Davvisámegiel Biibbal 2019 (Biibbal)
2

Nubbi oainnáhus: Čoarvvit ja rávdit

21Mun bajidin čalmmiid ja oidnen njeallje čoarvvi. 2Mun jerren eŋgelis guhte sártnui muinna: “Mat dát leat?” Son vástidii: “Dát čoarvvit leat biđgen Juda, Israela ja Jerusalema.” 3Dasto Hearrá čájehii munnje njeallje rávdi. 4Mun jerren eŋgelis: “Maid sii áigot dahkat?” Son vástidii: “Dat čoarvvit leat biđgen Juda, nu ahte ii oktage leat sáhttán bajidit oaivvi. Dál dát njeallje rávdi leat boahtán suorggahit vašálaš álbmogiid eret ja čuollat daid čorvviid maiguin dat leat dorron Juda ja biđgen dan álbmoga.”

Goalmmát oainnáhus: Mihttobáddi

5

2,5
Esek 40,3č
De mun oidnen olbmá geas lei mihttobáddi gieđas. 6Mun jerren sus: “Gosa don leat mannamin?” Son vástidii: “Mun manan mihtidit Jerusalema vai beasan oaidnit man govdagin ja guhkkin dat šaddá.” 7De bođii dat eŋgel gii lei sárdnon muinna, ja muhtun eará eŋgel manai su ovddal 8ja celkkii sutnje: Doama dadjat dan nuorra olbmái ná:

Jerusalema birra eai šat huksejuvvo muvrrat,

nu ollu das leat olbmot ja oamit.

9

2,9
Sál 46,6eč
Jes 26,1
Sak 9,8
14,11
Mun ieš lean dollamuvran dan birra,

cealká Hearrá,

ja dan gasku mun ásan hearvásvuođastan.

10

2,10
Jer 3,18
51,6
Vulget, vulget!

Báhtarehket davvieatnamis!

cealká Hearrá.

Mun ledjen biđgen din

buot njealji almmiguvlui,

cealká Hearrá.

11Vuolgge, Sion! Báhtarehket,

dii geat ássabehtet Babylonis!

12

2,12
Sál 17,8
105,15
Ná cealká Hearrá, Almmiveagaid Ipmil,

daid álbmogiid hárrái

mat leat rievidan din:

Dat gii guoská mu álbmogii,

guoská mu čalbmegáhkkái.

13

2,13
Jer 30,16
Esek 39,10
Mal 2,4
Mun bajidan gieđa

daid álbmogiid vuostá,

ja dat šaddet šlávaideaset stajádussan.

Dalle dii diehtibehtet

ahte Hearrá, Almmiveagaid Ipmil,

lea vuolggahan mu.

14

2,14
Jes 12,6
65,18č
Sef 3,14č
2,14 nieida Sion Jerusalem, govviduvvon nissonolmmožin.Illut ja ávvut, nieida Sion!

Geahča, mun boađán ja ásan du lusa,

cealká Hearrá.

15

2,15
Jes 2,2eč
11,10
56,6č
Mi 4,1č
Sak 8,20eč
Dan beaivvi ollu álbmogat

servet Hearrái,

ja datnai šaddet su álbmogin.

Son ieš ássá du lusa.

Dalle don ipmirdat ahte Hearrá,

Almmiveagaid Ipmil,

lea vuolggahan mu du lusa.

16

2,16
1,16č
Hearrá váldá Juda opmodahkanis,

iežas oassin bassi eatnamis,

ja vállje fas Jerusalema.

17

2,17
Mi 1,3
Hab 2,20
Sef 1,7
Orrot jaska Hearrá muođuid ovddas,

buot heakkalaččat!

Hearrá loaiddasta ovdan

bassi ássanbáikkistis.

3

Njealját oainnáhus: Bajimusbáhppa Josua

31

3,1
Esra 3,2
Job 1,6eč
2,1eč
Hag 1,1
2,2
3,1 Sáhtán mearkkaša “vuostálasti”, “sivahalli”. Vrd. Job 1–2. ▶ Sáhtán.De Hearrá divttii mu oaidnit bajimusbáhppa Josua gii čuoččui Hearrá eŋgela ovddas. Sáhtán čuoččui Josua olgeš bealde, gearggusin sivahallat su. 2
3,2
Am 4,11
Sak 1,17
Hearrá eŋgel celkkii Sáhtánii: “Hearrá belkos du, Sáhtán! Hearrá, guhte lea válljen Jerusalema, belkos du! Iigo dát olmmái leat ráddi, dolas gáddjojuvvon?” 33,3 duolva biktasat morraša ja gáhtamuša mearkan.Josua čuoččui eŋgela ovddas, duolva biktasat gárvun. 4
3,4
2 Sam 12,13
Jes 6,7
Alm 3,5
Eŋgel celkkii bálvaleddjiidasas: “Nullet sus duolva biktasiid!” Josuai son celkkii: “Geahča, mun lean váldán du suddovealggi eret, ja mun gárvvuhan dutnje ávvubiktasiid.” 5De son celkkii bálvaleddjiidasas: “Bidjet buhtis turbána su oaivái!” Bálvaleaddjit bidje buhtis turbána Josua oaivái ja gárvvuhedje sutnje ávvugárvvuid, dan botta go Hearrá eŋgel čuoččui das. 6De Hearrá eŋgel duođaštii Josuai:

7Ná cealká Hearrá, Almmiveagaid Ipmil:

Jos don vádjolat mu geainnuid

ja doahttalat mu báhkkomiid,

de don beasat hovdet mu tempela

ja geahččat bearrái mu ovdašiljuid.

Mun divttán du searvat

dáidda mu bálvaleddjiide.

83,8 Vesá Vanhurskkis gonagasa (Messiasa) namahus, su gii beastá Israela. Vrd. Jes 4,2; 11,1; Jer 23,5; 33,15; Sak 6,12.Gula, Josua, bajimusbáhppa! Don ja dat báhpat geat čohkkájit du ovddas, lehpet mearkan das ahte mun vuolggahan bálvaleaddján Vesá. 9

3,9
4,10
Alm 5,6
Dan geađgái maid mun lean bidjan Josua muođuid ovdii, dán ovtta geađgái mas leat čieža čalmmi, mun goban čállosa, cealká Hearrá, Almmiveagaid Ipmil. Ovtta áidna beaivvis mun válddán eret dán eatnama suddovealggi. 10
3,10
1 Gon 4,25
Mi 4,4
Dan beaivvi, cealká Hearrá, Almmiveagaid Ipmil, dii bovdebehtet guhtet guimmiideattet guossái viidnemuora ja fiikonmuora vuollái.

4

Viđát oainnáhus: Lámpájuolgi ja oliivamuorat

41Dat eŋgel guhte sártnui muinna, bođii fas ja bovttii mu, dego muhtin boktá olbmá nahkáriin. 2

4,2
2 Mos 25,31eč
Alm 1,12
Son jearai mus: “Maid don oainnát?” Mun vástidin: “Mun oainnán lámpájuolggi mii lea sieiva golli, ja lihti dan geažis. Das leat maiddái čieža lámppá, ja juohke lámppás čieža bohcci. 34,3 guokte oliivamuora govvida dan guokte jođiheaddji geaid Ipmil lea vuoidan: Josua ja Serubbabel. Gč. v. 14.Dan bálddas leat guokte oliivamuora, nubbi olgeš bealde lihti ja nubbigis gurut bealde.”

4Mun jerren eŋgelis gii lei sárdnumin muinna: “Mat dát leat, hearrá?” 5Eŋgel guhte lei sárdnumin muinna, dajai: “Itgo don dieđe mat dát leat?” Mun vástidin: “In dieđe, hearrá.” 6De son celkkii munnje: Dát lea Hearrá sátni Serubbabelii:

Ii fámuin iige vuimmiin,

muhto mu Vuoiŋŋain,

cealká Hearrá, Almmiveagaid Ipmil.

7Gii don leat, don veagalaš várri? Don it leat go duolba eanan Serubbabela ovddas. Son buktá čohkkageađggi dan botta go sii čurvot: “Lihkku ja buressivdnádus!” 8Hearrá sátni bođii munnje: 9Serubbabela gieđat leat bidjan dán viesu vuođu, su gieđat maiddái ollašuhttet dan. Dalle dii diehtibehtet ahte Hearrá, Almmiveagaid Ipmil, lea vuolggahan mu din lusa. 10Dat geat badjelgehčče álgguheadjuvuođa beaivvi, illudit go oidnet válljejuvvon geađggi Serubbabela gieđas. Dat čieža leat Hearrá čalmmit mat johtet miehtá eatnama. 11Mun jerren sus: “Mat leat dat guokte oliivamuora lámpájuolggi olgeš ja gurut bealde?” 12Mun jerren sus vel: “Mat leat dat guokte oliivaoavssi main golgá golleivnnat olju dan guovtti gollebohcceráigge?” 13Son jearai: “Itgo don dieđe mat dat leat?” Mun vástidin: “In dieđe, hearrá.” 14De son celkkii: “Dat leat dat guovttis geat leaba vuidojuvvon oljjuin. Soai čuožžuba oppa eatnama hearrá ovddas.”