Davvisámegiel Biibbal 2019 (Biibbal)
8

Čihččet seaila

81

8,1
6,1
Go Láppis rabastii čihččet seailla, de albmái šattai jávohisvuohta mii bisttii arvvu mielde diibmobeale. 2
8,2
Matt 24,31
Mun oidnen go dan čieža eŋgelii geat ledje čuožžumin Ipmila ovddas, addojuvvojedje čieža dorvve. 3
8,3
Sál 141,2
Alm 5,8
De bođii muhtin eará eŋgel ja čuoččastii áltára gurrii gollesuovaslihtti gieđas. Sutnje addojuvvojedje ollu suovvasat, vai son golleáltára alde truvnnu ovddas bijašii daid buot bassi olbmuid rohkadusaide. 4Ja suovvasiid suovva badjánii eŋgela gieđas Ipmila ovdii oktan bassi olbmuid rohkadusaiguin. 5
8,5
3 Mos 16,12č
Esek 10,2
Ja eŋgel válddii suovaslihti, devddii dan áltára dolain ja bálkestii dola eatnama ala. Dalle baján jumai, álddagasat šleđgo ja eanan doarggistii.

Guhtta mearkačuojahusa

6Dat čieža eŋgela geain ledje čieža dorvve, ráhkkanedje bossut iežaset dorvviid. 7

8,7
2 Mos 9,23eč
Esek 38,22
Vuosttaš eŋgel bosui iežas dorvve. Dalle bohte čuorbmasat ja dolla varain seaguhuvvon, ja dat gahčče eatnama ala. Goalmmádas eatnamis bulii, goalmmádas muorain bulii ja buot ruonas rássi bulii.

8

8,8
2 Mos 7,20č
Nubbi eŋgel bosui iežas dorvve. Dalle gahčai almmis juoga mii lei dego stuorra buolli várri. Goalmmádas ábis šattai varran, 9goalmmádas buot ábi heakkalaččain jámii ja goalmmádas skiippain duššai.

10

8,10
9,1
Goalmmát eŋgel bosui iežas dorvve. Dalle gahčai almmis stuorra násti mii bulii dego spáiddar, ja gahčadettiin dat devddii goalmmádasa jogain ja čáhceádjagiin. 11
8,11
Jer 9,15
8,11 máron mirkošaddu mas lea rihča smáhkka. ▶ máron.Nástti namma lea Máron. Goalmmádas čázis rievddai rihčan dego máron, ja ollu olbmot jápme dan čázis, danin go dat lei šaddan mirkkolažžan.

12

8,12
2 Mos 10,21
Esek 32,7č
Njealját eŋgel bosui iežas dorvve. Dalle játtai goalmmádas beaivvážis, goalmmádas mánus ja goalmmádas násttiin, nu ahte dat sevnnjodedje goalmmádasa. Beaivi massii goalmmádasa čuovggastis, ja maiddái idja sevnnjodii seammá láhkái.

13Dalle mun oidnen goaskima girdimin allin gasku almmi, ja mun gullen dan čuorvumin alla jienain: “Vuoi, vuoi! Vuoi eatnama ássiid, go dat golbma eará eŋgela bossot iežaset dorvviid.”

9

91

9,1
8,10
20,1
Viđát eŋgel bosui iežas dorvve. Dalle mun oidnen ahte almmis lei gahččan eatnamii násti. Dasa addojuvvui čiekŋalasa gáivvo čoavdda, 2ja dat rabastii čiekŋalasa gáivvo. Gáivvos badjánii suovva dego stuorra ommanis, ja gáivvo suovva sevnnjodahtii beaivváža ja áimmu. 3
9,3
2 Mos 10
Joel 1–2
Suovas bohte eatnama ala rásselohkut, ja daidda addojuvvui seammá fápmu go lea eatnama skorpiovnnain. 49,4 seaila >7,3.Daidda celkojuvvui ahte dat eai oaččo vahágahttit eatnama rásiid eaige makkárge eará ruotnasa eaige ovttage muora, muhto dušše daid olbmuid geain ii leat Ipmila seaila gállus. 5
9,5
1 Mos 7,24
Dat eai ožžon sin goddit, muhto biinnidit vihtta mánu. Ja biidnu maid dat dagahit, lea dego dalle go olmmoš lea čuggehallan skorpiovdnii. 6
9,6
Job 3,21
Alm 6,16
Daid beivviid olbmot ohcet jápmima, muhto eai gávnna, sii jámestuvvet, muhto jápmin báhtara sis.

7

9,7
Joel 2,4č
1 Kor 9,25+
Rásselohkut ledje oaidnit dego heasttat mat leat ráhkkanahttojuvvon soahtái. Dain lei oaivvis juoga mii lei oaidnit dego gollegierdu, daid ámadadju lei dego olbmo ámadadju 8ja dain ledje vuovttat dego nissona vuovttat. Daid bánit ledje dego ledjona bánit, 9ja dain ledje raddesuojit mat ledje dego ruovdi. Daid soajáid jietna lei dego soahtevovnnaid julla go eatnat heasttat gesset daid soahtái. 10Dain lei seaibi ja seahčagas dego skorpiovnnain, ja seibbiin dat ožžo vahágahttit olbmuid vihtta mánu. 119,11 Abaddon, Apollyon Namat mearkkašit “bilideaddji”.Daid gonagas lei čiekŋalasa eŋgel gean namma hebreagillii lea Abaddon ja greikkagillii Apollyon.

12

9,12
8,13
Vuosttaš vuoi-čuorvvas lea mannan, muhto velá bohtet guokte vuoi-čuorvasa.

13

9,13
2 Mos 30,1eč
Guđát eŋgel bosui iežas dorvve. Dalle mun gullen jiena golleáltára njealji čoarvvis, dan mii lea Ipmila ovddas. 149,14 Eufrateanu gáttis Eatnu lei romalaš máilmmi oarjerádji. Gč. 16,12.Jietna celkkii guđát eŋgelii gii lei bosson dorvve: “Luoitte luovos dan njeallje eŋgela geat leat čatnagasas stuorra Eufrateanu gáttis.” 15Dalle luitojuvvojedje luovos dat njeallje eŋgela geat ledje ráhkkanahttojuvvon dan boddui, beaivái, mánnui ja jahkái: Dat galge goddit goalmmádasa olbmuin. 16Soahteveaga riidejeddjiid lohku lei guoktelogiduhát geardde logiduhát; mun gullen daid logu.

17Ja dákkárat ledje mu oainnáhusas heasttat ja daid riidejeaddjit: Dain ledje dollarukses, čohkkesalit ja riššafiskes ruovdebáiddit, ja heasttaid oaivvit ledje dego ledjona oaivvit, ja daid njálmmis bođii dolla, suovva ja rišša. 18Dáinna golmmain givssiin, dolain ja suovain ja riššain, mat bohte heasttaid njálmmis, jámii goalmmádasoassi olbmuin. 19

9,19
9,10
Heasttaid fápmu lei daid njálmmis ja seaibbis; seaibi lei dego gearpmaš, ja das lei gearbmaša oaivi mainna dat vahágahtii olbmuid.

20

9,20
Sál 115,4eč
135,15eč
Dan 5,423
Alm 16,9+
Olbmot geaid dát givssit eai goddán, eai dattetge hilgon gieđaideaset daguid eaige heaitán rohkadallamis bahás vuoiŋŋaid ja eahpeipmilgovaid mat ledje gollis, silbbas, bronssas, geađggis ja muoras, govaid mat eai sáhte oaidnit, eai gullat eaige vázzit. 21Sii eai jorgalan eret sorbmemis ja noidodagas, eai fuorrávuođas eaige suolavuođas.

10

Eŋgel ja uhca girjegeroš

101

10,1
1,15č
4,3
De mun oidnen fas eará fámolaš eŋgela boahtimin vuolás almmis. Sus lei gárvun balva, ja su oaivvi birra lei arvedávgi, su ámadadju lei dego beaivváš ja su juolggit dego dollabáccit. 2
10,2
5,1
Sus lei gieđas uhca rabastuvvon girjegeroš. Son bijai olgeš juolggi ábi ala ja gurut juolggi eatnama ala 3
10,3
Am 1,2
3,8
Joh 12,29č
ja čuorvvui alla jienain, dego ledjon livččii čergon. Go son lei čurvon, de sárdno dat čieža bajánjiena. 4
10,4
Dan 8,26
12,49
Go dat čieža bajánjiena ledje sárdnon, de mun áigon čállit, muhto dalle mun gullen almmis jiena mii celkkii: “Seailit dan maid dat čieža bajána sárdno, alege čále dan.”

5

10,5
5 Mos 32,40
Dan 12,7
Eŋgel gean mun oidnen čuožžumin ábi ja eatnama alde, loktii olgeš gieđa almmi guvlui 6
10,6
2 Mos 20,11
ja vuortnui su bokte guhte eallá álo ja agálaččat, su guhte lea sivdnidan almmi, eatnama ja ábi ja buot mii dain lea: “Áigi ii šat leat. 7
10,7
Am 3,7
1 Kor 2,7
Ef 3,9
Go boahtá beaivi go čihččet eŋgel bajida dorvves ja bossu, de dalle Ipmila čiegus áigumuš lea ollašuhttojuvvon, nugo son lea almmuhan bálvaleddjiidasas profehtaide.”

8Jietna maid mun ledjen gullan almmis, sártnui fas munnje: “Mana dan eŋgela lusa gii čuožžu ábi ja eatnama alde, ja váldde rabastuvvon girjegeroža mii sus lea gieđas.” 9

10,9
Esek 2,8
3,1eč
Mun mannen eŋgela lusa ja sihten su addit munnje girjegeroža. Son celkkii munnje: “Váldde ja bora dan. Dat bávččastahttá du čoavjjis, muhto du njálmmis dat lea njálggat dego honnet.” 10Mun válden eŋgela gieđas girjegeroža ja borren dan. Mu njálmmis dat lei njálggat dego honnet, muhto go mun ledjen dan borran, de mun dovden čoavjjis bákčasa. 11
10,11
Jer 1,10
25,30
Munnje celkojuvvui: “Don fertet fastain profehtastallat mo geavvá máilmmi álbmogiidda, gielaide ja gonagasaide.”