Davvisámegiel Biibbal 2019 (Biibbal)
20

Duhátjahkásaš riika

201

20,1
9,1
Ja mun oidnen almmis boahtimin vuolás eŋgela geas lei gieđas čiekŋalasa čoavdda ja stuorra láhkkit. 2
20,2
12,9+
Son dohppii guovddi, dan boares gearbmaša mii lea beargalat ja Sáhtán, ja bijai dan láhkkiide duhát jahkái, 3bálkestii dan čiekŋalassii ja lohkkadii ja seailidii uvssa dan maŋis. Gearpmaš ii šat beasa čádjidahttit álbmogiid, ovdal go duhát jagi leat vássán. De dat luitojuvvo luovos oanehis áigái.

4

20,4
3,21
13,16+
Mun oidnen truvnnuid, ja daidda geat čohkánedje truvnnuide, addojuvvui dubmenváldi. Mun oidnen daid olbmuid sieluid geat ledje steavliduvvon Jesusa duođaštusa ja Ipmila sáni dihte, daid geat eai lean rohkadallan beađu ja dan gova eaige lean váldán dan mearkka gálloseaset eaige giehtaseaset. Sii eallájedje ja ráđđejedje oktan Kristusiin duhát jagi. 5Eará jábmit eai šaddan fas eallin ovdal go duhát jagi ledje vássán.

Dát lea vuosttaš bajásčuožžileapmi. 6

20,6
1,6
5,10
Ávdugasat ja basit dat geain lea oassi vuosttaš bajásčuožžileapmái! Nuppi jápmimis ii leat fápmu sidjiide, muhto sii leat Ipmila ja Kristusa báhpat ja ráđđejit oktan Kristusiin duhát jagi.

7Go duhát jagi leat dievvan, de Sáhtán luitojuvvo luovos giddagasastis, 820,8 Gog, Magog Vrd. Esek 38–39; Alm 16,14; 19,19.ja dat vuolgá fillet álbmogiid máilmmi njealji čiegas. Dat čádjidahttá Goga ja Magoga ja čohkke álbmogiid soahtái, ja daid veagat leat dego ábi sáttočalmmit. 9

20,9
2 Gon 1,10eč
Esek 39,6
Dat mannet eatnama alladuolbadassii ja birastahttet bassi olbmuid soahtesiidda ja ráhkistuvvon gávpoga. Muhto almmis gahččá dolla, ja dat duššada daid buohkaid. 10
20,10
Matt 25,41Alm 13,11
14,1016,13
Beargalat mii lei fillen daid álbmogiid, bálkestuvvo dolla- ja riššajávrái nugo maiddái beahtu ja vearreprofehta, ja doppe dat biinniduvvojit ijatbeaivái, álo ja agálaččat.

Maŋimuš duopmu

11

20,11
Matt 25,31eč
2 Pet 3,71012
Ja mun oidnen stuorra vilges truvnnu ja su gii das lea čohkkámin. Su muođuid ovddas báhtaredje eanan ja albmi, eaige dat lean šat. 12
20,12
Dan 7,10
12,1č
Joh 5,28č
Alm 3,5+
Mun oidnen maiddái jábmiid, stuorráid ja smávváid, čuožžumin truvnnu ovddas. Girjjit rabastuvvojedje, rabastuvvui maiddái eallima girji, ja jábmit dubmejuvvojedje dan mielde mii girjjiide lei čállojuvvon, iešguhtege daguidis mielde. 13Áhpi attii jábmiidis, Jápmin ja Jábmiidáibmu adde jábmiideaset, ja sii buohkat dubmejuvvojedje daguideaset mielde. 14
20,14
1 Kor 15,2654č
Alm 2,11+
Jápmin ja Jábmiidáibmu bálkestuvvojedje dollajávrái. Dát lea nubbi jápmin, dollajávri. 15Juohkehaš gean namma ii lean čállojuvvon eallima girjái, bálkestuvvui dan dollajávrái.

21

Ođđa albmi ja ođđa eanan

211

21,1
Jes 65,17
2 Pet 3,13
Ja mun oidnen ođđa almmi ja ođđa eatnama. Ovddit albmi ja ovddit eanan ledje jávkan, iige áhpi lean šat. 2
21,2
Gal 4,26
Hebr 11,10
12,22
Mun oidnen go bassi gávpot, ođđa Jerusalem, bođii vuolás almmis Ipmila luhtte, ráhkaduvvon nugo moarsi gii lea čiŋahuvvon irgásis. 3
21,3
3 Mos 26,11č
Esek 37,27
Sak 2,14č
2 Kor 6,16
Alm 7,15
Ja mun gullen truvnnus alla jiena mii celkkii:

“Geahča, Ipmila goahti olbmuid gaskkas!

Son ássá sin gaskkas,

ja sii šaddet su álbmogin.

Ipmil ieš lea sin luhtte.

4

21,4
Jes 25,8
35,10
65,19
Alm 7,17
Son sihkku sin čalmmiin juohke gatnjala.

Jápmin ii leat šat,

ii moraš, bárgun iige váivi.

Buot mii lei ovdal, lea jávkan.”

5

21,5
2 Kor 5,17
Alm 4,2+
Son gii čohkká truvnnus, celkkii: “Geahča, mun dagan buot ođasin.” Son celkkii: “Čále, dát leat luohtehahtti ja duohta sánit.” 6
21,6
Jes 55,1
Sak 14,8
Joh 4,10
7,37
Alm 1,8
22,117
21,6 Alfa ja Omega >1,8.Son celkkii vel munnje: “Dat lea ollašuvvan. Mun lean Alfa ja Omega, álgu ja loahppa. Dasa gii goiká, mun attán juhkat eallima čázi ádjagis ánssáškeahttá. 7
21,7
2 Sam 7,14
Dat gii vuoitá, árbe buot dán. Mun lean su Ipmil, ja son lea mu bárdni. 8
21,8
2,1114,1022,15+
Muhto árggiid, eahpeoskkolaččaid, fasttiid, sorbmejeddjiid ja furrošeddjiid, noidošeddjiid, eahpeipmiliid bálvaleddjiid ja buot gielástalliid oassi lea jávrris mas buollá dolla ja rišša. Dát lea nubbi jápmin.”

Ođđa Jerusalem

9

21,9
15,1
19,7
Okta dan čieža eŋgelis geain ledje gearas čieža maŋimuš givssi, bođii mu lusa ja celkkii: “Boađe, mun čájehan dutnje moarsi, Lábbá áhká.” 10
21,10
Esek 40,2
Eŋgel doalvvui mu vuoiŋŋas stuorra ja alla várrái ja čájehii munnje bassi gávpoga, Jerusalema, mii bođii vuolás almmis, Ipmila luhtte. 11Das lei Ipmila hearvásvuohta, dat čuovggai mávssolaččamus geađggi láhkái, jaspisa láhkái, šearrádin dego kristálla. 12
21,12
Esek 48,31eč
Dan birra lei stuorra ja alla muvra mas ledje guoktenuppelohkái poartta, ja daid guoras čužžo guoktenuppelohkái eŋgela. Poarttaide ledje čállojuvvon Israela guoktenuppelohkái čeardda namat. 13Nuorttabealde ledje golbma poartta, davábealde golbma, lulábealde golbma ja oarjjabealde golbma poartta. 14
21,14
Ef 2,20
Gávpotmuvrras ledje guoktenuppelohkái vuođđogeađggi, ja dain ledje guoktenuppelohkái nama, Lábbá guoktenuppelohkái apostala namat.

15

21,15
Esek 40,3eč
Alm 11,1
Eŋgelis gii muinna sártnui, lei gollesoabbi mainna son áiggui mihtidit gávpoga ja dan poarttaid ja muvrraid. 16
21,16
Esek 48,16č
21,16 guoktenuppelotduhát stadia su. 222 miilla. ▶ mihttu ja deaddu.Gávpot lei njealječiegat, seammá guhkki go govdat. Son mihtidii soppiinis gávpoga ja oaččui mihttun guoktenuppelotduhát stadia; guhkkodat, govdodat ja allodat ledje ovttamahtosaččat. 1721,17 čuođinjealljeloginjeallje állana su. 65 m.Son mihtidii maiddái gávpotmuvrra, ja dat lei čuođinjealljeloginjeallje állana; eŋgel lei atnimin olbmuid mihtu mii lea maiddái eŋgeliid mihttu. 18Muvra lei ráhkaduvvon jaspisis, ja gávpot lei buhtis gollis mii lei šealgat dego láse. 19
21,19
2 Mos 28,15–21
Jes 54,11č
Gávpotmuvrra vuođđogeađggit ledje čiŋahuvvon juohkelágán mávssolaš geđggiiguin. Vuosttaš vuođđogeađgi lei jaspis, nubbi safira, goalmmát kalsedona, njealját smarágda, 20viđát sardonyksa, guđát karneola, čihččet krysolihtta, gávccát berylla, ovccát topása, logát krysoprása, oktanuppelogát hyasinta ja guoktenuppelogát ametysta. 21Poartan ledje guoktenuppelohkái bearrala, guhtege poarta lei ráhkaduvvon ovtta bearralis. Gávpoga váldogáhta lei buhtis gollis mii lei čađačuovgi dego láse.

22Mun in oaidnán gávpogis maidege tempeliid, danin go dan tempel lea Hearrá Ipmil, Buotveagalaš, son ja Láppis. 23

21,23
Jes 60,19č
Gávpot ii dárbbaš beaivváža iige mánu čuovgga, danin go Ipmila hearvásvuohta čuvge dan, ja Láppis lea dan lámpá. 24
21,24
Jes 60,1eč
Álbmogat vádjolit dan čuovgasis, ja máilmmi gonagasat buktet dohko hearvásvuođaset. 25
21,25
Jes 60,11
Alm 22,5
Gávpoga poarttat eai dahppojuvvo beaivet, ja idja doppe ii leat. 26Álbmogiid hearvásvuohta ja riggodagat buktojuvvojit dohko. 27
21,27
Jes 52,1
Alm 3,5+
Ii mihkkege buhtismeahttumiid beasa dohko, ii oktage gii bargá fasttit ja behtolaččat, muhto dušše dat geaid namat leat čállojuvvon Lábbá eallima girjái.

22

Eallima čáhci ja eallima muorra

221

22,1
Esek 47,1eč
Alm 21,6+
Eŋgel čájehii munnje eallima čázi joga mii šealgá dego kristálla ja golgá Ipmila ja Lábbá truvnnus. 2
22,2
1 Mos 2,9
3,2224
Alm 2,7
22,14
Gávpoga váldogáhtas, johkasurggiid gaskkas šaddá eallima muorra. Muorra šaddada šaddosiid guovttenuppelohkái geardde jagis, ođđa šaddosiid juohke mánus, ja muora lasttain álbmogat ožžot dearvvašvuođa. 3
22,3
Sak 14,11
Ii mihkkege garuhusaid leat šat. Gávpogis lea Ipmila ja Lábbá truvdnu, ja su bálvaleaddjit bálvalit su. 4
22,4
Matt 5,8
Alm 3,12
Sii ožžot oaidnit su muođuid, ja su namma lea sin gállus. 5
22,5
Jes 60,19č
Sak 14,7
Alm 21,25
Idja ii leat šat, ii oktage dárbbaš lámppá iige beaivváža čuovgga, danin go Hearrá Ipmil lea sin čuovgá. Sii ráđđejit gonagassan álo ja agálaččat.

Hearrá Jesus boahtá fargga

6

22,6
1,1
19,9
21,5
Eŋgel celkkii munnje: “Dát leat luohtehahtti ja duohta sánit. Hearrá guhte lea profehtaid vuoiŋŋaid Ipmil, lea vuolggahan eŋgelis čájehit bálvaleddjiidasas dan mii fargga dáhpáhuvvá. 7
22,7
Fil 4,5Alm 1,3
Mun boađán fargga. Ávdugas dat gii vurke dán girjji profehtalaš sániid.”

8

22,8
19,10
Mun, Johannes, lean gullan ja oaidnán buot dán. Go mun ledjen dan gullan ja oaidnán, de mun luoitádin eŋgela julggiid ovdii rohkadallat su gii lei čájehan dan munnje. 9Muhto son celkkii: “Ale bargga nie! Mun lean Ipmila bálvaleaddji nugo don ja profehtat, du vieljat, ja buohkat geat vurkejit dán girjji sániid. Ipmila don galggat rohkadallat!” 10
22,10
Dan 12,4
Son celkkii munnje: “Ale seailit dán girjji profehtalaš sániid, danin go áigi lea lahka.

11

22,11
Dan 12,10
Dahkos vearredahkki ain veriid,

ellos buhtismeahttun ain buhtismeahttumit,

dahkos vanhurskkis ain

vanhurskkisvuođa,

ovdánehkos bassi olmmoš

ain bassivuođas.”

12

22,12
Jes 40,10
Matt 16,27+
“Mun boađán fargga, ja boađedettiinan mun buvttán juohkehažžii bálkká, mávssán iešguhtiige su daguid mielde. 1322,13 Alfa ja Omega >1,8+.Mun lean Alfa ja Omega, vuosttaš ja maŋimuš, álgu ja loahppa.

14

22,14
7,14
22,2+
Ávdugasat dat geat basset biktasiiddiset. Sii ožžot vuoigatvuođa borrat eallima muoras ja mannat poarttaid ráigge gávpogii. 15
22,15
1 Kor 6,9č
Fil 3,2
Alm 21,8
Olggobealde leat beatnagat ja noidošeaddjit, furrošeaddjit, sorbmejeaddjit ja eahpeipmiliid bálvaleaddjit ja buohkat geat giellásiid ráhkistit ja sárdnot.

16

22,16
1,1
2,28
5,5+
22,16 guovssonásti Gč. 2,28.Mun, Jesus, lean vuolggahan din lusa iežan eŋgela duođaštit dán searvegottiide. Mun lean Davida vesá ja sohka, čuvges guovssonásti.”

17

22,17
21,6+
Vuoigŋa ja moarsi cealkiba: “Boađe!” Dat gii dán gullá, celkos: “Boađe!” Bohtos dat gii goiká. Gii dáhttu, dat oažžu eallima čázi nuvttá.

18

22,18
5 Mos 4,2
12,32
Mun duođaštan juohkehažžii gii gullá dán girjji profehtalaš sániid: Jos guhtege lasiha daidda maidege, de Ipmil bidjá su gillát daid givssiid maid birra dán girjjis lea čállojuvvon. 19Jos guhtege váldá eret juoidá dán profehtalaš girjji sániin, de Ipmil váldá sus eret su oasi eallima murrii ja bassi gávpogii, maid birra dán girjjis lea čállojuvvon.

20

22,20
1 Kor 16,22
Fil 4,5+
22,20 Amen >1,6.Son gii duođašta dán, cealká: “Duođaid, mun boađán fargga.” Amen. Boađe, Hearrá Jesus!

21Hearrámet Jesus Kristusa árbmu lehkos buohkaiguin.