >7,3.5. Vrd. Jer 52,6č. logát mánu juovlamánnu-ođđajagemánnu, fástu dan muitun go Jerusalem birastahttojuvvui. Gč. Jer 39,1. mánut.Ná cealká Hearrá, Almmiveagaid Ipmil: Njealját ja viđát ja čihččet ja logát mánu fástobeaivvit šaddet Judai illun ja ávvun, hearvás bassebeaivin. Ráhkistehket duohtavuođa ja ráfi!

20Ná cealká Hearrá, Almmiveagaid Ipmil: Oktii vel dáhpáhuvvá ahte eatnat álbmogat ja ollu gávpogiid olbmot bohtet. 21

8,21
Jes 2,3
Mi 4,2
Sii mannet gávpogis nubbái ja dadjet: “Bohtet, vulgot átnut Hearrás árpmu, ohcot Hearrá, Almmiveagaid Ipmila! Mun maiddái vuolggán.” 22Eatnat olbmot ja fámolaš álbmogat bohtet Jerusalemii átnut árpmu Hearrás, Almmiveagaid Ipmilis. 23Ná cealká Hearrá, Almmiveagaid Ipmil: Daid beivviid logi olbmá geat bohtet sierra álbmogiin ja hupmet sierra gielaid, dohppejit ovtta juvddálaš olbmá bivttashealbmái ja dadjet: “Mii dáhttut vuolgit din fárrui. Mii leat gullan ahte Ipmil lea dinguin.”