Davvisámegiel Biibbal 2019 (Biibbal)
14

Allet dubme guhtet guimmiideattet

141

14,1
15,17
1 Kor 8,7eč
Dohkkehehket dan olbmo geas lea rašis osku alletge dubme iešguđetlágan oaiviliid. 2
14,2
1 Mos 1,29
9,3
14,2 borrat buotlágážiid mearkkašupmi lea rihkkut juvddálaččaid borrannjuolggadusaid. ▶ buhtisvuohta.Muhtuma osku suovvá su borrat buotlágážiid, muhto dat geas lea rašis osku, borrá dušše ruotnasiid. 3
14,3
Kol 2,16
Dat gii borrá, ii oaččo badjelgeahččat dan gii ii bora, ja dat gii ii bora, ii oaččo dubmet dan gii borrá, dasgo Ipmil lea dohkkehan su. 4
14,4
Matt 7,1
Jak 4,12
Mii vuoigatvuođaid dus lea dubmet nuppi bálvaleaddji? Iežas hearrá ovddas son čuožžu dahje gahččá, muhto son gal bissu čuoččat, danne go Hearrás lea fápmu bisuhit su čuoččat.

5

14,5
Gal 4,10
14,5 Muhtun olmmoš … go nuppi doallat bassebeivviid mat ledje oassin Boares testamentta ávvudanáiggi.Muhtun olmmoš atná nuppi beaivvi buorebun go nuppi, soames eará atná buot beivviid ovttalágážin. Lehkos juohkehaš gievra iežas oainnus. 6
14,6
1 Kor 10,30č
Dat gii atná árvvus vissis beivviid, dahká dan Hearrá gudnin, ja dat gii borrá, borrá Hearrá gudnin; dasgo son giitá Ipmila. Dat gii ii bora, orru borakeahttá Hearrá gudnin, ja son maid giitá Ipmila. 7Ii oktage mis eale alccesis iige oktage jáme alccesis. 8
14,8
Luk 20,38
2 Kor 5,15
Gal 2,20
Jos mii eallit, de mii eallit Hearrái, ja jos mii jápmit, de mii jápmit Hearrái. Jos mii eallit dahje jápmit, de mii gullat Hearrái. 9Dasgo Kristus jámii ja eallái vai son livččii sihke jábmiid ja ealli olbmuid Hearrá. 10
14,10
Matt 25,31eč
Apd 17,31
Rom 2,16
2 Kor 5,10
Muhto mo don sáhtát dubmet iežat vielja? Dahje mo don sáhtát badjelgeahččat iežat vielja? Mii buohkat gártat Ipmila duopmostuolu ovdii. 11
14,11
Jes 45,23
Fil 2,10
Lea čállojuvvon: Nu duohta go mun ealán, cealká Hearrá, juohke čibbi sodjá mu ovddas, ja juohke njuovčča máidnu Ipmila.

12

14,12
Luk 16,2
14,12 Ipmila ovddas Sánit váilot máŋgga giehtačállosis.Juohkehaš mis ferte dahkat logu Ipmila ovddas.

13

14,13
1 Kor 8,13
Allot šat dubme guhtet guimmiideamet. Atnet baicca fuola das ahte ii oktage jorralahte dahje vearránahte vieljas. 14
14,14
Matt 15,11
Apd 10,15
1 Kor 10,25č
Mun luohtán Hearrá Jesusii ja lean vissis ahte ii mihkkege leat buhtismeahttun iešalddes. Muhto jos muhtun atná juoidá buhtismeahttumin, sutnje dat lea buhtismeahttun. 15
14,15
1 Kor 8,11eč
Jos don bávččagahtát vieljat dainna maid borat, de don it šat eale ráhkisvuođas. Ale divtte iežat borramuša doalvut hevvui dan gean dihte Kristus lea jápmán! 16Allet divtte bilkidit dan buori maid lehpet ožžon. 17
14,17
1 Kor 8,8
Ipmila riika ii leat borran iige juhkan, muhto vanhurskkisvuohta, ráfi ja illu Bassi Vuoiŋŋas. 18Dat gii bálvala Kristusa dán láhkái, lea Ipmila miela mielde, ja maiddái olbmot atnet su árvvus.

19

14,19
12,18
15,2
De váinnuhehkot dan mii duddjo ráfi ja hukse searvevuođa din gaskkas. 20
14,20
Tit 1,15
Ale gaikkot Ipmila dagu borramuša dihte. Buot lea gal olbmui buhtis, muhto sutnje ii leat buorre borrat juoidá mii jorralahttá su. 21Dan dihte lea buorre ahte it bora bierggu itge juga viinni itge daga earáge mii jorralahttá du vielja. 22Divtte iežat oskku leat du ja Ipmila ášši. Ávdugas dat gii ii dubme iežas go dahká dan maid atná vuoigadin. 23
14,23
14,14
Muhto dat gii borrá vaikko eahpida, dat lea dubmejuvvon, danne go son ii daga dan oskkus. Buot mii ii dahkkojuvvo oskkus, lea suddu.

15

Kristus ovdagovvan

151

15,1
14,1
1 Tess 5,14
Mii geat leat nannosat leat geatnegasat guoddit rašis olbmuid headjuvuođaid. Mii eat oaččo jurddašit dušše dan masa ieža liikot. 2
15,2
1 Kor 9,19eč
10,2433
Juohkehaš mis galgá jurddašit iežas lagamučča ja dahkat dan mii lea sutnje buorre ja mii nanosmahttá su. 3
15,3
Sál 69,10
Ii Kristusge jurddašan iežas. Lea čállojuvvon: Du hiddjideddjiid hiddjádusat deive munnje. 4
15,4
4,23č
5,2
1 Kor 10,11
2 Tim 3,16
Buot mii ovdal lea čállojuvvon, lea čállojuvvon midjiide oahpahussan, vai mii oažžut das gierdavašvuođa, jeđđehusa ja doaivvu. 5
15,5
12,16
1 Kor 1,10
2 Kor 13,11
Fil 2,2
4,2
Vare gierdavašvuođa ja jeđđehusa Ipmil dagašii din ovttamielalažžan Jesus Kristusa dáhtu mielde, 6nu ahte dii buohkat ovttain njálmmiin máinnošeiddet Hearrámet Jesus Kristusa Ipmila ja Áhči.

7Vuostáiváldet dan dihte guhtet guimmiideattet, nugo Kristus lea vuostáiváldán din, Ipmila gudnin. 8

15,8
Apd 3,25č+
Mun oaivvildan dán: Kristus šattai birračuhppojuvvon olbmuid bálvaleaddjin. Son lea boahtán nannet lohpádusaid mat ledje addojuvvon áhčiide, ja čájehit ahte Ipmil doallá iežas sáni. 9
15,9
Sál 18,50
Son lea boahtán maiddái dan várás ahte báhkinat besset máidnut Ipmila su váibmoláđisvuođa dihte, nugo lea čállojuvvon: Dan dihte mun rámidan du álbmogiid gaskkas ja máinnun du nama. 10
15,10
5 Mos 32,43
Ja maiddái: Ávvudehket, báhkinat, oktan su álbmogiin. 11
15,11
Sál 117,1
Ja velá: Máidnot Hearrá, buot báhkinat, rámidehket su, buot álbmogat. 12
15,12
Jes 11,10
15,12 Isaja ruohttasis Messias gii galggai boahtit ja gii lei Davida nális, gč. Jes 11,1. Isai lei gonagas Davida áhčči, ja dás boahtá namahus “Isaja ruohtas”, gč. Alm 5,5.Ja Jesaja cealká: Isaja ruohttasis boahtá vesá gii čuožžila ráđđet buot báhkiniid; sutnje báhkinat bidjet doaivvu.

13Vare doaivvu Ipmil deavddášii iluin ja ráfiin din geat oskubehtet, ja attášii didjiide ain riggáset doaivvu Bassi Vuoiŋŋa fámus.

Paulusa bálvalus

14Vieljaidan, mun lean vissis das ahte dis lea dievva buorrevuohta ja doarvái diehtu nu ahte dii máhttibehtet neavvut guhtet guimmiideattet. 15

15,15
12,3
Almmatge mun muhtun dáfus lean čállán didjiide rahpasit ja roahkkadit ja muittuhan didjiide muhtun áššiid. Mun lean dahkan dan danne go Ipmil lea árpmustis rávkan mu 16
15,16
1,9
11,13
Fil 2,17
doaibmat Kristus Jesusa bálvaleaddjin báhkiniid gaskkas. Mu bálvalus báhppan lea sárdnidit Ipmila evangeliuma, vai báhkinat šaddet oaffarin mii lea Ipmila miela mielde ja maid Bassi Vuoigŋa lea basuhan.

17

15,17
1 Kor 1,31
Dan dihte mu rápmi lea Kristus Jesusis go bálvalan Ipmila. 18
15,18
1,5
2 Kor 3,5
Mun in duostta sárdnut maidege eará go dan maid Kristus lea dahkan mu bokte vai báhkinat šaddet gulolažžan. Dan mun lean dahkan sániiguin ja daguiguin, 19
15,19
Apd 15,12
2 Kor 12,12
15,19 Illyria guovlu Adriameara nuorttabealde, Makedonia rádjeguovlu.mearkkaid ja oavdudaguid fámuin ja Vuoiŋŋa fámuin. Nu mun lean sárdnidan Kristusa evangeliuma buot báikkiin Jerusalema rájes gitta Illyria rádjái. 20
15,20
2 Kor 10,15č
Mu áigumuš lea álo leamaš sárdnidit evangeliuma doppe gos Kristusa namma ii leat dovddus, aman hukset dan vuođu ala maid earát leat bidjan. 21
15,21
Jes 52,15
Dasgo lea čállojuvvon: Sii geaidda ii leat sárdniduvvon su birra, oidnet, ja sii geat eai leat gullan, áddejit.

Paulus áigu fitnat Romas

22

15,22
Apd 19,21
Rom 1,10eč
Dát lea eatnat gerddiid hehtten mu boahtimis din lusa. 23Muhto dál munnje eai leat šat barggut dáin guovlluin, ja mus lea máŋga jagi leamaš miella galledit din 2415,24 Espannjai Go Paulus biddjojuvvui giddagassii Jerusalemis, de son ii beassan ollašuhttit iežas áigumuša vuolgit Espannjai (Apd 21).dalle go lean mannamin Espannjai. Mun sávan ahte dohko mátkkoštettiin mun beasan deaivvadit dinguin ja dii veahkehehpet mu mannat dohko, go mun vuos lean beassan muhtun áiggi galledit din.

25

15,25
Apd 24,17
1 Kor 16,1
2 Kor 8–9
Gal 2,10
15,25 bassi olbmuid Jerusalema searvegoddi.Muhto dál mun vuolggán Jerusalemii bálvalit bassi olbmuid doppe. 26Makedonia ja Akaia searvegottit leat mearridan addit oktasaš attáldaga daidda bassi olbmuide geat ellet geafivuođas Jerusalemis. 27
15,27
9,4
11,17
1 Kor 9,11
Gal 6,6
Dan sii ieža leat mearridan dahkat, ja dan sii leatge sidjiide velggolaččat. Go báhkinat leat ožžon oasi Jerusalema bassi olbmuid vuoiŋŋalaš buriin, de sii leat geatnegasat veahkehit sin áiggálaš buriid dáfus. 28Go mun dasto lean ollašuhttán dán doaimma ja dolvon čohkkejuvvon attáldaga, de mun áiggun vuolgit Espannjai ja go vuos lean fitnan din luhtte. 29
15,29
1,11
Mun dieđán ahte go boađán din lusa, de mun buvttán Kristusa valljugas buressivdnádusa.

30

15,30
2 Kor 1,11
Fil 1,1927
Kol 4,312
2 Tess 3,1
Hearrámet Jesus Kristusa dihte ja Vuoiŋŋa ráhkisvuođa dihte mun bivddán din, vieljat, soahtat munnje veahkkin ja rohkadallat Ipmilii mu ovddas. 3115,31 Judea eahpeoskkolaččaid juvddálaččat.Rohkadallet ahte mun gáddjojuvvošin Judea eahpeoskkolaččaid gieđas, ja ahte Jerusalema bassi olbmot válddášedje bures vuostá dan veahki maid mun buvttán. 32Dalle mun sáhtán boahtit din lusa iluin ja vuoiŋŋastit din luhtte, jos Ipmil dáhttu. 33
15,33
16,20
Ráfi Ipmil lehkos dinguin buohkaiguin! Amen.

16

Dearvvuođat

161Mun ávžžuhan din váldit vuostá oabbámet Foibe, Kenkrea searvegotti bálvaleaddji. 2Váldet su vuostá Hearrás, nugo lea heivvolaš bassi olbmuide, ja veahkehehket su buot áššiin main son dárbbaša din veahki. Son lea ieš veahkehan eatnagiid, maiddái mu.

3

16,3
Apd 18,2č
1 Kor 16,19
2 Tim 4,19
Celket dearvvuođaid Priskai ja Akvilai, mu bargoguimmiide Kristus Jesusis. 4Soai leaba leamaš gergosat mannat heakkavárrii mu dihte. Sudno in giitte duššefal mun, muhto maiddái buot báhkiniid searvegottit. 5
16,5
1 Kor 16,19
Kol 4,15
Filem 2
16,5 vuosttaš šaddu >8,23. Gč. 11,16.Celket dearvvuođaid maiddái searvegoddái mii čoaggana sudno vissui. Celket dearvvuođaid mu ráhkis Epainetosii, gii lei Asia barggu vuosttaš šaddu Kristusii. 616,6 Mariai Maria.Celket dearvvuođaid Mariai, gii lea rahčan sakka din ovddas. 716,7 Junias sáhttá maiddái ipmirduvvot nissonnamman: “Junia”. Adnojuvvogo dat nisson- vai olbmánamman, boahtá greikkagiel nama jietnadeamis.Celket dearvvuođaid Andronikosii ja Juniasii, geat leaba juvddálaččat dego mun ja mu fáŋgaguoimmit. Sudnos lea buorre beaggin apostaliid gaskkas, ja soai oskkuiga Kristusii ovdal go mun. 8Celket dearvvuođaid Ampliatusii, mu ráhkis villjii Hearrás. 9Celket dearvvuođaid Urbanusii, min bargoguoibmái Kristusis, ja mu ráhkis Stakysii. 10Celket dearvvuođaid Apellesii, Kristusa oskkáldas bálvaleaddjái. Celket dearvvuođaid Aristobulosa dálu olbmuide. 11Celket dearvvuođaid Herodionii, gii lea juvddálaš dego mun. Celket dearvvuođaid daidda Narkissosa viesu olbmuide geat gullet Hearrái. 12Celket dearvvuođaid Tryfainai ja Tryfosai, geat áŋgiruššaba Hearrá barggus. Celket dearvvuođaid ráhkis Persisii, gii lea rahčan ollu Hearrá bálvalusas. 13
16,13
Mark 15,21
Celket dearvvuođaid Rufusii, gean Hearrá lea válljen, ja maiddái su eadnái, gii lea leamaš dego eadni munnje maid. 14Celket dearvvuođaid Asynkritosii, Flegonii, Hermesii, Patrobasii, Hermasii ja vieljaide geat leat sin luhtte. 15Celket dearvvuođaid Filologosii, Juliai, Nereusii ja su oabbái, ja Olympasii ja buot bassi olbmuide sin luhtte. 16
16,16
1 Kor 16,20
2 Kor 13,12
1 Tess 5,26
1 Pet 5,14
16,16 bassi cummáin kristtalaš oktavuođa mearka, navdimis searvegotti bassi eahkedismállásiid álgu.Buorástahttet guhtet guimmiideattet bassi cummáin. Buot Kristusa searvegottit celket didjiide dearvvuođaid.

17

16,17
Matt 7,15
2 Tess 3,614
Tit 3,10
2 Joh 7–10
Vieljat, mun rávven din váruhit sis geat dagahit riidduid ja jorralahttet din eret dan oahpas maid dii lehpet oahppan. Allet guoibmádala singuin. 18
16,18
Fil 3,19
Kol 2,4
Dakkár olbmot eai bálval min Hearrá Kristusa muhto iežaset čoavjji. Čáppa ja fillejeaddji sániiguin sii čádjidahttet ovttageardánis olbmuid. 19
16,19
Matt 10,16
Rom 1,8
1 Kor 14,20
Din jegolašvuohta lea beaggán buohkaide. Danne mun lean ilus din dihte ja sávan din leat čeahpit das mii lea buorre, muhto čuorbbit das mii lea bahá. 20
16,20
1 Mos 3,15
Vare ráfi Ipmil cuvkešii fargga Sáhtána din julggiid vuollái! Hearrámet Jesus Kristusa árbmu lehkos dinguin.

21

16,21
1 Tim 1,2+
Mu bargoguoibmi Timoteus cealká didjiide dearvvuođaid, ja dearvvuođaid celket maiddái mu álbmoga olbmot Lukius, Jason ja Sosipatros. 22Mun, Tertius, gii lean čállán dán girjji Hearrá bálvalusas, cealkkán didjiide dearvvuođaid. 23
16,23
1 Kor 1,14
Dearvvuođaid cealká didjiide Gaius, gii lea rahpan viesus munnje ja oppa searvegoddái. Erastos, gávpoga rehketdoalli, ja min viellja Kvartus cealkiba didjiide dearvvuođaid. 2416,24 Dát vearsa váilu boarráseamos giehtačállosiin. Gč. 16,20.Hearrámet Jesus Kristusa árbmu lehkos dinguin buohkaiguin! Amen.

Máidnun

25

16,25
Matt 11,25
13,11
1 Kor 2,7
4,1
Ef 1,9
3,3č
Kol 1,26+
16,25–27 Dát loahpaheaddji máidnun váilu muhtun giehtačállosiin.Máidnojuvvon lehkos Ipmil, geas lea fápmu nanosmahttit din mu evangeliumiin, mii lea sáhka Jesus Kristusa birra. Dan čiegusvuohta lea leamaš čihkkojuvvon agálaš áiggiid rájes, 26
16,26
1,5
2 Tim 1,10
muhto lea dál almmustuvvan profehtalaš čállagiin agálaš Ipmila gohččuma mielde, vai buot álbmogat dolvojuvvošedje oskku gulolašvuhtii. 27
16,27
Gal 1,5
Ef 3,21
1 Tim 1,17
2 Tim 4,18
Jud 25
Sutnje, áidna viissis Ipmilii, lehkos gudni ja agálaš rámádus Jesus Kristusa bokte! Amen.