Sálbma 79
791
Asafa sálbma.
Ipmil, du eatnamii
leat báhkken vieris álbmogat,
dat leat dahkan du bassi tempela
buhtismeahttumin
ja rievdadan Jerusalema čievračopman.
2
Du bálvaleddjiid rupmašiid
sii leat addán almmi lottiide biebmun,
du oskkáldasaid oačči meahcispiriide.
3Birra Jerusalema sii leat
golggahan sin vara dego čázi,
iige oktage leat hávdádan sin.
4
Min ránnját bilkidit min,
dat geat ásset min birra, hiddjidit min.
5
Man guhká, Hearrá, don leat moaris,
man guhká du áŋgirvuohta buollá dego dolla?
6
Golggat suhtot daid álbmogiid badjelii
mat eai dovdda du,
daid riikkaid badjelii
mat eai dorvvas du nammii.
779,7 Jakob >59,14.Dasgo sii leat loahpahan Jakoba
ja dahkan su eatnama ávdimin.
8Ale logahala midjiide
min máddariid suttuid,
doama min ovddal
váibmoláđisvuođainat,
dasgo min vártnuhisvuohta lea stuoris.
9Veahket min, Ipmil, min beasti,
vai du namma gudnejahttojuvvošii.
Lonis min ja atte midjiide
min suttuid ándagassii iežat nama dihte.
10
5 Mos 32,43
Sál 42,4+
Manne galggašedje álbmogat
beassat dadjat:
“Gos lea sin Ipmil?”
Divtte min oaidnit, divtte álbmogiid
fuomášit, mo don mávssahat
bálvaleddjiidat vara.
11
Gula fáŋggaid šuohkkima,
čoavdde fámolaš gieđainat daid
geat leat dubmejuvvon jápmit.
12Mávsse min ránnjáide
čiežageardásaččat
dan bilkku mainna sii leat
hiddjidan du, Hearrá.
13
100,3
De mii, du álbmot, du ealu sávzzat,
giitit du agálaččat,
rámidit du buolvvas bulvii.
Sálbma 80
80180,1 Lilját >45,1.Koarrajođiheaddjái. Lávlojuvvo dego “Lilját”. Duođaštus. Asafa sálbma.
2
80,2 kerubat >99,1, ▶ kerubat.Gula min, Israela báimman,
don guhte doalvvut Josefa dego ealu,
don gean truvnnu kerubat guddet.
Almmustuva hearvásvuođastat
380,3 Efraim, Benjamin, Manasse Davviriikka čearddat.Efraima, Benjamina
ja Manasse čearddaide!
Čájet iežat fámu ja boađe veahkehit min!
4
Sál 89,16
119,135
80,4 du muođuid čuovgga >4,7.Čuoččáldahte min fas, Ipmil,
divtte min oaidnit du muođuid čuovgga,
nu ahte mii bestojuvvot!
5Hearrá, Almmiveagaid Ipmil,
man guhká du moarri borggista,
itge don guldal álbmogat rohkadusaid?
6Don leat borahan midjiide ganjalláibbi,
jugahan gatnjaliid badjelmearálaččat.
7
Don leat bidjan min riidaleamošin
ránnjáidasamet,
min vašálaččat hiddjidit min.
8Čuoččáldahte fas min,
Almmiveagaid Ipmil,
divtte min oaidnit du muođuid čuovgga,
nu ahte mii bestojuvvot!
9
80,9 viidnemuora govvida Israela. Vrd. Jes 5,1eč; Jer 2,21.Don váldet viidnemuora Egyptas,
ádjet álbmogiid eret ja ceggejit dan.
10Dan murrii don njásket saji,
ja dat ruohtastuvai ja devddii eatnama.
11Dat suoivvanasttii váriid,
dan oavssit gokče stuorra sederiid.
12
2 Mos 23,31
80,12 Eanu Eufrat.Dat lebbii ovssiidis meara rádjái,
surggiidis gitta Eanu rádjái.
13
Manne don gaikkodit áiddi dan birra,
nu ahte buohkat geat vázzet meattá,
sáhttet čoaggit dan šattuid?
14Vuovddi meahccespiidni jursá dan,
meahci smávva eallit borret dan.
15
119,132
Máhca min lusa,
Almmiveagaid Ipmil,
geahča vuolás almmis ja oainne!
Bealuš dán viidnemuora,
16
dan vesá maid leat ceggen
olgeš gieđainat,
dan bártni geasa don ieš leat addán fámu.
17Vare du muođuid ovddas
duššašedje dat geat leat dan njeaidán
ja boaldán!
18
Vare du giehta várjalivččii su
gii lea du olgeš gieđa bealde,
dan olbmá geasa don leat addán fámu.
19Mii eat gáidda dus.
Suova min eallit,
de mii čuorvut du nama.
20Čuoččáldahte fas min, Hearrá,
Almmiveagaid Ipmil,
divtte min oaidnit du muođuid čuovgga,
de mii bestojuvvot!
Sálbma 81
81181,1 Gittit >8,1.Koarrajođiheaddjái. Lávlojuvvo dego “Gittit”. Asafa sálbma.
2Ávvudehket Ipmila, min gievravuođa,
bajidehket illučuorvasa Jakoba Ipmilii!
3
Lávlot ja derpet rumbbuid,
čuojahehket čábbát lyraid ja hárppaid.
4
4 Mos 29,1eč
Bossot dorvve mánočalbmebeaivvi,
min bassebeaivvi, go mánnu lea láđas!
5Dát lea mearrádus Israelii,
Jakoba Ipmila gohččun,
681,6 Josefa sohkii dás oppa Israel.láhka maid son attii Josefa sohkii
go dat vulggii Egyptas.
Mun gulan amas jiena.
7
6,6č
“Mun válden noađi du hárduin,
du gieđat besse luoitilit guoddingore.
8
19,19
4 Mos 20,13
Sál 95,8č
106,32č
Don čurvot heađis,
ja mun gádjon du,
čihkosis bajánbalvva siste
mun vástidin dutnje.
Meriba čáhcegáttis
mun geahččalin du. Sela
9
Gula, álbmogan, mun dáhtun várret du.
Vare don gulašit mu, Israel!
10
Dus ii oaččo leat eará ipmil,
ale gopmir vieris ipmila.
11Mun lean Hearrá, du Ipmil,
guhte bukten du Egyptas.
Rabas njálmmi,
de mun deavddán dan!”
12Muhto mu álbmot ii gullan mu jiena,
Israel ii dáhtton jeagadit mu.
13De mun luiten sin mannat
buššon váimmuset mielde,
čuovvut iežaset árvalusaid.
14
28,1
Vare mu álbmot gulašii mu,
vare Israel vádjolivččii mu geainnuid!
15Dalle mun vuolidivččen
dan vašálaččaid,
dan vuostálastiid vuostá
mun bajidivččen gieđa.
16Dat geat vašuhit Hearrá,
fertejit njoammut su ovddas,
sin lihkuhisvuohta bistá agálaččat.
17
Muhto Israela son biebmá
buoremus nisuin,
son golggaha dasa bávttis honnega.