Davvisámegiel Biibbal 2019 (Biibbal)
11

Guokte duođašteaddji

111

11,1
Esek 40,3eč
Munnje addojuvvui mihttorávra mii lei dego soabbi, ja munnje celkojuvvui:

“Mana mihtidit Ipmila tempela ja áltára ja loga daid geat doppe rohkadallet. 2

11,2
Dan 7,25
12,7
Luk 21,24
Alm 12,14
13,5
Muhto divtte tempela ovdašilju orrut, ale dan mihtit, dainna go dat lea addojuvvon báhkiniidda. Sii dulbmet bassi gávpoga njealljelogiguokte mánu.

311,3 iežan guokte duođašteaddji navdimis Moses ja Elia. Juvddálaččat vurde sudno máhccama maŋimuš áiggiid. Vrd. 5 Mos 18,15; Mal 4,5. horstta roavva tekstiila mii lea duddjojuvvon guolggas, morraša dahje gáhtamuša mearka. ▶ moraštanvierut.Mun divttán iežan guokte duođašteaddji geat leaba gárvodan horstta, profehtastallat duhát guoktečuođiguhttalogi beaivvi.” 4

11,4
Sak 4,2eč
Duođašteaddjit leaba dat guokte oliivamuora ja guokte lámppá mat čužžot eatnama Hearrá ovddas. 5
11,5
2 Gon 1,10
Jer 5,14
Jos guhtege viggá sudno vahágahttit, de boahtá sudno njálmmis dolla mii duššada sudno vašálaččaid. Juohkehaš gii viggá sudno vahágahttit, jápmá dáinna lágiin. 6
11,6
2 Mos 7,17eč
1 Gon 17,1
Sudnos lea fápmu dahppat almmi, vai arvi ii boađe oppa dan áiggi go soai profehtastallaba. Sudnos lea maid fápmu nuppástuhttit čáziid varran ja časkit eatnama juohkelágán givssiiguin nu dávjá go dáhttuba.

7

11,7
13,1eč
Go soai leaba ollašuhttán iežaska duođaštanbarggu, de soahttá sudnuin beahtu mii badjána čiekŋalasas, ja dat vuoitá sudno ja goddá sudno. 8
11,8
1 Mos 13,3–14,6
Sudno rupmašat njaŋgájit dan stuorra gávpoga gáhtas mii vuoiŋŋalaš gielas gohčoduvvo Sodoman ja Egyptan, ja gos maiddái sudno Hearrá russiinávlejuvvui. 9Bealnjealját beaivvi olbmot buot eatnamiin, čearddain, gielain ja álbmogiin oidnet sudno rupmašiid eaige suova daid hávdádit. 10
11,10
Joh 16,20
Eatnama ássit illudit sudno dihte, ávvudit ja sáddejit attáldagaid guhtet guimmiidasaset, dainna go dát profehta guovttos leigga leamaš giksin eatnama ássiide.

11

11,11
Esek 37,510
Muhto dan bealnjealját beaivvi geažes bođii profehtaide eallima vuoigŋa maid Ipmil lei vuolggahan, ja soai lihkaiga čuoččat. Buohkat geat dan oidne, ballájedje sakka. 12
11,12
2 Gon 2,11
Olbmot gulle go almmis bođii alla jietna: “Boahtti deike bajás!” Ja vašálaččaideaskka oaidnut soai manaiga bajás albmái balvvas. 13
11,13
Esek 38,19č
Dan bottus šattai stuorra eanandoarggástus. Logát oassi gávpogis gahčai, ja eanandoarggástusas dušše čiežaduhát olbmo. Earrásat suorganedje ja gudnejahtte almmi Ipmila.

14

11,14
8,13
Nubbi vuoi-čuorvvas lea mannan. Muhto goalmmát boahtá fargga.

Čihččet mearkačuojahus

15

11,15
Sál 10,16
22,29
Dan 7,1427
11,15 sutnje … lea vuoidan Messias, gč. 12,10.Čihččet eŋgel bosui iežas dorvve. Almmis gullojedje alla jienat mat čurvo:

Máilmmi hearrávuohta gullá dál min Hearrái

ja sutnje gean son lea vuoidan,

ja son ráđđe gonagassan álo ja agálaččat.

16

11,16
4,4+
Dalle dat guokteloginjeallje vuorrasa geat čohkkájedje truvnnuineaset Ipmila ovddas, luoitádedje muđolassii, rohkadalle Ipmila 17
11,17
1,419,6
ja celke:

Mii giitit du, Hearrá Ipmil, Buotveagalaš,

du gii leat ja gii ledjet!

Don leat váldán fámu

ja leat šaddan gonagassan.

18

11,18
Sál 2,15č
115,13
Rom 2,5
Álbmogat leat moaris,

muhto dál lea boahtán du moari beaivi.

Áigi lea boahtán dubmet jábmiid,

áigi bálkkašit profehtaid,

du bálvaleddjiid,

ja buot bassi olbmuid

ja buohkaid geat ballet du namas,

smávváid ja stuorráid.

Áigi lea boahtán duššadit daid

geat duššadit eatnama.

19

11,19
1 Gon 8,1eč
Alm 8,5
Almmis rabastuvvui Ipmila tempel, ja tempelis oidnojuvvui lihtuárka. Álddagasat šleđgo, baján jumai, eanan doarggistii ja stuorra čuorbmasat gahčadedje.