Earát

6¹Gosa du ráhkis lea mannan,

don nissoniin čábbámus?

Gosa du ráhkis lea vuolgán?

Divtte min veahkehit ohcat su!

Moarsi

²

njálggahájat urttasbeaŋkkaid lusa,

návddašit iežas urttasgárddi šaddosiid

ja čoaggit liljáid.

³

son geahččá ealus liljáid gaskkas.

Irgi

⁴6,4 Tirsa gávpot Sikema nuorttadavábealde, Davviriikka vuosttaš oaivegávpot. Vrd. 1 Gon 14,17; 16,23č.Ráhkkásažžan,

don leat čáppis dego Tirsa,

fávru dego Jerusalem,

hirbmatlaš nugo soahteveahka

leavggainis.

⁵

dat movttáskahttet mu!

Du vuovttat leat dego gáicaeallu

mii luoitáda Gileadis.

⁶Du bánit leat dego sávzzat

mat aiddo leat goargŋumin lávggus.

Buohkain leat jumežat,

ii oktage leat almmá lábbá haga.

⁷Dego granáhtaehpelbealit

leat du geađđašat beaittaliinni duohken.

⁸Guhttalogi leat dronnegat,

liigeáhkát gávccilogi

ja nuorra nieiddat lohkameahttun ollu –

⁹okta lea almmatge mu duvvá,

mu iežan fávru.

Son lea eatnis áinnohaš,

riegádahttis jiellat.

Nieiddat oidnet su

ja máidnot lihkolažžan,

dronnegat ja liigeáhkát rámidit su:

¹⁰

Son suonjarda dego iđitroađđi,

son lea fávru dego láđasmánnu,

šearrat dego beaivváš,

hirbmatlaš nugo soahteveahka

leavggainis.”

¹¹Mun mannen niehttegárdái

geahččat mo leahki runiidii,

oaidnit juogo viidnemuoras

leat ođđa iđut,

juogo granáhtaehpelmuorat liđiidit.

¹²Muhto ovdal go oppa diehttájinge,

de mun čuovvulin iežan hálu ja čohkánin

jiellatustiban vovnnaide.

Earát

¹³6,13 Šulama nieida hebreagillii šulamit, sulastahttá nama Salomo (Šelomo). Šulam soaitá leat Šunem, Jisreela duolbadasa lahka. Vrd. 1 Gon 1,3č.Jorggit, jorggit, Šulama nieida,

jorggit, jorggit,

vai mii beassat oaidnit du!

Moarsi

Manne dii dáhttubehtet

oaidnit Šulama nieidda,

go son dánsu ráidduid gaskkas?