1¹Salomo allalávlla.

Moarsi

²1,2 Moarsi Hebreagiel pronomeniid genusa (sohkabeali) vuođul bajilčálan lea juogo “Moarsi” dahje “Irgi”. Go earát sárdnot, de bajilčálan lea “Earát”.Cummástallos son mu

njálmmis cummáiguin!

Du ráhkisvuohta lea buoret go viidni,

³du vuoidasiid hádja lea hávskái!

Du namma lea dego

fiidnámus vuoidanolju,

danne nieiddat ráhkistit du.

⁴Váldde mu gihtii, viehkku!

Doalvvo mu gámmárasat, gonagas!

Mii ávvudit, mii illudit du dihte,

mii rámidit du ráhkisvuođa

eambbo go viinni.

Rievttuid sii ráhkistit du.

⁵

dii Jerusalema nieiddat,

dego Kedara goađit,

nugo Salomo goahteloavdagat.

⁶1,6 Iežan viidnegárddi soaitá leat nieida ieš. Vrd. 2,15; Jes 5,1.Allet geahča munnje

danne go lean čáhppat,

go beaivváš lea goardán mu.

Eadnán bártnit moaráhuvve munnje,

sii bidje mu gáhttet viidnegárddiid.

Iežan viidnegárddi mun in gáhtten.

⁷Muital munnje, ráhkkásan,

gos don guođohat ealu,

gos livvadahtát dan gaskabeaivvi,

aman čádjidit du ustibiid ealu lusa.

Irgi

⁸Jos don it dan dieđe,

don nissoniin čábbámus,

de guora sávzaealu luottaid

ja doalvvo gihciidat guohtut

guođoheddjiid gođiid gurrii.

⁹Ráhkkásan, dego dámmá

farao vovnna ovddas

don leat mu čalmmiin.

¹⁰Čábbát leat du nierat

beallječiŋaid gaskkas,

čáppat du čeabet bearalbáttiidisguin!

¹¹Mii duddjot dutnje golleviđjjiid

ja viđjjiide silbaboaluid.

Moarsi

¹²1,12 nardusvuoiddas divrras vuoiddas, ráhkaduvvon nardusšattu ruohttasis; nardus šaddá Lullinuorta-Asias. Gč. Mark 14,3.Go gonagas mieigá beavddis,

de mu nardusvuoiddas addá hája.

¹³1,13 myrragiesaldat myrramuora oavssit main lea njálggahájat sáhppi ja mat adnojuvvojit vuoidasis ja parfymas. Gč. 2 Mos 30,23.Mu ráhkis lea dego myrragiesaldat

čiččiidan gaskkas.

¹⁴1,14 hennalieđđegihppu hennamiestaga lieđit; dat šaddá liegga báikkiin, omd. Jerikos ja En-Gedis, Jápmameara lahka. Šaddu lea bivnnut njálggahájat liđiidis dihte, mat šaddet gihppun.Mu ráhkis lea hennalieđđegihppu,

En-Gedi viidnegárddiin boibmojuvvon.

Irgi

¹⁵

don leat čáppat! Du čalmmit leat duvvát.

Moarsi

¹⁶Don leat čáppat, mu iežan ustit,

don leat čáppat!

Munno oađđinsadji lea ruonas.

¹⁷Munno viesu bielkkát leat sedermuoras,

sypressat munno dáhkki.