Davvisámegiel Biibbal 2019 (Biibbal)
95

Sálbma 95

951Bohtet, ávvudehkot Hearrá,

máidnot ja rámidehkot

min bestojumi bávtti!

2Loaiddastehkot

su muođuid ovdii giitosiin,

rámidehkot su lávlumiin ja čuojahemiin!

3

95,3
47,3+
Hearrá lea stuorra Ipmil,

buot ipmiliid alla gonagas.

4

95,4
24,1+
Sus lea eatnama čiekŋalas gieđas,

váriid čohkat gullet sutnje.

5Mearra lea su,

son lea sivdnidan dan,

su gieđat leat hábmen goikása.

6Bohtet, luoitádehkot eatnamii,

sodjalahttot čippiid Hearrá,

min sivdnideaddji, ovdii.

7

95,7
2 Mos 17,1eč
23,21
Sál 100,3
Hebr 3,7eč
Son lea min Ipmil

ja mii leat su álbmot,

dat eallu maid son geahččá.

Vare dii odne guldalivččiidet su jiena!

8

95,8
2 Mos 17,1eč
Hebr 3,7eč
“Allet buoššut váimmu

dego Meriba luhtte,

nugo meahcis Massa guoras dan beaivvi

9go din áhčit geahččaledje mu.

Sii geahččaledje mu

vaikko ledje oaidnán

maid mun ledjen dahkan.

10Njealljelogi jagi mun fasttášin dan soga,

danin go mun oidnen mo sii čádjidit,

go eai dovdan mu geainnuid.

11

95,11
4 Mos 14,21eč
Hebr 3,18
4,5
Dalle mun vurdnon moaristan:

‘Sii eai goassege beasa

dan vuoiŋŋadanbáikái

maid mun lean sidjiide lohpidan.’”

96

Sálbma 96

961

96,1
1 Muit 16,23eč
Sál 98,1
Jes 42,10
Alm 5,9
Lávlot Hearrái ođđa lávlaga!

Lávllo Hearrá gudnin, oppa eanan,

2lávlot Hearrái, máidnot su nama,

gulahehket su bestojumi beaivvis beaivái!

3

96,3
9,12
Jes 66,18
Muitalehket álbmogiidda su gudni,

buot olbmuide su oavdudaguid.

4

96,4
47,3+
Stuoris lea Hearrá, sakka rámidahtti,

hirbmoseabbo go buot ipmilat.

5

96,5
115,4
135,15eč
Jes 41,23č29
1 Kor 8,4eč
Buot álbmogiid ipmilat

leat eahpeipmilat,

muhto Hearrá lea dahkan almmiid.

6Allatvuohta ja hearvásvuohta lea su birra,

fápmu ja čábbodat su tempelis.

7

96,7
29,1č
Gudnejahttet Hearrá,

buot eatnama álbmogat,

dovddastehket Hearrá fámu,

8

96,8
68,30+
96,8 ovdašiljuide >65,5.dovddastehket su nama gudni!

Bohtet su ovdašiljuide, buktet oaffariid,

9

96,9
110,3
luoitádehket Hearrá ovdii

bassi čikŋabiktasat gárvun!

Doarggis su muođuid ovddas, oppa eanan!

10

96,10
93,1+
Muitalehket álbmogiidda:

Hearrá lea gonagas!

Máilbmi bissu nanusin, ii dat lihkkas.

Son dubme álbmogiid vuoigatlaččat.

11

96,11
98,7č
Jes 44,23
49,13
55,12
Illudehkos albmi, ávvudehkos eanan!

Máraidehkos mearra ja buot mii deavdá dan,

12ávvudehkos eanan ja buot mii das šaddá.

Dalle buot vuovddi muorat ávvudit

13

96,13
9,9+
Hearrá muođuid ovddas,

danin go son boahtá!

Son boahtá buktit vuoigatvuođa,

ráđđet máilmmi vuoigatlaččat

ja álbmogiid oskkáldasat.

97

Sálbma 97

971

97,1
93,1Jes 42,10č
Hearrá lea gonagas!

Ávvudehkos eanan,

illudehkoset gáiddus rittut!

2

97,2
18,8č89,15
Balva ja seavdnjadas lea su birra,

vuoigatvuohta ja vanhurskkisvuohta

leat su truvnnu vuođđu.

3

97,3
50,3
Dolla manná su ovddas

ja loaktá buot su vašálaččaid.

4Su álddagasat čuvgejit oppa máilmmi,

eanan oaidná dan ja doarggista.

5

97,5
Mi 1,4
Várit suddet dego gáhčči

Hearrá ovddas,

oppa eatnama Hearrá muođuid ovddas.

6

97,6
50,6
Jes 40,5
Albmi sárdnida su vanhurskkisvuođa,

buot álbmogat oidnet su hearvásvuođa.

7

97,7
115,8
Jes 42,17
Hebr 1,6
Buohkat geat bálvalit govaid,

šaddet heahpadii,

buohkat geat rámádallet

duššálaš ipmiliiguin.

Buot ipmilat gopmirdit su.

8

97,8
48,12
Sion gullá dan ja ávvuda,

Juda gávpogat illudit,

danin go du duomut, Hearrá, leat vuoigadat.

9

97,9
47,3+
Don, Hearrá,

leat Alimus oppa eatnamis,

aliduvvon badjel buot ipmiliid.

10

97,10
Am 5,15
Dii geat ráhkistehpet Hearrá,

vašuhehket bahá!

Son várjala daid heakka geat ballet sus,

son beastá sin ipmilmeahttumiid gieđas.

11

97,11
112,4
Beaivi badjána vanhurskásiidda,

illu daidda geaid váibmu lea vuoigatlaš.

12

97,12
30,5+
Illudehket Hearrás, vanhurskásat,

rámidehket su bassi nama!