Hearrás lea fápmu, ii eahpeipmiliin
101
135,7
Jer 5,24
10,13
Ánuhehket Hearrás arvvi
go lea giđđaarvviid áigi.
Hearrá dahká arvebalvvaid,
son addá arveovttiid,
juohke olbmui eatnama šattuid.
2
10,2 viessoipmilat hebreagillii terafim, smávva ipmilgovat dahje bassi biergasat mat gulle bearrašii. Daid sáhtte atnit go dáhtto váldit mearkkaid. Vrd. 1 Mos 31,19; Duop 18; Esek 21,26.Muhto viessoipmilat sárdnot giellásiid,
einnosteaddjit oidnet vearreoainnáhusaid,
muitalit behtolaš nieguid,
sin jeđđehus lea guorus.
Dan dihte álbmot čádjádallá dego sávzaeallu
ja gillá heađi, danne go báimman ii leat.
Israel čohkkejuvvo fas
3Mu moarri lea cahkiidan
báimmaniid vuostá,
ja bohkáid mun ráŋggáštan.
Hearrá, Almmiveagaid Ipmil,
atná fuola iežas ealus, Juda álbmogis,
ja dahká dan iežas gorges soahteheastan.
4
33,20
10,4 čiehkageađgi, giddennávli dat mii doallá viesu čoahkis.Judas boahtá čiehkageađgi,
doppe giddennávli, doppe soahtedávgi,
doppe juohke ráđđejeaddji.
5
Juda olbmát sohtet dego sáŋgárat,
dulbmet soađis vašálačča
dego gáhtaid durddi.
Sii sohtet, dasgo Hearrá lea singuin,
ja riidejeaddjit vuoittáhallet.
6
Sak 9,13
Mun dagan Juda čeardda gievran,
ja Josefa čeardda mun beasttán.
Mun buvttán sin ruoktot,
dasgo mun árpmihan sin.
Dalle sii leat dego mun in livčče
goassege oppa hilgonge sin.
Mun lean Hearrá, sin Ipmil,
mun gulan sin rohkosiid.
7
Efraima olbmot leat dego sáŋgárat,
sii leat ilus dego olmmoš gii juhká viinni.
Sin mánát oidnet dan ja ávvudit,
sin váibmu illuda Hearrás.
8
Mun njurggádan sidjiide
ja čohkken sin,
dasgo mun lean lonistan sin,
ja sii šaddet seammá eatnagin
go sii oktii ledje.
9
5 Mos 4,27eč
Jer 23,3
Esek 37,1eč
Jos mun biđgen sin álbmogiid gaskii,
ja sii muitet mu gáiddus báikkiin,
de sii ja sin mánát ožžot eallit
ja máhccat ruoktot.
10
Hos 11,11
Mun divttán sin máhccat Egyptas,
ja Assyrias mun čohkken sin.
Mun divttán sin boahtit Gileadii ja Libanonii,
muhto doppege sidjiide ii leat sadji galle.
11
Jes 11,15č
Eatnu časkojuvvo,
dan bárut váiduduvvojit.
Buot Nileanu čiekŋalis rávnnjit goiket,
Assyria goargatvuohta njeidojuvvo
ja Egypta ráđđensoabbi gáidá.
12
Mun, Hearrá, lea álbmogan givrodat,
mu namma addá dasa gudni,
cealká Hearrá.
Ávžžuhus váidalit
11111,1 seder muorra mii govvida fámu.Rabas uvssaidat, Libanon,
vai dolla beassá loaktit du sederiid!
2Fuoikko, sypressa!
Sederat leat gahččan,
hearvás muorat duššaduvvon.
Fuikot, Bašana áikkat!
Suhkkes vuovdi lea njeidojuvvon.
3
Gullet guođoheddjiid luoibmasa,
sin čáppa guohtunbáikkit leat duššaduvvon.
Gullet mo nuorra ledjonat čergot,
go Jordana suovka lea billistuvvon.
Guokte guođoheaddji
4Ná cealká Hearrá, mu Ipmil: Guođot njuovvansávzzaid 5
Esek 34,1eč
maid daid oastit njuvvet árpmuheamit. Dat geat vuvdet daid, dadjet: Máidnojuvvon lehkos Hearrá, mun lean riggon! Eai daid guođoheaddjitge seastte daid. 6In munge šat seastte eatnama ássiid, cealká Hearrá. Mun attán olbmuid guhtet guimmiideaset gihtii ja gonagasaideaset váldái; sii duššadit eatnama, inge mun gájo ovttage sin gieđas. 711,7 Buorredáhtolašvuohta, Oktavuohta Dat guokte soappi govvidit áiggi mas lea ráfi ja searvevuohta Israela ja Juda gaskkas.Nu mun guođohin sávzagávppašeddjiid njuovvansávzzaid. Mun válden guokte soappi, nubbái mun bidjen namman Buorredáhttu, nubbáigis Oktavuohta, ja mun guođohin sávzzaid. 8Muhto ovtta mánotbajis mun lihccon golbma guođoheaddji. Muhto mun šadden gierdameahttumin sávzzaide, ja datge dolke mus. 9Mun dadjen: “Mun in dáhto šat guođohit din. Jápmoset dat mat leat jámadeamen, duššoset dat mat leat duššamin, ja dat mat velá báhcet, borroset guhtet guimmiideaset bierggu.” 10
De mun válden soabbán Buorredáhtu ja dodjen dan, ja nu loahpahin dan lihtu maid ledjen dahkan buot álbmogiiguin. 11Dan beaivvi dat loahpahuvvui. Go sávzagávppašeaddjit oidne maid mun dahken, de sii ipmirdedje ahte dat lei Hearrá gohččun. 12
Matt 26,15
Dasto mun dadjen sidjiide: “Jos dii atnibehtet buorrin, de mákset munnje mu bálkká. Jos ehpet, de allet mávsse.” Dalle sii vihkkejedje munnje bálkán golbmalogi silbaruđa. 1311,13 šolgejeaddjái hebreagiel sáni sáhttá maid jorgalit “láirálihttedahkkái”. Vrd. Matt 27,9č.Muhto Hearrá celkkii munnje: “Bálkes ruđaid šolgejeaddjái, dan hearvás hatti man vearrasažžan sii atnet mu.” Nu mun válden dan golbmalogi silbaruđa ja bálkestin daid šolgejeaddjái Hearrá vissui. 14De mun dodjen iežan nuppi soappi, Oktavuođa, ja nu loahpahin Juda ja Israela vielljavuođa. 15Hearrá celkkii munnje: “Gárvot dal heajos guođoheaddji gárvvuid. 16
Mi 3,3
Mun oainnat divttán boahtit dán eatnamii guođoheaddji gii ii beroš dain mat čádjidit, ii oza daid mat láhppojit, ii dálkkas daid mat bártidit iige hága biepmu daidda mat leat dearvašat. Son borrá buoiddimusaid bierggu ja gaiku daid gaccaid.”
17Vuoi dan heajos guođoheaddji
gii guođđá sávzzaid!
Vare miehkki deaivvašii su gihtii
ja su olgeš čalbmái!
Vare su giehta gálnnašii,
čáskkašii su olgeš čalbmi!
Jerusalem gáddjojuvvo
121
Sál 102,26
104,5
Jes 40,22
42,5
Profehtia. Hearrá sátni Israelii. Ná cealká Hearrá, son guhte lea lebben almmi, vuođđudan eatnama ja dahkan vuoiŋŋa olbmo siskkildassii: 212,2 cearkin mii gárihuhttá dat govvida ráŋggáštusa maid Ipmil addá álbmogiidda. Vrd. Jes 51,17.22; Jer 25,15; Hab 2,16.Mun dagan Jerusalema cearkin mii gárihuhttá buot birasálbmogiid. Maiddái Juda gávpogat birastahttojuvvojit seammá ládje go Jerusalem. 3
Dan beaivvi mun dagan Jerusalema buot álbmogiidda lossa geađgin mii ii leat lihkaheames. Buot eatnama álbmogat čoagganit dan vuostá, muhto buot dat mat isket lihkahit dan, hávváduvvet. 4Dan beaivvi, cealká Hearrá, mun časkkán buot heasttaid hirasvuođain ja daid riidejeddjiid mielahisvuođain. Mu čalmmit gehččet Judai, muhto álbmogiid heasttaid mun čalmmehuhtán. 5Dalle Juda oaivámuččat jurddašit: Jerusalema ássiid givrodat lea Hearrás, Almmiveagaid Ipmilis, sin Ipmilis. 6Dan beaivvi mun dagan Juda oaivámuččaid dollalihttin muorralátnii ja buolli spáiddarin gordnegihpu sisa, ja dolla loaktá olgeš beallái ja gurut beallái, buot álbmogiid juohke bealde. Muhto Jerusalema olbmot besset ain ássat gávpogisttiset.
7Hearrá gádju vuos Juda álbmoga, vai Davida viessu ja Jerusalema ássit eai oaččo eambbo gudni go Juda. 8
Dan beaivvi Hearrá suodjala Jerusalema ássiid. Heajumus sis lea dan beaivvi dego David, ja Davida viessu lea dego Ipmil, dego Hearrá eŋgel gii manná sin ovddas. 9
Joel 3,6eč
Alm 20,9
Dan beaivvi mun duššadan buot álbmogiid mat fallehit Jerusalema.
10
Joh 19,37
Apd 2,1eč
Rom 8,1526
Alm 1,7
Muhto Davida vissui ja Jerusalema ássiide mun golggahan árpmu ja rohkadusa vuoiŋŋa. Sii gehččet munnje, gehččet sutnje gean leat rehtten. Sii moraštit su dego olmmoš morašta áidna bártnis, sii čirrot su bahččagit dego olmmoš čierru vuosttašriegádeaddjis.
1112,11 Hadad-Rimmon aramealaš ipmil. Su jápmin ávvuduvvui moraštemiin ja čierrumiin.Dan beaivvi Jerusalemis čirrot seammá ollu go dalle go olbmot čirro Hadad-Rimmona Megiddojalgadasas. 12Ja eanan doallá jábmiidčierrumiid, juohke sohka sierra: Davida sohka sierra ja sin nissonat sierra, Natana sohka sierra ja sin nissonat sierra, 13Levi sohka sierra ja sin nissonat sierra, Šimi sohka sierra ja sin nissonat sierra, 14buot eará sogat sierra ja sin nissonat sierra.
