Davvisámegiel Biibbal 2019 (Biibbal)
12

Jerusalem gáddjojuvvo

121

12,1
1 Mos 2,7
Sál 102,26
104,5
Jes 40,22
42,5
Profehtia. Hearrá sátni Israelii. Ná cealká Hearrá, son guhte lea lebben almmi, vuođđudan eatnama ja dahkan vuoiŋŋa olbmo siskkildassii: 212,2 cearkin mii gárihuhttá dat govvida ráŋggáštusa maid Ipmil addá álbmogiidda. Vrd. Jes 51,17.22; Jer 25,15; Hab 2,16.Mun dagan Jerusalema cearkin mii gárihuhttá buot birasálbmogiid. Maiddái Juda gávpogat birastahttojuvvojit seammá ládje go Jerusalem. 3
12,3
14,2
Dan beaivvi mun dagan Jerusalema buot álbmogiidda lossa geađgin mii ii leat lihkaheames. Buot eatnama álbmogat čoagganit dan vuostá, muhto buot dat mat isket lihkahit dan, hávváduvvet. 4Dan beaivvi, cealká Hearrá, mun časkkán buot heasttaid hirasvuođain ja daid riidejeddjiid mielahisvuođain. Mu čalmmit gehččet Judai, muhto álbmogiid heasttaid mun čalmmehuhtán. 5Dalle Juda oaivámuččat jurddašit: Jerusalema ássiid givrodat lea Hearrás, Almmiveagaid Ipmilis, sin Ipmilis. 6Dan beaivvi mun dagan Juda oaivámuččaid dollalihttin muorralátnii ja buolli spáiddarin gordnegihpu sisa, ja dolla loaktá olgeš beallái ja gurut beallái, buot álbmogiid juohke bealde. Muhto Jerusalema olbmot besset ain ássat gávpogisttiset.

7Hearrá gádju vuos Juda álbmoga, vai Davida viessu ja Jerusalema ássit eai oaččo eambbo gudni go Juda. 8

12,8
2 Mos 14,19
Dan beaivvi Hearrá suodjala Jerusalema ássiid. Heajumus sis lea dan beaivvi dego David, ja Davida viessu lea dego Ipmil, dego Hearrá eŋgel gii manná sin ovddas. 9
12,9
Esek 38,14eč
Joel 3,6eč
Alm 20,9
Dan beaivvi mun duššadan buot álbmogiid mat fallehit Jerusalema.

10

12,10
Joel 3,1č
Joh 19,37
Apd 2,1eč
Rom 8,1526
Alm 1,7
Muhto Davida vissui ja Jerusalema ássiide mun golggahan árpmu ja rohkadusa vuoiŋŋa. Sii gehččet munnje, gehččet sutnje gean leat rehtten. Sii moraštit su dego olmmoš morašta áidna bártnis, sii čirrot su bahččagit dego olmmoš čierru vuosttašriegádeaddjis.

1112,11 Hadad-Rimmon aramealaš ipmil. Su jápmin ávvuduvvui moraštemiin ja čierrumiin.Dan beaivvi Jerusalemis čirrot seammá ollu go dalle go olbmot čirro Hadad-Rimmona Megiddojalgadasas. 12Ja eanan doallá jábmiidčierrumiid, juohke sohka sierra: Davida sohka sierra ja sin nissonat sierra, Natana sohka sierra ja sin nissonat sierra, 13Levi sohka sierra ja sin nissonat sierra, Šimi sohka sierra ja sin nissonat sierra, 14buot eará sogat sierra ja sin nissonat sierra.

13

131

13,1
Esek 36,25
Joel 3,23
Sak 14,8
Hebr 10,22
1 Joh 1,7
Alm 1,5
Dan beaivvi golggiida ája mii buhtista Davida viesu ja Jerusalema ássiid suttus ja buhtismeahttunvuođas.

2

13,2
Jes 2,20
Hos 2,17
Mi 5,12
Sef 1,4
13,2 profehtaid vearreprofehtat.Dan beaivvi, cealká Hearrá, Almmiveagaid Ipmil, mun heavahan eatnamis eahpeipmiliid, iige oktage šat namat daid. Maiddái vearriprofehtaid ja buhtismeahttunvuođa vuoiŋŋa mun jávkadan eatnamis. 3
13,3
Jer 14,14č
Jos muhtun ain profehtastallá, de su iežas áhčči ja eadni dadjaba sutnje: “Don it oaččo eallit, dasgo don leat sárdnon giellásiid Hearrá nammii.” Su iežas áhčči ja eadni geat sahkanahtiiga su, čuggeba su jámas go son lea profehtastallamin. 4
13,4
2 Gon 1,8
Matt 3,4
13,4 guolgabiktasa profehtaid dábálaš bivttas. Gč. 2 Gon 1,8.Dan beaivvi juohke profehta heahpana oainnáhusaidis dihte iige šat gárvot guolgabiktasa, amas dovdojuvvot. 5
13,5
Am 7,14
Son cealká: “Mun in leat profehta, mun lean eananbargi. Nuorravuođa rájes mun lean bargan eatnama.” 6Jos muhtun jearrá sus: “Mat háviid dus leat rattis?” de son vástida: “Mun ožžon daid ustibiiddán viesus.”

Buhtistuvvon bázahas

7

13,7
1 Gon 22,17
Sak 11,4eč
Matt 18,3eč
26,31
Mark 14,27
Miehkki, loktan mu báimmana vuostá,

iežan lagamuš olbmá vuostá!

cealká Hearrá, Almmiveagaid Ipmil.

Mun časkkán báimmana, ja sávzzat bieđganit,

mun bajidan gieđa unnimusaid vuostá.

8Oppa eatnamis, cealká Hearrá,

guokte goalmmádasa

duššaduvvojit ja jápmet,

muhto okta goalmmádas báhcá.

9

13,9
5 Mos 26,17č
Jes 1,25č
48,10
Esek 22,22
Mal 3,2č
Dan goalmmádasa mun doalvvun

dola čađa,

mun buhtistan dan dego silbba

ja geahččalan dan nugo golli geahččaluvvo.

Sii rávket mu nama,

ja mun vástidan sidjiide.

Mun cealkkán: “Sii leat mu álbmot,”

ja sii vástidit: “Hearrá lea min Ipmil.”

14

Hearrá beaivi

141Jerusalem, Hearrá beaivi boahtá! Dan beaivvi don rieviduvvot, ja sálaš juogaduvvo du muvrraid siste. 2Mun čohkken buot álbmogiid soahtat Jerusalemiin. Gávpot váldojuvvo, viesut speddjojuvvojit ja nissonat rihppojuvvojit. Bealli gávpoga ássiin dolvojuvvo vieris eatnamii, muhto bázahas ii heavahuvvo. 3

14,3
2 Mos 14,14
Jos 10,10eč
Hearrá ieš vuolgá soahtat daid álbmogiiguin, nugo ovdalge go vašálaš lea fallehan.

4Dan beaivvi son čuožžu Oljováris mii lea Jerusalema buohta nuorttas guvlui. Ja Oljovárri luoddana guovdat nuortan oarjjás, bealli váris gáidá davás, nubbi bealli lulás, ja daid gaskii šaddá hui stuorra leahki. 5

14,5
Am 1,1
Matt 25,31
14,5 váriid gaskka leahkeráigge soaitá leat Hinnom-leahki.Dii báhtarehpet váriid gaskka leahkeráigge, ja leahki ollá Asala rádjái. Dii báhtarehpet dego olbmot báhtaredje eanandoarggástusas dalle go Ussia lei Juda gonagassan. De Hearrá, din Ipmil, boahtá, ja buot basit oktan suinna.

6

14,6
Joel 3,20
Matt 24,29
14,6 Masorehtalaš teaksta ii leat čielggas.Dan beaivvi ii leat šat čoaskkis iige buolaš. 7Boahtá áigi – Hearrá diehtá goas dat boahtá – go álo lea beaivi iige eahket šat sevnnjot. 8
14,8
Esek 47,1
Joel 3,23
Sak 13,1
Alm 22,1
14,8 nuortamerrii Jápmamearra. oarjemerrii Gaskamearra.Dalle ealli čázit golggiidit Jerusalemis, bealli dain nuortamerrii, nubbi bealligis oarjemerrii, gesiid dálvviid. 9
14,9
5 Mos 6,4
Sál 97,1
99,1
Joh 17,3
Ef 4,5
Dalle Hearrá lea oppa eatnama gonagas. Son lea okta ja áidna Hearrá ja su namma áidna namma.

1014,10 Hananeltoartna jáhkkimis Jerusalema nuorttadavágeahčen. Gč. Jer 31,38.Oppa eanan Geba rájes Rimmona rádjái Jerusalema lullelis šaddá duolbadassan, muhto Jerusalem bissu alla sajistis. Dat ollá Benjamina poartta rájes gitta boares Čiehkapoartta rádjái ja Hananeltoartna rájes gitta gonagasa viidnebohčingáriid rádjái. 11

14,11
Jer 33,16
Alm 22,3
Doppe olbmot ásset, iige oktage šat vihahuvvo duššadeapmái. Jerusalem lea oadjebas.

12

14,12
Jes 66,24
Esek 39,17eč
Muhto Hearrá diktá givssi deaividit buot álbmogiid mat vulget soahtat Jerusalemiin. Juohkehačča oažži guohcaga go son lea ain čuožžumin, čalmmit guohcagit rokkiidasaset ja njuovčča guohcaga su njálbmái. 13Dan beaivvi Hearrá vuolggaha moivvi sin gaskii. Sii fallehit guhtet guimmiideaset ja bajidit gieđa nubbi nuppi vuostá.

14Dalle Juda soahtá raddálaga Jerusalemiin, ja birasálbmogiid riggodagat čohkkejuvvojit čoahkkái: Golli, silba ja biktasiid eatnatvuohta.

15Seammá giksi deaivida heasttaid, mulaid, kamelaid, áseniid ja buot omiid mat leat soahtesiiddain. 16

14,16
3 Mos 23,34eč
Buohkat geat báhcet dain álbmogiin mat fallehedje Jerusalema, bohtet dohko jagis jahkái rohkadallat gonagasa, Hearrá, Almmiveagaid Ipmila, ja doallat lastagoahtebasiid. 17Muhto jos muhtun eatnama čearddain ii boađe Jerusalemii rohkadallat gonagasa, Hearrá, Almmiveagaid Ipmila, de dasa ii boađe arvi. 18Jos egyptalaččat eai vuolgge johtui ja boađe Jerusalemii, de siige eai oaččo arvvi. Hearrá časká sin givssiin nugo son časká eará álbmogiidge, jos dat eai boađe doallat lastagoahtebasiid. 19Dat lea ráŋggáštus egyptalaččaide ja buot álbmogiidda mat eai boađe doallat lastagoahtebasiid.

20

14,20
2 Mos 28,36
Dalle heasttaid golkkain lea čála: “Hearrái basuhuvvon”, ja Hearrá tempela báđit leat seammá basit go oaffarlihtit mat leat áltára ovddas. 21
14,21
Jes 35,8
Joel 3,22
Sak 9,7
11,711
Matt 21,12č
Alm 21,27
Juohke báhti Jerusalemis ja Judas lea basuhuvvon Hearrái, Almmiveagaid Ipmilii. Olbmot geat bohtet oaffaruššat, sáhttet vuoššat dain oaffarbierggu. Dalle eai leat šat gávppašeaddjit Hearrá, Almmiveagaid Ipmila, tempelis.