Davvisámegiel Biibbal 2019 (Biibbal)
17

Stuorra fuorrá ja beahtu

171

17,1
Jer 51,13
Alm 15,1
17,1 stuorra fuorá dás govvida Roma. Vrd. 14,8; 18,2.Okta dan čieža eŋgelis geain ledje čieža geara, bođii mu lusa ja celkkii: “Boađe, mun čájehan dutnje dan stuorra fuorá duomu gii čohkká stuorra čáziid guoras, 2
17,2
Jer 51,7
Alm 14,8
dat geainna eatnama gonagasat leat furrošan ja gean fuorrávuođa viinnis eatnama ássit leat oaivvahuvvan.” 3
17,3
11,7
13,1č
Vuoigŋa válddii mu, ja eŋgel doalvvui mu meahccái. Mun oidnen nissona čohkkámin čuvgesrukses beađu sealggis. Bilkideaddji namat ledje čállojuvvon miehtá beađu mas ledje čieža oaivvi ja logi čoarvvi. 4
17,4
18,16
Nissona gárvun ledje purpurrukses ja čuvgesrukses biktasat, ja su čikŋan ledje gollit, divrras geađggit ja bearralat. Gieđas son doalai gollegeara man dievva lei su furrodaga fastivuohta ja nuoskivuohta. 5Su gállui lei čállojuvvon namma, čiegusvuohta: “Stuorra Babylon, buot fuoráid ja eatnama fastivuođaid eadni.” 6
17,6
18,24
Mun oidnen nissona šaddan juhkamiidda bassi olbmuid ja Jesusa duođašteddjiid varas, ja mun ovddošin go oidnen su.

7Eŋgel celkkii munnje: “Manne don ovddošit? Mun muitalan dutnje nissona čiegusvuođa ja dan beađu čiegusvuođa mii su guoddá, dan mas leat čieža oaivvi ja logi čoarvvi. 8

17,8
3,513,1+
Beahtu maid oidnet, lea leamaš, muhto dál ii leat šat. Dat badjána čiekŋalasas ja manná hevvui. Dat eatnama ássit geaid namat eai máilmmi vuođđudeami rájes leat leamaš čállojuvvon eallima girjái, ovddošit go oidnet beađu, danin go dat lea leamaš iige leat šat, muhto dat boahtá fas.

9

17,9
13,18
17,9 čieža vári Roma lei čieža aláža alde.Dás adnojuvvo jierbmi ja viisodat. Dat čieža oaivvi leat čieža vári maid alde nisson čohkká. Maiddái gonagasat leat čieža. 10Viđas leat juo gahččan, guđát lea ain. Okta ii leat velá boahtán, ja go son boahtá, de son bissu oanehis áiggi. 11
17,11
19,20
Beahtu ieš – dat mii lei iige leat šat – lea gávccát gonagas ja dan čiehččasa searvvis, ja son manná hevvui.

12

17,12
Dan 7,24
Logi čoarvvi maid oidnet, leat logi gonagasa geat eai leat velá beassan ráđđet, muhto oktan beađuin sii ožžot gonagasválddi oanehis áigái. 13Sis lea oktasaš oaivil ja sii addet fámuset ja válddiset beađu bálvalussii. 14
17,14
5 Mos 10,17
1 Tim 6,15
Alm 19,16
Sii buohkat sohtet Lábbáin, muhto Láppis vuoitá sin, danne go son lea hearráid Hearrá ja gonagasaid Gonagas. Oktan suinna vuitet su oskkáldas olbmot geaid son lea rávkan ja válljen.”

15

17,15
Jes 8,7
Alm 17,1
Eŋgel sártnui velá: “Čázit maid oidnet, dat maid gáttis fuorrá čohkká, leat álbmogat, olmmošeatnatvuođat, eatnamat ja gielat. 16
17,16
17,12
Dat logi čoarvvi ja beahtu maid oidnet, vašuhišgohtet fuorá, nullet su báljisin ja álásin, borret su oačči ja boldet su gutnan. 17Dasgo Ipmil lea bidjan sin váibmui jurdaga ollašuhttit iežas áigumuša. Danin sii oktii ráđiid addet gonagasválddiset behtui, dassážii go Ipmila sánit ollašuvvet.

18Nisson gean oidnet, lea dat stuorra gávpot mii ráđđe buot eatnama gonagasaid.”

18

Babylon gahččá

181Das maŋŋil mun oidnen muhtun eŋgela boahtimin vulos almmis. Sus lei stuorra fápmu, ja su hearvásvuohta čuovggai oppa eatnama. 2

18,2
Jes 13,21
21,9
Jer 50,39
Dan 4,30
1 Pet 5,13
18,2 Babylon Roma gávpoga čiehkádannamma. >14,8.Son čuorvvui alla jienain:

“Gahččan, gahččan lea stuorra Babylon!

Dat lea šaddan

buot bahás vuoiŋŋaid orrunsadjin,

buot nuoskkes vuoiŋŋaid

ja buot nuoskkes

ja eartnjehas lottiid beassin.

3

18,3
14,8
17,2
Dan fuorá viinni,

moari viinni,

leat buot álbmogat juhkan,

buot eatnama gonagasat

leat furrošan suinna,

ja buot eatnama gávpeolbmát

leat šaddan rikkisin

su goargatvuođa dievasvuođas.”

4

18,4
Jes 48,20
Jer 51,6
2 Kor 6,17
Ja mun gullen nuppi eará jiena cealkimin almmis:

Vulget eret, hilgot su, dii geat lehpet mu álbmot,

amadet šaddat servvolažžan su suttuide

ja deaivvahallat su givssiide.

5

18,5
1 Mos 18,20č
Jer 51,9
Su suttut leat ollen gitta almmi rádjái,

ja Ipmil lea muitán su bahás daguid.

6

18,6
Sál 137,8
Jer 50,1529
Dahket sutnje nugo son

lea dahkan earáide,

mávssahehket sutnje su daguid

guovttegeardásaččat.

Njorret sutnje guovttegeardásaččat

dan gerrii masa son earáide

lea njoarran juhkamuša.

7

18,7
Jes 47,7eč
Addet sutnje seammá ollu givssi ja morraša

go son ieš lea návddašan hearvásvuođa

ja badjelmearálašvuođa.

Son cealká ain váimmustis:

“Mun lean dronnet ja čohkkán truvnnus.

Leaska in leat,

goassege in šatta moraštit.”

8Dan dihte su givssit

bohtet ovtta beaivvis,

jápmin, moraš ja nealgi,

ja son boldojuvvo dolas.

Gievra lea Hearrá Ipmil

guhte lea su dubmen!

9

18,9
Esek 26,16č
27,30eč
Eatnama gonagasat geat suinna leat furrošan ja leaicidan, čirrot ja luibmet su dihte, go oidnet su dola suova. 10
18,10
Jer 51,8
Sii čužžot gáidosis, suorganan das mo son givssiduvvo. Sii fuikot:

“Vuoi, vuoi du, stuorra gávpot!

Vuoi du, Babylon, fámolaš gávpot!

Du duopmu bođii ovtta bottus.”

11

18,11
Esek 27,36
Máilmmi gávpeolbmát čirrot ja moraštit su, go ii oktage šat oastte sin gálvvuid: 12
18,12
Esek 27,12eč
eai golliid, silbbaid, divrras geđggiid, bearraliid, fiinna liinniid, purpurdiŋggaid, silkkiid, eai čuvgesrukses diŋggaid, eai njálggahájat muoraid, eai elefántabátnedujiid eaige mávssolaš muorradujiid, eai veaike-, ruovde- eaige marmorgálvvuid, 13eai kanelaid eaige eará máistagiid, eai suovvasiid, hádjavuoidasiid eaige suovastanbihkaid, eai viinni eaige oljju, eai fiinna jáffuid eaige nisuid, eai šibihiid, sávzzaid, heasttaid eaige vovnnaid, eai šlávaid, ealli olbmuid.

14Šaddosat maidda don

oppa sielus anistuvvet,

leat dál jávkan,

buot du fávruvuohta ja goargatvuohta

lea mannan

iige máhca goassege.

15

18,15
Esek 27,36
Daid gálvvuid gávppašeaddjit geat leat šaddan rikkisin fuorá jábálašvuođas, čužžot gáidosis, suorganan go son givssiduvvo. Sii čirrot, luibmet 16ja dadjet:

“Vuoi, vuoi du, stuorra gávpot!

Don lávejit gárvodit beallemasa,

purpurrukses ja čuvgesrukses biktasa,

du čikŋan ledje gollit,

divrras geađggit ja bearralat,

17

18,17
Esek 27,27eč
muhto ovtta bottus

du stuorra riggodat lea duššan.”

Buot skiipahoavddat ja borjjasteaddjit, buot mearraolbmát ja eará mearrajohttit, čužžo gáidosis, 18ja go sii oidne suova badjáneamen su dolas, de sii čurvo: “Mii lea dán stuorra gávpoga veardásaš?” 1918,19 botkkuhedje muoldda oaivvi ala moraštanvierut.Ja sii botkkuhedje muoldda oaivvi ala ja čurvo čierrumiin ja luoibmamiin:

“Vuoi, vuoi stuorra gávpoga

man jábálašvuođas riggo

buot mearrajohttit!

Ovtta bottus dat lea duššan.”

20

18,20
Jes 44,23
Jer 51,48
Ávvut dan loahpa dihte, albmi,

illudehket, buot bassi olbmot,

buot profehtat ja apostalat!

Ipmil lea dubmen dan gii din dubmii.

21

18,21
Jer 51,63č
De muhtun fámolaš eŋgel loktii stuorra geađggi, millogeađggi mahtosačča, bálkestii dan áhpái ja celkkii:

“Ná bálkestuvvo hoahpus

Babylon, dat stuorra gávpot,

iige dat leat šat.

22

18,22
Jes 24,8
Esek 26,13
Du siste ii šat gullojuvvo

hárpačuojaheapmi, eai lávlagat,

ii njurgganasa iige dorvve jietna.

Eai leat šat guđege suorggi duojárat du siste,

ii šat gullojuvvo millogeađggi jurra du siste.

23

18,23
Jes 23,8
47,9
Jer 7,34
16,9
25,10
Ii šat oidnojuvvo lámppá čuovga du siste,

eai gullojuvvo irggi,

eai moarsi ilolaš jienat du siste.

Du gávpeolbmát

ledje máilmmi válddálaččat,

don geidet álbmogiid noidodagainat

ja čádjidahttet daid.

24

18,24
Jer 51,49
Alm 16,6
17,6
Du gieđain lei profehtaid

ja bassi olbmuid varra,

buohkaid varra geat leat sorbmejuvvon

eatnama alde.”

19

Ávvulávlla almmis

19119,1 Halleluja máidnunčuorvvas, geavahuvvon juvddálaš ipmilbálvalusas. Dat mearkkaša: “Máidnot Hearrá!”Das maŋŋil mun gullen almmis stuorra jiena, dego stuorra olmmošeatnatvuohta livččii lávlon:

Halleluja!

Bestojumi buktá min Ipmil,

su lea hearvásvuohta ja fápmu.

2

19,2
5 Mos 32,43
Sál 19,10
119,137
Alm 16,7
19,2 stuorra fuorá >17,1.Su duomut leat duođat ja vanhurskásat.

Son lea dubmen stuorra fuorá

gii bilidii eatnama fuorrávuođainis,

son lea mávssahan fuorrái

bálvaleddjiidis vara.

3

19,3
Jes 34,10
Alm 14,11
Jietna gullui fas:

Halleluja!

Fuorá dola suovva badjána

álo ja agálaččat.

4

19,4
4,2+.4.6eč
Guokteloginjeallje vuorrasa ja dat njeallje sivdnádusa luoitádedje muđolassii Ipmila ovdii ja rohkadalle su gii čohkká truvnnus. Sii celke: “Amen. Halleluja!” 5
19,5
Sál 22,24
115,13
135,1
Ja truvnnus gullui jietna:

“Máidnot min Ipmila, buot su bálvaleaddjit,

dii geat sus ballabehtet,

smávvát ja stuorrát!”

6

19,6
Sál 93
96–99
Alm 11,1517
14,2
De mun gullen jiena mii lei dego olmmošeatnatvuođa ja stuorra čáziid márra ja garra bajána jupma. Dat celkkii:

Halleluja!

Hearrá, min Ipmil, Buotveagalaš,

lea dál gonagas.

7

19,7
Joh 3,29Alm 21,9
Illudehkot ja ávvudehkot,

addot sutnje gudni!

Dál leat boahtán Lábbá heajat.

Su moarsi lea ráhkkanan,

8

19,8
Jes 61,10
sutnje lea gárvvuhuvvon buhtis ja čuovgilis liidnebivttas.

Dat liidnebivttas lea bassi olbmuid vanhurskkis dagut.

9

19,9
Matt 22,2eč
Luk 14,15
Eŋgel celkkii munnje: “Čále: Ávdugasat dat geat leat bovdejuvvon Lábbá headjamállásiidda.” Ja son celkkii velá: “Dát leat Ipmila duohta sánit.” 10
19,10
22,8č
Mun luoitádin su julggiid ovdii vai beasan rohkadallat su, muhto son celkkii: “Ale dan daga! Mun lean Ipmila bálvaleaddji nugo don ja du vieljat geat lehpet Jesusa duođašteaddjit. Ipmila don galggat rohkadallat!”

Jesusa duođašteddjiin lea profehtastallama Vuoigŋa.

Vilges heasta ja dan riidejeaddji

11

19,11
3,14
De mun oidnen almmi rabasin, ja geahča: Vilges heasta ja dan čielggis olmmái. Son lea oskkáldas ja duohta, son dubme ja soahtá vanhurskásit. 12
19,12
2 Mos 3,13–15
Sál 148,13
Sak 14,9
Su čalmmit ledje dego dollanjuokčamat, sus ledje oaivvis máŋga kruvnnu, ja sutnje lei čállojuvvon namma maid dušše son ieš dovdá. 13
19,13
Jes 63,1eč
Joh 1,1
Son lei gárvodan varas buonjostuvvon oalgebiktasa, ja su namma lea Ipmila Sátni.

14

19,14
3,4+
Su maŋis bohte almmiveagat vilges heasttaid čielggis fiinna, vilges ja buhtis liidnebiktasii gárvvohuvvon. 15
19,15
Sál 2,9
Hebr 4,12Alm 2,27
12,5
14,19č
Su njálmmis boahtá bastilis miehkki. Dainna son časká álbmogiid, son stivre daid ruovdesoppiin ja duolbmá viidnebohčingári man dievva lea buotveagalaš Ipmila buolli moari viidni. 16
19,16
17,14+
Su biktasii alimiid bokte lea čállojuvvon namma: Gonagasaid Gonagas ja hearráid Hearrá.

17

19,17
Esek 39,17eč
De mun oidnen eŋgela gii čuoččui badjin beaivvážis. Son čuorvvui alla jienain buot lottiide mat girde allin gasku almmi: “Bohtet, čoahkkanehket Ipmila stuorra mállásiidda! 18Dii beassabehtet borrat gonagasaid, soahteoaivámuččaid ja fámolaččaid oačči, heasttaid ja daid riidejeddjiid oačči, buohkaid oačči, friddja olbmuid ja šlávaid, smávváid ja stuorráid.”

19

19,19
Sál 2,2
Alm 16,1416
17,12eč
De mun oidnen beađu ja eatnama gonagasaid oktan soahteveagaideasetguin čoagganan soahtat riidejeddjiin ja su veagain. 20
19,20
Dan 7,11
Alm 13,11eč1614,10+
Muhto beahtu dohppejuvvui, ja oktan dainna vearreprofehta gii beađu nammii lei dahkan mearkkaid ja fillen daid geat ledje váldán beađu mearkka ja rohkadallan dan gova. Goappašagat bálkestuvvuiga eallinaga dollajávrái gos rišša buollá. 21
19,21
Esek 39,1720
Earrásat gottáhalle miehkkái mii bođii riidejeaddji njálmmis, ja buot lottit gallehuvvojedje sin oaččis.