Davvisámegiel Biibbal 2019 (Biibbal)
13

Guokte beađu

131

13,1
Dan 7,3
Alm 11,7
17,8
Mun oidnen beađu badjáneamen ábis. Das ledje logi čoarvvi ja čieža oaivvi, ja guđege čoarvvis lei kruvdnu ja guđege oaivái lei čállojuvvon hiddjideaddji namma. 2
13,2
Dan 7,4eč
Beahtu maid mun oidnen, lei leopárdda láhkásaš, muhto juolggit das ledje dego guovžžas ja njálbmi dego ledjonis. Guovdi attii dasa iežas fámu ja truvnnu ja stuorra válddi. 3Mun oidnen ahte okta dan oivviin orui ožžon jápminhoakka, muhto hávvi lei savvon.

Oppa eanan ovddošii beađu ja čuovvulii dan. 413,4 Gii lea beađu láhkásaš hebreagiela mielde eŋgela namma Mikael mearkkaša “Gii lea Ipmila láhkásaš”.Buohkat gopmirdedje guovddi mii lei addán behtui válddi. Sii gopmirdedje maiddái beađu ja dadje: “Gii lea beađu láhkásaš? Gii sáhttá soahtat dainna?”

5

13,5
Dan 7,8112025
Alm 11,2č
Behtui addojuvvui njálbmi mii bilkida ja sárdnu stuorra sániid, ja dat oaččui dan fámu njealljelogiguovtti mánnui. 6Dat rabastii njálmmi ja bilkidišgođii Ipmila. Dat bilkidii su nama, su ássansaji ja buohkaid geat ásset almmis. 7
13,7
Dan 7,21
Alm 11,7
Dasa addojuvvui lohpi soahtat bassi olbmuiguin ja vuoitit sin badjel, ja dan gihtii addojuvvojedje buot čearddat ja álbmogat, gielat ja eatnamat. 8
13,8
3,55,6+
Buot eatnama ássit rohkadallet beađu, buohkat geaid namma ii máilmmi vuođđudeami rájes leat leamaš čállojuvvon njuvvojuvvon Lábbá eallima girjái.

9Geas leat bealjit, dat gullos:

10

13,10
Jer 15,2
43,11
Matt 26,52
Alm 14,12
Gean vuorbin fáŋgavuohta,

dat manná fáŋgavuhtii,

gean vuorbin jápmit miehkkái,

dat goddojuvvo mihkiin.

Dás lea bassi olbmuid gierdavašvuohta ja osku.

11

13,11
Matt 7,15
Alm 13,16
19,20
20,10
De mun oidnen nuppi beađu badjáneamen eatnamis. Das ledje guokte čoarvvi dego lábbás, muhto dat sártnui dego guovdi. 12Dat atná vuosttaš beađu olles válddi ja bidjá eatnama ja dan ássiid rohkadallat vuosttaš beađu, dan man jápminhoagga lei buorránan. 13
13,13
Matt 24,24
2 Tess 2,9č
Dat dahká stuorra mearkkaid ja oažžu velá dolage gahččat almmis eatnamii olbmuid oaidnut. 14Daid mearkkaiguin maid dat dahká vuosttaš beađu nammii, dat fille eatnama ássiid ráhkadit gova dan beađu gudnin mii lei hávvádahttojuvvon mihkiin muhto ealáskan. 15
13,15
Dan 3,5č
Dat lea ožžon fámu addit eallinvuoiŋŋa beađu govvii nu ahte govva máhttá velá sárdnutge, ja fámu gottihit buohkaid geat eai rohkadala beađu gova. 16
13,16
14,911
16,2
19,20
20,4
Dat bágge buohkaid, smávváid ja stuorráid, riggáid ja gefiid, friddja olbmuid ja šlávaid, bidjat mearkka olgeš giehtaseaset dahje gálloseaset. 17Ii oktage oaččo oastit iige vuovdit maidege, jos sus ii leat dát mearka mii lea beađu namma dahje dan nama lohku.

18

13,18
17,9
Dás adnojuvvo viisodat. Geas lea jierbmi, dat čilgejehkos beađu nama logu: Dat lea muhtun olbmo lohku, ja dat lohku lea guhttačuođiguhttalogiguhtta.

14

Ođđa lávlla Sionváris

141

14,1
3,12
5,6+
De mun oidnen dán: Láppis čuoččui Sionváris, ja oktan Lábbáin ledje čuođinjealljeloginjealljeduhát olbmo geaid gállui lei čállojuvvon su namma ja su Áhči namma. 2
14,2
1,15
Ja mun gullen almmis jiena mii lei dego eatnat čáziid márra dahje dego garra bajána jupma. Jietna maid mun gullen, lei maiddái hárpačuojaheddjiid čuojaheami láhkásaš. 3
14,3
5,9
7,4
14,1
Truvnnu ja dan njealji sivdnádusa ja vuorrasiid ovddas sii lávlo ođđa lávlaga maid ii oktage sáhttán oahppat earret dan čuođinjealljelogijealljeduhát olbmo geat leat ostojuvvon eatnamis. 414,4 álgošaddun šattu vuosttaš oassi. Vrd. Rom 8,23; 1 Kor 15,20. ▶ álgošaddu.Sii eai leat nuoskkidan iežaset nissoniiguin muhto leat buhttásat dego nieiddat, ja sii čuvvot Lábbá gosa ihkinassii son manná. Sii leat ostojuvvon olbmuid gaskkas álgošaddun Ipmilii ja Lábbái. 5
14,5
Sál 32,2
Sef 3,13
Sin njálmmis ii leat behtolašvuohta, sii leat láitemeahttumat.

Golbma eŋgela

6Ja mun oidnen nuppi eará eŋgela gii girddii allin gasku almmi. Su bargun lei gulahit agálaš evangeliuma eatnama ássiide, buot álbmogiidda, čearddaide, gielaide ja eatnamiidda. 7

14,7
2 Mos 20,11
Sárd 12,13
Alm 4,11
Son gulahii alla jienain: “Ballet Ipmilis ja addet sutnje gudni, danin go su duomu áigi lea boahtán. Rohkadallet su gii lea sivdnidan almmi, eatnama, ábi ja čáhceádjagiid.”

8

14,8
Jes 21,9
Dan 4,30
1 Pet 5,13
14,8 Babylon Roma gávpoga čiehkádannamma. Vrd. 17,1.18; 18,2.De bođii velá nubbi eŋgel, gii celkkii: “Gahččan, gahččan lea stuorra Babylon mii fuorrávuođainis lea addán buot álbmogiidda juhkat moari viinni.”

9

14,9
13,16
Sudno maŋis bođii goalmmát eŋgel, gii celkkii alla jienain: “Jos muhtin rohkadallá beađu ja dan gova ja váldá gállosis dahje giehtasis dan mearkka, 10
14,10
1 Mos 19,24
Jer 25,15eč
Alm 19,20
20,10
21,8
de son maiddái juhká Ipmila moari viinni mii láivutkeahttájin lea leikejuvvon Ipmila moari gerrii, ja son givssiduvvo dolas ja riššas bassi eŋgeliid ja Lábbá ovddas. 11
14,11
13,1619,3
Dolas mii olbmuid givssida, badjána suovva álo ja agálaččat. Sis ii leat vuoiŋŋadus ii ihkku iige beaivet, ii dain geat rohkadallet beađu ja dan gova, iige ovttasge gii váldá beađu nama iežas mearkan.” 12
14,12
12,17
13,10
Dás adnojuvvo bassi olbmuid gierdavašvuohta, daid geat dollet Ipmila báhkkomiid ja oskot Jesusii.

13

14,13
Hebr 4,1eč
Mun gullen almmis jiena mii celkkii: “Čále: Ávdugasat dat geat dás maŋás jápmet Hearrás. Vuoigŋa cealká: Sii besset vuoiŋŋastit bargguineaset, danne go sin dagut čuvvot sin.”

Láddjenáigi

14

14,14
Dan 7,13
10,16
Matt 8,20
1 Kor 9,25+
Ja mun oidnen dán: Lei vilges balva, ja balvva alde čohkkái muhtun gii lei olbmobártni láhkásaš, ja su oaivvis lei gollekruvdnu ja gieđas bastilis sirpe. 15
14,15
Joel 3,18
Mark 4,29
Tempelis bođii nubbi eará eŋgel gii čuorvvui alla jienain dasa gii lei čohkkámin balvva alde: “Váldde iežat sirppe ja čuohpa, dál lea láddjenáigi. Eatnama šaddu lea láddan.” 16Dalle dat gii lei čohkkámin balvva alde, luittii sirppe boahtit eatnama ala, ja eatnama šaddu čuhppojuvvui. 17Almmi tempelis bođii muhtun eará eŋgel, ja sus maiddái lei bastilis sirpe. 18Maiddái áltáris bođii eŋgel, dat geas lei váldi ráđđet dola, ja son čuorvvui alla jienain dan eŋgelii geas lei bastilis sirpe: “Váldde iežat bastilis sirppe ja čuohpa eatnama viidnegárddi šaddosiid; dan viidnemuorjjit leat láddan.” 19Ja eŋgel luittii sirppe boahtit eatnama ala, čuohpai eatnama viidnegárddi šaddosiid ja suhppii daid Ipmila moari stuorra viidnebohčingárrái. 20
14,20
Jes 63,3
Joel 3,18
14,20 duhátguhttačuođi stadia su. 300 km. ▶ mihtu ja deaddu.Viidnemuorjjit dulbmojuvvojedje gáris gávpoga olggobealde, ja das golggai varra nu ahte velá duhátguhttačuođi stadia duohken dat olii gitta heasttaid njálbmeruvddiid rádjái.

15

Čieža eŋgela ja čieža givssi

151Mun oidnen almmis nuppi eará mearkka, stuorrá ja ovddolačča: Čieža eŋgela geain ledje čieža givssi. Dát givssit leat maŋimuččat, danin go dain Ipmila moarri ollašuvvá.

2

15,2
4,6
13,1114eč
Mun oidnen dego láseábi mii šealggui dollan. Láseáhpegáttis mun oidnen čuožžumin daid geat ledje vuoitán beađu, daid geat eai lean rohkadallan dan gova eaige váldán dan mearkka mas lei dan nama lohku. Sis ledje gieđas Ipmila hárppat, 3
15,3
2 Mos 15
5 Mos 32,4
Sál 111,2
145,17
ja sii lávlo Mosesa, Ipmila bálvaleaddji, ja Lábbá lávlaga:

Stuorrát ja ovddolaččat leat du dagut,

Hearrá Ipmil, Buotveagalaš!

Vuoigatlaččat ja duođat leat du geainnut,

don álbmogiid gonagas!

4

15,4
Sál 86,9
Jer 10,6č
Gii ii balaše dus, Hearrá,

gii ii gudnejahtáše du nama?

Don okto leat bassi.

Buot álbmogat bohtet du ovdii

ja rohkadallet du,

danne go du vuoigatlaš duomut

leat boahtán albmosii.

5

15,5
11,19
Das maŋŋil mun oidnen go almmi tempel, duođaštusa goahti, rabastuvvui, 6
15,6
1,13
15,1
19,8
ja tempelis bohte čieža eŋgela geaid hálddus ledje čieža givssi. Sii ledje gárvodan buhtis vilges beallemasbiktasiid, ja ratti birra sis lei golleboagán. 7
15,7
4,6eč
14,10
16,19
Okta dan njealji sivdnádusas attii dan čieža eŋgelii čieža gollegeara maid dievva lei Ipmila moarri, su gii eallá álo ja agálaččat. 8
15,8
2 Mos 40,34eč
1 Gon 8,10
Jes 6,4
Ipmila hearvásvuohta ja fápmu devddii tempela suovain, iige oktage sáhttán mannat sisa tempelii, ovdal go dan čieža eŋgela čieža givssi ledje nohkan.