Láppis rabasta guhtta seailla
61
5,1č
Mun oidnen ahte Láppis rabastii vuosttaža čieža seaillas, ja mun gullen ovtta dan njealji sivdnádusas čuorvumin bajánjienain: “Boađe!” 2
6,36
1 Kor 9,25Alm 19,11
Ja mun oidnen vilges heastta, ja dan riidejeaddjis lei dávgi. Sutnje addojuvvui vuoitogierdu, ja vuoitin son vulggii fas vuoitit.
3Go Láppis rabastii nuppi seailla, de mun gullen nuppi sivdnádusa cealkimin: “Boađe!” 4
6,2
Dalle bođii nubbi heasta mii lei buolli ruoksat. Dan riidejeaddjái addojuvvui fápmu váldit máilmmis ráfi eret ja bidjat olbmuid goddit guhtet guimmiideaset. Sutnje addojuvvui stuorra miehkki.
5
Go Láppis rabastii goalmmát seailla, de mun gullen goalmmát sivdnádusa cealkimin: “Boađe!” Ja mun oidnen čáhppes heastta, ja dan riidejeaddjis lei gieđas veakta. 6Mun gullen jiena mii orui boahtimin dan njealji sivdnádusa gaskkas, cealkimin: “Okta mihttu nisut denárii ja bivggit golbma mihtu, muhto oljju ja viinni it oaččo vahágahttit.”
7Go Láppis rabastii njealját seailla, de mun gullen njealját sivdnádusa cealkimin: “Boađe!” 8
Ja mun oidnen guvges heastta. Dan riidejeaddji namma lei Jápmin, ja dan maŋis bođii Jábmiidáibmu. Daidda addojuvvui fápmu ráđđet njealjádasa eatnamis, dat ožžo goddit mihkiin, nelggiin ja rohttudávddain, ja dat dikte eatnama spiriid goddit earrásiid.
9
Go Láppis rabastii viđát seailla, de mun oidnen áltára vuolde daid sieluid geat ledje sorbmejuvvon Ipmila sáni ja iežaset duođaštusa dihte. 10
Sii čurvo alla jienain: “Man guhká don, bassi ja duohta ráđđejeaddji, vuorddát ovdal go dubmet ja mávssahat min vara eatnama ássiide?” 11
Dalle sidjiide addojuvvojedje, iešguhtiige sierra, vilges biktasat, ja sidjiide celkojuvvui ahte sii galge ain vuoiŋŋadit oanehis áiggi, dassážii go dievašii sin ja sin bálvalanguimmiid ja vieljaid lohku geat goddojuvvošedje nugo sii.
12
Joel 3,4
Mun oidnen ahte Láppis rabastii guđát seailla. Ja šattai stuorra eanandoarggástus, beaivváš čáhpodii čáhppadin dego morašbivttas ja mánnu rievddai varraruoksadin. 13
Almmi násttit gahčče eatnamii nugo fiikonmuorra gahčaha láttakeahtes fiikoniiddis go garra biegga dan lihkahallá. 14
Alm 16,20
Albmi jávkkai dego girjegearru mii gissojuvvo čoahkkái, ja juohke várri ja suolu sirdojuvvui sajistis. 15
Eatnama gonagasat, stuorrát ja soahteoaivámuččat, riggát, fámolaš olbmát ja buot earrásat, sihke šlávat ja friddja olbmot, čiehkádedje bákteráiggiide ja várrerokkiide 16
Luk 23,30
Alm 9,6
ja čurvo váriide ja bávttiide: “Gahččet min badjelii ja čihket min su geahčastagas gii čohkká truvnnus, ja Lábbá moaris! 17
Mal 3,2
Su moari stuorra beaivi lea boahtán, ja gii sáhttá dalle bissut?”
Ipmila bálvaleaddjit merkejuvvojit seaillain
71
37,9
Dan 7,2
Das maŋŋil mun oidnen njeallje eŋgela čuožžumin eatnama njealji čiegas ja doallamin eatnama njeallje biekka, vai ii oktage biegga boso badjel eatnama ja ábi iige ovttage muora njeaiga. 2Ja mun oidnen eará eŋgela badjáneamen nuortan, ja son guttii ealli Ipmila seailla. Son čuorvvui alla jienain dan njealji eŋgelii geaidda lei addojuvvon fápmu vahágahttit eatnama ja ábi: 3
Ef 1,13č
2 Tim 2,19
Alm 9,4
7,3 seailla čájeha ahte olmmoš gullá Ipmilii ja galgá gáddjojuvvot. ▶ seaila.“Allet vahágahte eatnama, allet ábi alletge muoraid ovdal go leat bidjan seailla min Ipmila bálvaleddjiid gállui.” 4
21,12
Mun gullen maiddái daid logu geat ledje merkejuvvon seaillain. Sii ledje čuođinjealljeloginjealljeduháha, ja sii ledje buot Israela čearddain:
5Juda čearddas seailla ožžo
guoktenuppelohkáiduháha,
Rubena čearddas guoktenuppelohkáiduháha,
Gada čearddas guoktenuppelohkáiduháha,
6Ašera čearddas guoktenuppelohkáiduháha,
Naftali čearddas guoktenuppelohkáiduháha,
Manasse čearddas guoktenuppelohkáiduháha,
7Simeona čearddas guoktenuppelohkáiduháha,
Levi čearddas guoktenuppelohkáiduháha,
Isaskara čearddas guoktenuppelohkáiduháha,
8Sebulona čearddas guoktenuppelohkáiduháha,
Josefa čearddas guoktenuppelohkáiduháha
ja Benjamina čearddas guoktenuppelohkáiduháha.
9
Alm 3,4+
Das maŋŋil mun oidnen stuorra olmmošeatnatvuođa maid ii oktage máhttán lohkat. Das ledje olbmot buot eatnamiin, buot álbmogiin ja buot čearddain, ja sii sárdno buot gielaid. Sii čužžo truvnnu ja Lábbá ovddas, vilges biktasiidda gárvvuhuvvon ja gieđas pálbmaoaksi 10
ja čurvo alla jienain:
Bestojumi buktá min Ipmil,
son gii čohkká truvnnus,
ja Láppis!
11
Buot eŋgelat čužžo truvnnu ja vuorrasiid ja dan njealji sivdnádusa birra, ja sii luoitádedje muđolassii truvnnu ovdii, rohkadalle Ipmila 12
ja celke:
Amen.
Máidnun ja hearvásvuohta,
viisodat, giittus,
gudni, fápmu ja givrodat
min Ipmilii
álo ja agálaččat!
Amen.
13
De okta vuorrasiin jearai mus: “Geat leat dát geainna leat vilges biktasat? Gos sii leat boahtán?” 14
Matt 24,21č
Alm 22,14
Mun vástidin: “Hearrá, don dan dieđát.” Son celkkii munnje: “Dát leat dat geat leat boahtán dan stuorra áŧestusas. Sii leat bassan biktasiiddiset ja vilggodahttán daid Lábbá varas. 15
Danne sii leat Ipmila truvnnu ovddas ja bálvalit su ijatbeaivái su tempelis, ja son gii čohkká truvnnus, lea ceggen goađis sin badjelii. 16
Jes 49,10
Eai sii šat nealggo eaige goikka, ii sin givssit beaivváš iige mihkkege báhkaid. 17
Jes 25,8
Esek 34,23
Alm 21,46
Láppis gii lea truvnnu ovddas, goziha sin ja láide sin eallima čáhceádjagiid gáddái, ja Ipmil sihkku sin čalmmiin buot gatnjaliid.”
Čihččet seaila
81
Go Láppis rabastii čihččet seailla, de albmái šattai jávohisvuohta mii bisttii arvvu mielde diibmobeale. 2
Mun oidnen go dan čieža eŋgelii geat ledje čuožžumin Ipmila ovddas, addojuvvojedje čieža dorvve. 3
Alm 5,8
De bođii muhtin eará eŋgel ja čuoččastii áltára gurrii gollesuovaslihtti gieđas. Sutnje addojuvvojedje ollu suovvasat, vai son golleáltára alde truvnnu ovddas bijašii daid buot bassi olbmuid rohkadusaide. 4Ja suovvasiid suovva badjánii eŋgela gieđas Ipmila ovdii oktan bassi olbmuid rohkadusaiguin. 5
Esek 10,2
Ja eŋgel válddii suovaslihti, devddii dan áltára dolain ja bálkestii dola eatnama ala. Dalle baján jumai, álddagasat šleđgo ja eanan doarggistii.
Guhtta mearkačuojahusa
6Dat čieža eŋgela geain ledje čieža dorvve, ráhkkanedje bossut iežaset dorvviid. 7
Esek 38,22
Vuosttaš eŋgel bosui iežas dorvve. Dalle bohte čuorbmasat ja dolla varain seaguhuvvon, ja dat gahčče eatnama ala. Goalmmádas eatnamis bulii, goalmmádas muorain bulii ja buot ruonas rássi bulii.
8
Nubbi eŋgel bosui iežas dorvve. Dalle gahčai almmis juoga mii lei dego stuorra buolli várri. Goalmmádas ábis šattai varran, 9goalmmádas buot ábi heakkalaččain jámii ja goalmmádas skiippain duššai.
10
Goalmmát eŋgel bosui iežas dorvve. Dalle gahčai almmis stuorra násti mii bulii dego spáiddar, ja gahčadettiin dat devddii goalmmádasa jogain ja čáhceádjagiin. 11
8,11 máron mirkošaddu mas lea rihča smáhkka. ▶ máron.Nástti namma lea Máron. Goalmmádas čázis rievddai rihčan dego máron, ja ollu olbmot jápme dan čázis, danin go dat lei šaddan mirkkolažžan.
12
Esek 32,7č
Njealját eŋgel bosui iežas dorvve. Dalle játtai goalmmádas beaivvážis, goalmmádas mánus ja goalmmádas násttiin, nu ahte dat sevnnjodedje goalmmádasa. Beaivi massii goalmmádasa čuovggastis, ja maiddái idja sevnnjodii seammá láhkái.
13Dalle mun oidnen goaskima girdimin allin gasku almmi, ja mun gullen dan čuorvumin alla jienain: “Vuoi, vuoi! Vuoi eatnama ássiid, go dat golbma eará eŋgela bossot iežaset dorvviid.”