Sálbma 8
818,1 Gittit lea várra nuohta namma.Koarrajođiheaddjái. “Gittita” mielde. Davida sálbma.
2
89,6
148,413
Hearrá, min Ipmil, man veagalaš
du namma lea eatnama alde,
don leat lebben hearvásvuođat albmái!
3
8,3 suoji ▶ Septuagintas lea dás sáni man mearkkašupmi lea “máidnunlávlla”.Uhcahaččaid
ja njammimánáid njálmmis
don leat vuođđudan alccesat
suoji vašálaččaidat vuostá,
vai beasat bissehit juohke vuostálasti
ja mávssaheaddji.
4Go mun oainnán du almmi
maid du suorpmat leat dahkan,
mánu ja násttiid
maid don leat ráhkadan,
5
Sál 144,3
Hebr 2,6eč
de mii dalle lea olmmoš,
go don muittát su,
olbmománná,
go don anát sus fuola?
68,6 Ipmila Vuođđoteavstta sáni mearkkašupmi soaitá maid leat “almmálaš sivdnádusat”. Gč. Hebr 2,7.Don dahket su goasii Ipmila
láhkásažžan,
kruvnnidit su hearvásvuođain
ja gudniin.
7
Don diktet su ráđđet
gieđaidat daguid,
bidjet buot su julggiid vuollái:
8Sávzzaid ja vuovssáid, buot omiid,
velá meahci spiriidge,
9almmi lottiid ja meara guliid,
buot mat johtet meara bálgáid.
10Hearrá, min Ipmil,
man veagalaš du namma lea
oppa eatnamis!
Sálbma 9
919,1 Sálbma 9 ja Sálbma 10 ledje álgoálggus okta sálbma. Mut labben musihkalaš dajaldat man mearkkašupmi ii leat čielggas.Koarrajođiheaddjái. “Mut labbena” mielde. Davida sálbma.
2
75,2
Hearrá, mun giittán du
oppa váimmustan,
muitalan buot du oavdudaguid.
3Mun illudan ja ávvudan du siste,
mun máinnun du nama, don Alimus.
4Mu vašálaččat geassádedje,
sii jorraledje ja dušše
du muođuid ovdii.
5
Duođaid, don leat dubmen
ja addán munnje vuoigatvuođa,
don, vuoigatlaš duopmár,
leat čohkánan truvdnosat.
6
Sát 10,7
Don ráŋgot álbmogiid
ja duššadit ipmilmeahttumiid,
don sihkkot sin nama
agálaččat ja álelassii.
7Vašálaš lea cuvkejuvvon
ja duššaduvvon agibeaivái,
sin gávpogiid don leat njeaidán,
iige sis leat báhcán oppa muituge.
8
29,10
102,13
103,19
Hearrá ráđđe agálaš áigái,
duomu várás son lea ceggen truvnnus.
9
75,3
96,13
98,9
Son dubme máilmmi vanhurskásit,
cealká vuoigatlaš duomu álbmogiidda.
10
31,3
37,39
46,812
59,10
61,4
Hearrá lea sordojuvvon
olbmuid ladni,
ladni áŧestusa áiggiid.
11
Dutnje dorvvastit buohkat
geat dovdet du nama,
dasgo don, Hearrá,
it beahte sin geat ohcet du.
12
96,3
Lávlot máidnuma Hearrái
gii ássá Sionis,
almmuhehket su stuorra daguid
álbmogiidda!
13
Son gii mávssaha vara, muitá,
ii son vajáldahte vártnuhemiid
bárguma.
14
49,16
9,14 jápmima poarttain jábmiidáibmu. Vrd. Job 38,17; Jes 38,10.Leage munnje árbmugas, Hearrá,
geahča gillámuša
maid vašálaš lea dagahan munnje.
Don bajidat mu eret
jápmima poarttain,
159,15 Siona poarttain gávpotpoarttat.vai mun beasan máidnut du
rámáduslávlagiiguin
ja ávvudit du bestojumi
Siona poarttain.
16
Álbmogat vudjo roggái
maid ieža ledje goivon,
sin juolggit sorrojedje fierbmái
maid sii ieža ledje gokčan.
179,17 Higgajon sáni mearkkašupmi soaitá leat gaskačuojaheapmi.Hearrá almmustuvai
ja doalai duomu,
ipmilmeahttumat darvánedje
iežaset gieđaid daguide. Higgajon. Sela
18Jábmiidáibmui
mannet ipmilmeahttumat,
buot álbmogat mat vajáldahttet Ipmila.
19
Muhto váivvášat eai vajálduva
agálaččat,
vártnuhemiid doaivu ii dušša
agálaš áigái.
20
Čuožžil, Hearrá!
Ale suova olbmuid oažžut fámu,
dubme álbmogiid muođuidat ovddas.
21Hearrá, surget álbmogiid,
vai sii ipmirdit
ahte sii leat dušše olbmot. Sela
Sálbma 10
10110,1 Sálbma 9 ja Sálbma 10 ledje álgoálggus okta sálbma.Hearrá, manne leat nu guhkkin,
manne čiehkádat áŧestusa áigge?
2Ipmilmeahttumat oaguhit
vártnuheami čeavllisteaset,
muhto darvánit iežaset juonaide.
3Ipmilmeahttun rábmo
iežas vuovdás anistumi,
buressivdnida ruhtaváibmila
ja hiddjida Hearrá.
4
Ipmilmeahttun čevllohallá
ja jurddaša:
“Ii Ipmil ráŋggáš.
Ipmil ii oppa leatge.”
5Son lihkostuvvá buot das maid dahká,
du duomut leat guhkkin eret sus.
Vašálaččainis son ii beroš.
6Son dadjá váimmustis:
“Ii mihkkege lihkat mu,
lihkuhisvuohta ii deaivit mu.”
7
Su njálmmi dievva leat garrudusat,
behtolašvuohta ja veahkaváldi,
su njuovčča gokčá
vearrivuođa ja bahávuođa.
8Son vuođgŋá dáluid lahkosiin,
čihkosis son goddá sivaheami.
Su čalmmit vákšot vigiheami,
9
son šokčá čihkosis dego ledjon rođus.
Son šokčá vártnuheami,
dohppe su ja sorrá su fierbmásis.
10Son njahkala vuođgŋit,
vártnuheapme vuollána su fápmui.
11
Sál 94,7
Jes 29,15
Jer 23,23č
Son dadjá váimmustis:
“Ii Ipmil beroš.
Son lea gokčan muođuidis,
ii son oainne maidege.”
12
Hearrá, čuožžil! Ipmil,
lokte gieđa,
ale vajáldahte vártnuhemiid!
13Manne ipmilmeahttumat
ožžot hiddjidit Ipmila
ja dadjat váimmusteaset:
“Ii son ráŋggáš”?
14
Sál 68,6
72,4
140,13
146,9
Don oainnát heađi ja morraša
don oainnát buot ja anát fuola.
Vártnuheapme bidjá áššis
du ovdii,
donhan leat oarbása
veahkeheaddji.
15
Doaje ipmilmeahttun
ja bahás olbmo fámu,
ozahala su bahávuođa,
vai dat ii leat šat.
16
146,10
Hearrá lea gonagas agálašvuhtii,
vieris álbmogat leat jávkaduvvon
su eatnamis.
17Hearrá, don gulat
váivvášiid átnumušaid,
don guldalat sin
ja nannet sin váimmu.
18Don veahkehat oarbásiid
ja sordojuvvon olbmuid
oažžut vuoigatvuođa,
vai ii oktage šat dárbbaš
báhtarit eatnamis balus.