84184,1 Gittit >8,1. Korahlaččaid >42,1.Koarrajođiheaddjái. Lávlojuvvo dego “Gittit”. Korahlaččaid sálbma.
2
Man eahcálaččat leat du ássansajit,
Hearrá, Almmiveagaid Ipmil!
3
Mun áibbašan, velá vuoimmehuvan
go hálidan beassat Hearrá tempelšiljuide.
Mu váibmu ja mu rumaš viggá
ávuin ealli Ipmila guvlui.
4Leahan cizášge gávdnan saji
ja beskkoš beasi čivggaidasas
du áltáriid luhtte, Hearrá,
Almmiveagaid Ipmil,
mu gonagas ja mu Ipmil.
5
Ávdugasat dat geat ásset du viesus!
Sii máidnot du álelassii. Sela
6
Ávdugasat dat
geaid gievravuohta don leat,
geat áibbašit mannat du tempelii.
7
41,18č
84,7 Čierrunleagi ▶ masorehtalaš teavsttas lea “bakamuoraid leahki”. >2 Sam 5,23.Go sii vádjolit Čierrunleagi čađa,
de sii dahket dan ádjagiid eanamin,
ja čakčaarvi gokčá dan buressivdnádusain.
8Sii mannet ovdan fámus fápmui,
dassá go loaiddastit Ipmila ovdii Sionii.
9Hearrá, Almmiveagaid Ipmil,
gula go mun rohkadalan,
guldal mu, Jakoba Ipmil! Sela
10
84,10 Geahča min galbba, Ipmil sáhttá maid jorgaluvvot “Ipmil, min galba, geahča”. gean leat vuoidan gonagas. Gč. 2,2. Geahča min galbba, Ipmil,
geahča su beallái gean leat vuoidan!
11Okta beaivi du tempelšiljuin
lea buoret go duhát beaivvi muđui.
Buoret lea čuožžut
Ipmila viesu uvssa guoras
go ássat ipmilmeahttumiid goađis.
12
Hearrá Ipmil lea beaivváš ja galba,
Hearrá addá árpmu ja gudni.
Son ii biehttal maidege buriid
das gii eallá láitemeahttumit.
13
Hearrá, Almmiveagaid Ipmil,
ávdugas dat gii dorvvasta dutnje!
851Koarrajođiheaddjái. Korahlaččaid sálbma.
2
Hearrá, don leat leamaš
buorre iežat eatnamii.
Don jorgalit Jakoba oasi,
3
don addet ándagassii álbmogat
suddovealggi,
sihkkot buot sin rihkkumiid. Sela
4
Sál 78,38
Hos 11,9
Don hilljudit moarát,
jáddadit iežat buolli vaši.
5Čuoččáldahte fas min, Ipmil,
min beasti,
ale leage šat vašis midjiide!
6
Bistágo du vašši agálaččat,
leatgo don midjiide moaris buolvvas bulvii?
7Vare don jorgalivččet fas min beallái,
nu ahte du álbmot beassá illudit du siste!
8Hearrá, čájet midjiide
ahte leat oskkáldas,
beastte min!
9
Mun guldalan maid Hearrá Ipmil sárdnu.
Son lohpida ráfi álbmogasas,
daidda geat leat sutnje oskkáldasat
– go sii fal eai máhcaše jallavuhtii!
10
Jes 51,5
Duođaid, su bestojupmi
lea lahka daid geat ballet sus,
su hearvásvuohta ássá fas min eatnamis.
11
97,2
Árbmu ja duohtavuohta gávnnadit,
vanhurskkisvuohta ja ráfi
cummistit nubbi nuppi.
12
Oskkáldasvuohta bohciida eatnamis,
vuoigatvuohta geahččá vuolás almmis.
13
Hearrá ieš addá buot buriid,
ja min eanan addá šattuidis.
14
Vuoigatvuohta manná Hearrá ovddas,
dat dahká geainnu su lávkkiide.
861
Davida rohkos.
Hearrá, gula mu rohkosa ja vástit munnje,
mun lean váivváš ja vártnuheapme.
2
Várjal mu heakka,
mun lean oskkáldas.
Beastte bálvaleaddját, Ipmil,
mun dorvvastan dutnje.
3Hearrá, leage munnje árbmugas!
Geažos beaivvi mun čuorvvun dutnje.
4
Illudahte bálvaleaddját sielu!
Hearrá, mun bijan iežan doaivvu dutnje.
5
Neh 9,17
Sál 86,15
103,8
Joel 2,13
Jona 4,2
Hearrá, don leat buorre,
don attát ándagassii,
don leat árbmugas buohkaide
geat čurvot du.
6
Hearrá, gula mu rohkosa,
guldal go mun ánun veahki.
7
Mun čuorvvun du heahtebeaivvi,
ja don vástidat munnje.
8
Sál 71,19+
Hearrá, ipmiliid gaskkas
ii leat du veardásaš,
ii mihkkege leat veardideames du dahkun.
9
Buot álbmogat maid leat sivdnidan,
bohtet ja gopmirdit du ovdii,
dat gudnejahttet du nama, Hearrá.
10
Dasgo don leat stuoris
ja dagat oavdudaguid,
aivvefal don leat Ipmil.
11
27,11
Hearrá, oahpat munnje geinnot,
vai mun máhtán vádjolit du duohtavuođas.
Atte munnje juogatkeahtes váimmu,
vai mun balan du namas.
12Hearrá, mu Ipmil, mun giittán du
oppa váimmustan,
mun gudnejahtán du nama agálaččat.
13
Du árbmugasvuohta lea stuoris,
don bestet mu sielu
jábmiidáimmu čiekŋalasas.
14
Ipmil, čeavlás olbmot čuožžilit
vuosttildit mu,
veahkaválddálaččaid joavku
bivdá mu heakka.
Eai sii beroš dus.
15Muhto don, Hearrá,
leat váibmoláđis ja árbmugas Ipmil,
don leat gierdavaš,
du buorrevuohta
ja oskkáldasvuohta lea stuoris.
16Geahča mu beallái ja árpmit mu!
Atte munnje fámu, beastte mu!
Munhan lean du bálvaleaddji,
du bálvaleaddjinissona bárdni.
17Atte munnje mearkka das
ahte don leat buorre.
Divtte daid geat vašuhit mu,
oaidnit ahte don, Hearrá,
veahkehat ja jeđđet mu.