Davvisámegiel Biibbal 2019 (Biibbal)

Dearvvuođat

11

1,1
Apd 9,15
Gal 1,15
1,1 apostal áirras gii sártnui iežas hearrá sajis. Dábálaččat Jesusa 12 ▶ máhttájeaddji, muhto maiddái soames earrásiid namahus. evangelium “illusáhka, buorit ođđasat”. Paulus gohčoda dávjá iežas sárdnideami sisdoalu evangeliumin. Sátni soaitá čujuhit sihke sáni sárdnideapmái ja dan sisdollui.Paulus, Jesus Kristusa bálvaleaddji, rávkojuvvon apostalin ja válljejuvvon sárdnidit Ipmila evangeliuma, dearvvaha buot Ipmila ráhkkásiid Romas, daid geaid son lea rávkan bassi olmmožin. 2
1,2
16,25č
Evangelium maid mun sárdnidan ja maid Ipmil ovdal juo lea lohpidan profehtaidis bokte bassi čállagiin, 3
1,3
2 Sam 7,12č
Jes 11,1
2 Tim 2,8
lea sáhka su Bártni birra. Oačči beales son lei riegádan Davida nális, 4
1,4
Apd 13,32č
muhto bassivuođa Vuoiŋŋain son lea duođaštuvvon Ipmila fámolaš Bárdnin go son bajásčuožžilii jábmiid luhtte: Son lea Jesus Kristus, min Hearrá. 5
1,5
Apd 9,15
Rom 15,18
Gal 2,79
Su bokte mun lean ožžon árpmu ja apostala doaimma, vai mun láidešin buot báhkiniid oskku gulolašvuhtii su nama gudnin. 6Sin gaskkas lehpet diige geaid Jesus Kristus lea rávkan.

7

1,7
1 Kor 1,2č
2 Kor 1,1č
1,7 Roma Roma riikka oaivegávpot; sullii miljovdna ássi. ▶ Roma. Mun cealkkán dearvvuođaid didjiide, buot Ipmila ráhkkásiidda Romas, didjiide geat lehpet rávkojuvvon bassi olmmožin. Árbmu lehkos dinguin ja ráfi Ipmilis, min Áhčis, ja Hearrá Jesus Kristusis.

Paulus ja Roma searvegoddi

8

1,8
16,19
Vuosttažettiin mun giittán Ipmilan Jesus Kristusa bokte din buohkaid ovddas, dasgo din osku beakkuhuvvo miehtá máilmmi. 9
1,9
15,16
Ef 1,15
Fil 1,8
Ipmil, gean mun olles váimmus bálvalan go sárdnidan evangeliuma su Bártni birra, duođašta ahte mun álohii muittán din rohkadusainan. 10
1,10
1 Tess 3,10
Mun rohkadalan álo ahte mun almmatge ovtta geardde beasašin boahtit din lusa, jos Ipmil dáhttu. 11
1,11
15,29
Mun áibbašan oaidnit din, vai beasan addit didjiide oasi Vuoiŋŋa attáldagas ja nu nannet din, 12dahje baicca nu ahte mii ovttas, dii ja mun, arvvosmahttojuvvot oktasaš oskkus. 13
1,13
Apd 19,21
Rom 15,23
Vieljat, mun dáhtun din diehtit ahte lean dávjá áigon boahtit din lusa, muhto dássážii lea álo leamaš muhtun hehttehus. Mun dáhtošin oažžut juoga šaddosiid maiddái din luhtte, nugo lean ožžon eará báhkiniid gaskkas. 141,14 greikalaččaide ja barbáraide Oppa ii-juvddálaš máilbmi. Greikkagiel sátni barbaros čujuha daidda geat eai gullan greikalaš-romalaš kulturbirii, ee. danne go sii hálle áddemeahttun gielaid. Vrd. Kol 3,11; 1 Kor 14,11. ▶ greikalaččat, ▶ barbárat.Mun lean velggolaš sihke greikalaččaide ja barbáraide, sihke oahppan ja oahppameahttun olbmuide, 15ja dan dihte mun hálidivččen sárdnidit evangeliuma maiddái didjiide geat ássabehtet Romas.

Evangeliuma fápmu

16

1,16
Apd 13,46
1 Kor 1,18eč
15,1č
2 Tim 1,8+
Mun in heahpanatta evangeliumis. Dat lea Ipmila fápmu bestojupmin buohkaide geat oskot, ovddemustá juvddálaččaide ja dasto maiddái greikalaččaide. 17
1,17
Hab 2,4
Joh 3,36
Rom 3,21č
Gal 3,11
1,17 Ipmila vanhurskkisvuohta Váldodoaba girjjis romalaččaide. Dat mearkkaša ahte Ipmil ieš lea vanhurskkis, dahje ahte son addá vanhurskkisvuođa. Geahča erenoamážit 3,21–26.Evangeliumis Ipmila vanhurskkisvuohta almmustuvvá oskkus oskui, nugo lea čállojuvvon: Vanhurskkis galgá eallit oskku bokte.

Olbmo sivalašvuohta

18Ipmila moarri almmustuvvá almmis buot ipmilmeahttunvuođa ja vearrivuođa vuostá maid olbmot dahket, go čihket duohtavuođa vearrivuođa duohkái. 19

1,19
Apd 14,15eč
17,24eč
Dat maid olbmot sáhttet diehtit Ipmila birra lea sidjiide čalmmus, dasgo Ipmil lea almmustahttán dan sidjiide. 20
1,20
Job 12,7eč
Sál 19,2
Su oaidnemeahttun luondu, su agálaš fápmu ja ipmilvuohta leat oidnon gitta máilmmi sivdnideami rájes, ja olbmot leat dovdan dan su daguin. Danne sis ii leat mihkkege bealuštusaid. 21
1,21
Ef 4,17č
Vaikko sii dovde Ipmila, de sii eai gudnejahttán su Ipmilin eaige giitán su, muhto sin jurdagat šadde duššálažžan ja sin jierpmehis váibmu sevnnjodii. 22
1,22
1 Kor 1,19č
Sii atne iežaset viissisin, muhto šadde jallan, 23
1,23
5 Mos 4,15eč
Sál 106,20
ja sii molso Ipmila nohkameahttun hearvásvuođa ja bidje dan sadjái nohkavaš olbmuid, lottiid, njealjejuolggat elliid ja njoammuid govaid.

24

1,24
Sál 81,13
Apd 14,16
Dan dihte Ipmil divttii sin čuovvut iežaset váimmu anistumiid ja attii sin nuoskivuhtii, nu ahte sii heahppášuhttet rupmašiiddiset guhtet guimmiideasetguin. 25
1,25
Jer 10,10eč
16,19eč
1,25 Amen hebreagiela mielde “dat lea vissis ja duohta”. ▶ amen.Sii lonuhedje Ipmila duohtavuođa giellásiin ja gudnejahtte ja bálvaledje sivdnádusa eambbo go sivdnideaddji, gii lea buressivdniduvvon agálašvuhtii, amen.

26Dan dihte Ipmil attii sin heahpatlaš himuid háldui. Nissonat molso lunddolaš sohkabealoktavuođa eahpelunddolažžan, 27

1,27
3 Mos 18,22
20,13
1 Kor 6,9
ja olbmát maid heite ovttastallamis nissoniiguin lunddolaččat, ja sis buollájedje himut guhtet guoibmáseaset. Olbmát leat nuskošan olbmáiguin ja ožžo dan ráŋggáštusa maid ánssášedje čádjádusaset dihte.

281,28–31 dahkat dakkára mii ii heive Vearssaid sisdoallu lea bahás dábiid logahallan, miellaguottut ja dagut mat eai heive kristtalaš oskui ja eallimii. ▶ katalogat.Go sii eai beroštan dovdat Ipmila, de son attii sin iežaset árvvohis jurdagiid váldái dahkat dakkára mii ii heive. 29

1,29
Matt 15,19
Rom 13,13
1 Kor 5,10č
6,9č
2 Kor 12,20
Gal 5,19eč
Ef 5,3eč
Kol 3,5eč
1 Tim 1,9č
2 Tim 3,2eč
Sin dievva lea buotlágan vearrivuohta, bahávuohta, ruhtaváibmilvuohta, gávvilvuohta, gáđašvuohta, goddinmiella, riidu, behtolašvuohta ja baháneahkkánvuohta. 30Sii šláttardit, sárdnot sealggebealde, vašuhit Ipmila, dahket veahkaválddi, čeavllástallet, rámppastallet, leat bahájuonalaččat, eai jeagat vánhemiid, 31leat jierpmeheamit, oskkáldasmeahttumat, ráhkismeahttumat ja árpmuheamit. 32Vaikko sii dihtet Ipmila mearrádusa ahte dat geat dahket nu, ánssášit jápmit, de sii eai dušše daga daid ieža, muhto velá rámidit daid geat dahket seammá ládje.