Davvisámegiel Biibbal 2019 (Biibbal)
73

GOALMMÁT GIRJI

Sálbma 73

731

73,1
24,425,8
73,1 GOALMMÁT GIRJI Sálmmaid girji lea ▶ masorehtalaš teavsttas juhkkojuvvon viđa váldooassái. Juohke oassi loahpahuvvo buressivdnádusain, vrd. Sál 41,14; 72,18č; 89,53; 106,48; 146–150. Asaf >50,1.Asafa sálbma.

Duođaid, Ipmil lea buorre Israelii,

daidda geaid váibmu lea buhtis!

2Mun gosii juo guossalin,

mu juolggit measta njalkkastedje.

3

73,3
37,1+
Mun gáđaštin čeavlás olbmuid,

go oidnen

ahte ipmilmeahttumiidda

geavai bures.

4Eai sis leat givssit,

sii leat dearvašat ja buoiddit.

5Eai sis leat makkárge heađit,

eai sii gillá nugo eará olbmot.

6Dan dihte čeavli lea

sis čeabetčikŋan,

veahkaválddálašvuohta bivttasin.

7

73,7
Jer 5,28
73,7 Sin … buoidivuođa dihte Jorgalus čuovvu ▶ masorehtalaš teavstta. ▶ Septuagintas lea “Sin suddu boahtá riggodagas”.Sin čalmmit báiset

buoidivuođa dihte,

sin váimmu juonain ii leat rádji.

8Sii hiddjidit ja sárdnot bahávuođain,

stuorra sániiguin sii sordet

vártnuhis olbmo.

9

73,9
12,5
Sii rabastit njálmmi almmi guvlui,

sin njuovčča manná miehtá eatnama.

10Dan dihte olbmot jorgalit

sin beallái,

njammet sin sániid njálmmi dievva.

11

73,11
10,11+
Sii dadjet: “Masbat Ipmil diehtá?

Ii Alimus dieđe maid mii dahkat.”

12

73,12
49,7+
Dakkárat leat ipmilmeahttumat,

álo sii leat oadjebasat

ja lasihit rikkisvuođaset.

13

73,13
Job 35,3
Sál 26,6
Duššiid dihte mun lean bisuhan

váimmu buhtisin

ja bassan gieđaid vigihisvuođas.

14

73,14
44,23
Mun givssiduvvon

geažos beaivvi,

ráŋggáštuvvon juohke iđida.

15Jos mun dajašin:

“Mun dáhtun sárdnut sin láhkái”,

de mun beahtášin du mánáid.

16Mun jurddašadden

vai áddešin dán visot,

muhto dat lei munnje ilá lossat.

17Muhto go mun bohten

Ipmila bassibáikái,

de mun áddejin mo sidjiide

viimmat geavvá.

18

73,18
Job 21,17č
Jer 23,12
Don doalvvut sin

njalkkas geainnuide,

don divttát sin gahččat ja duššat.

19

73,19
37,38
Fáhkkestaga sii duššet,

sin loahppa lea gáfatlaš.

20

73,20
Job 20,8
Sál 37,36
Go don čuožžilat, Hearrá,

de sii leat dušši,

dego niehku mii jávká

go olmmoš moriha iđđedis.

21Go mu miella lei bahča

ja mu váibmui čuggii,

22dalle mun ledjen jierpmeheapme,

mun ledjen du ovddas

dego dáidemeahttun spire.

23

73,23
Jes 41,10
Goittotge mun oaččun leat álo du luhtte,

don leat dohppen mu olgeš gihtii.

24

73,24
48,15+
Don láidet mu dáhtot mielde,

ja maŋimustá don alidat mu gudnái.

25

73,25
16,25
18,3Váid 3,24
Gii mus lea almmis earret du?

Go don leat muinna, de mus ii leat miella

masage eatnama alde.

2673,26 mu oassi >16,6.Jos velá mu oažži ja mu váibmu

vuoimmehuvvá,

de Ipmil lea agálaččat

mu bákti ja mu oassi.

27Dat geat leat gáidan dus, duššet,

don heavahat buohkaid

geat leat dutnje

oskkáldasmeahttumat.

28Muhto munnje lea buorre

bissut Ipmila lahka.

Mun dorvvastan Hearrái, Ipmilasan,

ja muitalan buot maid son lea dahkan.

74

Sálbma 74

741

74,1
44,10+
Asafa oahpahansálbma.

Ipmil, manne leat hilgon min

agibeaivái,

manne du moarri borggista

iežat ealu vuostá?

2

74,2
2 Mos 15,16
5 Mos 7,6
12,5
Muitte álbmogat maid

ostet alccesat dolin,

dan čeardda maid lonistit

iežat opmodahkan,

muitte Sionvári,

iežat ássansaji.

3

74,3
2 Gon 25,9
Sál 79,1
Váid 2,6č
Mana surgadis

heavvobázahasaid lusa:

Vašálaš lea billistan visot

du bassibáikkis.

4Du vašálaččat gilljo du viesus,

dohko sii ceggejedje

iežaset mearkkaid.

5Sii čulle ákšuin

dego suhkkes vuovddis,

6ákšuin ja veahčiriin

sii cuvkejedje muorravajahagaid.

7

74,7
Jes 64,10
Sii cahkkehedje du bassibáikki,

eahpebasuhedje ja gaikkodedje

du nama ássansaji eatnama ráje.

8Sii jurddašedje:

Mii duššadit visot.

Sii bolde eatnamis juohke báikki

gos Ipmil lei bálvaluvvon.

9

74,9
Váid 2,9
Esek 7,26
Mii eat oainne iežamet mearkkaid,

eai leat šat profehtat,

ii oktage mis dieđe

man guhká dát bistteš.

10Ipmil, man guhká du vuostálastit

ožžot hiddjidit?

Oažžugo vašálaš bilkidit du nama

agibeaivvi?

11Manne don geasát gieđa ruoktot?

Manne du olgeš giehta

lea čihkosis du ozas?

12

74,12
5,3
68,21
Ipmil, mu gonagas

dološ áiggiid rájes,

don buvttát bestojumi eatnama ala.

13

74,13
Job 26,12
Sál 66,6104,6eč
114,3
Jes 51,9č
Don luddejit meara fámuinat,

don cuvkejit guvddiid oivviid.

14

74,14
Job 26,13
Sál 104,26
Jes 27,1
74,14 Leviatan stuorra mearraealli, dávjá fápmu mii vuostálastá Ipmila. Vrd. Job 40,20eč; Jes 27,1. ▶ Leviatan.Don časket cuovkkas Leviatana oivviid

ja addet daid biebmun meahcispiriide.

15

74,15
2 Mos 17,6
Sál 78,15č
105,41
Don diktet ádjaga ja joga

golggiidit,

don goikadit čáhccás eanuid.

16

74,16
1 Mos 1,14eč
Sál 136,7eč
Du lea beaivi, du lea idja,

don bidjet mánu ja beaivváža

sadjáseaset.

17Don mearridit

buot eatnama rájiid,

geassi ja dálvi leat du duodji.

18Hearrá, muitte dán

go vašálaš hiddjida,

go jallas álbmot

badjelgeahččá du nama.

19Ale atte turtelduvvát spiriide,

ale vajáldahte

vártnuhemiidat heakka.

20

74,20
3 Mos 26,44č
Muitte lihttot!

Eatnama sevdnjes báikkit

leat veahkaválddi orrunsajit.

21Ale suova sordojuvvon olbmuid

beahtahaddat,

divtte gefiid ja vártnuhemiid

máidnut du nama.

22

74,22
7,7+
Čuožžil, Ipmil,

čuoččut iežat ášši!

Muitte mo mielaheamit bilkidit du

geažos beaivvi.

23Ale vajáldahte

vašálaččaidat čuorvasa,

rieja maid du vuostálastit

álo bajidit.

75

Sálbma 75

75175,1 Koarrajođiheaddjái >4,1. Ale bilit >57,1.Koarrajođiheaddjái. Lávlojuvvo dego “Ale bilit”. Asafa sálbma. Lávlla.

2Mii giitit du, Ipmil,

mii máidnut du

ja čuorvut du nama,

mii muitalit du oavdudaguid.

3

75,3
9,9+
Mun, Hearrá, mearridan áiggi,

mun dubmen riekta.

4

75,4
Job 38,4eč
Sál 46,3č
Eanan ja buohkat geat ásset das,

doarggistit,

muhto mun nannen

dan vuođđobácciid. Sela

5Mun cealkkán čeavlás olbmuide:

“Allet čeavllástala!”

ja ipmilmeahttumiidda:

“Allet alit iežadet,

6allet sártno roavvásit

ja ceakkoniskkiid.”

7Ii nuortan iige oarjin,

ii velá meahcisge

boađe oktage alidit sin.

8

75,8
1 Sam 2,7č
Go Ipmil dubme,

de ovtta son vuolida, nuppigis alida.

9

75,9
60,5+
Hearrá gieđas lea cearkki dievva

sorpon, máisttagahtton viidni.

Son leike viinni

buot eatnama ipmilmeahttumiidda,

ja sii fertejit juhkat dan,

gurret botni ráje.

10Muhto mun máinnun Hearrá

agibeaivvi,

lávllun giitosa Jakoba Ipmilii.

11Son cuvke ipmilmeahttumiid fámu,

muhto vuoigatlaš aliduvvo.