Davvisámegiel Biibbal 2019 (Biibbal)
70

Sálbma 70

701Koarrajođiheaddjái. Davida sálbma. Muittuhussan.

2

70,2
40,14eč
Ipmil, gájo mu!

Hearrá, gáhča veahkehit mu!

3

70,3
6,11+
Vare dat geat bivdet mu heakka,

šattašedje heahpanit ja bilkiduvvot.

Vare dat geat sávvet munnje

lihkuhisvuođa,

gáiddašedje heahpanemiin.

4Vare dat geat boagustit

ja bilkidit mu,

jorgalivčče maŋos ja heahpanivčče.

5Muhto ávvudehkoset

ja illudehkoset du siste

buohkat geat ohcet du,

ja vare dat geat áibbašit du veahki,

beasašedje álo dadjat:

“Stuoris lea Ipmil!”

6Mun lean vártnuheapme ja váivváš,

Ipmil, gáhča veahkehit mu.

Don leat mu veahkki ja mu beasti,

Hearrá, ale ádján!

71

Sálbma 71

711

71,1
25,2+
Hearrá, dutnje mun dorvvastan,

ale goassege hilggo mu.

2Don leat oskkáldas,

gájo mu ja beastte mu!

Jorgal bealji mu beallái ja veahket mu.

3

71,3
18,3+
Leage munnje bákti man suodjái

sáhtán báhtarit,

ladni gos gávnnan bestojumi.

Don leat mu bákti ja mu ladni.

4

71,4
140,2
Ipmil, beastte mu baháid gieđas,

gájo mu ipmilmeahttuma

ja veahkaválddálačča válddis.

5Don leat mu doaivu,

Hearrá, mu Ipmil,

nuorravuođa rájes mun lean

dorvvastan dutnje, Hearrá.

6

71,6
22,10
Riegádeapmán rájes leat don leamaš

mu doarjja,

eadnán goaŧu rájes mu givrodat.

Du mun máinnun álelassii.

7Eatnagiidda mun lean šaddan mearkan,

muhto don leat mu nana dorvu.

8Mu njálmmi dievva

lea du rámádus,

geažos beaivvi mun máinnun

du hearvásvuođa.

9

71,9
22,12Jes 46,4
Ale hilggo mu

go lean boarásmuvvan,

ale guođe mu go mu fápmu nohká.

10

71,10
56,7
Dat geat vuđgŋet mu heakka,

ráđđádallet gaskaneaset,

mu vašálaččat dadjet:

11

71,11
3,3
22,9
“Ipmil lea hilgon su.

Doarridehket ja dohppejehket su,

ii su oktage gájo.”

12

71,12
22,12+
Ipmil, ale leage guhkkin!

Mu Ipmil, gáhča veahkehit mu.

13

71,13
6,11+
Šaddoset heahpadii

ja duššoset dat geat uhkidit mu,

deaividehkos heahpat ja hiddjádus daid

geat dáhttot vahágahttit mu!

14Muhto mus lea álelassii doaivu,

mun lávllun álo du rámádusa.

15

71,15
40,6
Mu njálbmi muitala

du oskkáldasvuođa

ja álelassii du veahki valljivuođa,

vaikko in goassege ádde dan ollásit.

16Hearrá, mu Ipmil, mun muitalan

du stuorra daguid,

rámidan oskkáldasvuođa

maid aivvefal don veaját čájehit.

17Ipmil, don oahpahit mu

juo dalle go ledjen nuorra,

ja vel ain mun muitalan du oavdudaguid.

18

71,18
Jes 46,4
Ale hilggo mu, Ipmil,

dál go lean boaris ja čuorgat.

Divtte mu gulahit du fámu

boahtti buolvvaide.

19

71,19
2 Mos 8,10
5 Mos 3,24
Sál 36,6+
Ipmil, du fápmu

ja oskkáldasvuohta ollá albmái.

Du dagut leat stuorrát, Ipmil,

gii lea du veardásaš?

20

71,20
5 Mos 32,39+
Don leat addán mu oaidnit

stuorra áŧestusaid

ja ollu oasehisvuođa,

muhto don áhpásmahtát mu fastain

ja loktet mu

eatnama čiekŋalasain.

21Don lasihat mu gudni,

don attát fas munnje jeđđehusa.

22

71,22
33,2+
Dalle mun rámidan du oskkáldasvuođa

hárpačuojahemiin, Ipmil,

mun máinnun du lyra šuoŋaiguin,

Israela Bassi.

23

71,23
103,1eč
Mu baksamat ávvudit

go mun čuojahan du gudnin,

mu siellu illuda danin go

don lonistit mu.

24Heaittikeahttá mu njuovčča

muitala du vuoigatlašvuođa,

muhto dat geat sávvet munnje bahá,

šaddet heahpanit ja bilkiduvvot.

72

Sálbma 72

721

72,1
Jes 11,2eč
Salomo sálbma.

Ipmil, oahpat gonagassii lágaidat,

gonagasa bárdnái vuoigatlašvuođa!

2Dalle son dubme

du álbmoga riekta,

vártnuhemiid vuoiggalaččat.

3

72,3
Jes 45,8
55,12
Várit addet olbmuide ráfi

ja dievát šaddadit

vanhurskkisvuođa šattuid.

4

72,4
10,14Jes 11,4
Dalle gonagas várjala

álbmoga vártnuhemiid rivttiid

ja beastá váivvášiid,

muhto cuvke daid geat sordet earáid.

5

72,5
89,37č
Jer 33,20č
72,5 Suova su eallit Jorgalus čuovvu ▶ Septuaginta. ▶ masorehtalaš teavsttas lea “Sii ballet dus”.Suova su eallit buolvvas bulvii,

nu guhká go beaivváš báitá

ja mánnu guolbmá.

6

72,6
5 Mos 32,2
Jes 45,8
Hos 6,3
Son lea dego arvi mii gahččá

láddjejuvvon gieddái,

nugo oakti mii láktada eatnama.

7Su beivviid

vanhurskkisvuohta ovdána,

ja ráfi eatnatvuohta ráđđe

dassá go mánnu ii leat šat.

8

72,8
80,12
89,26
Sak 9,10
Son ráđđe ábis áhpái,

stuorra eanu rájes

gitta eatnama ravddaide.

9

72,9
Jes 49,23
Su vuostálastit

gopmirdit su,

su ovddas vašálaččat njollot muoldda.

10

72,10
45,13+
72,10 Taršiš hápmangávpot dahje guovlu gáiddus rittuin, navdimis Gaskameara oarjjageahčen. >1 Mos 10,4. Saba riika Lulli-Arabias. Seba Riika Afrihkás, jáhkkimis Ruksesmeara lulleoarjjabealde. Gč. Jes 43,3.Taršiša ja gáiddus rittuid

gonagasat buktet vearuid,

Saba ja Seba gonagasat attáldagaid.

11

72,11
22,28+
Buot gonagasat luoitádit

su ovdii,

buot álbmogat bálvalit su.

12

72,12
Job 29,12
Son gádju váivváša

gii čuorvu su,

vártnuheami

gean ii oktage veahket.

13Son árpmiha heaju ja geafi

ja beastá váivváša áŧestusas.

14

72,14
116,15
Son gádju sin givssis

ja veahkaválddis,

sin heagga lea divrras su čalmmiin.

15Ellos gonagas guhká

ja ožžos Saba golliid.

Vare olbmot álelassii

rohkadalašedje su ovddas

ja buressivdnidivčče su

geažos beaivvi,

16

72,16
Jer 31,12
Am 9,13
vai eatnamis šattašii valjis gordni

mii bárustivččii várrečohkaid rádjái,

daid šaddu livččii suohkat

dego Libanona vuovdi

ja bealddu gordnegihput eatnagat

nugo eatnama rássi.

17

72,17
1 Mos 12,3
Sál 21,7+
Vare su namma bisošii agálaččat,

muitojuvvošii nu guhká

go beaivváš báitá!

Buressivdnidehkoset buohkat

iežaset su nammii,

máidnoset buot álbmogat

su lihkolažžan.

18

72,18
106,48
Máidnojuvvon lehkos Hearrá,

Israela Ipmil,

dušše son dahká oavdduid.

19

72,19
Jes 6,3
Hab 3,3
Su hearvás namma

lehkos máidnojuvvon agálaš áigái!

Oppa eatnama dievva lea

su hearvásvuohta.

Amen, amen.

20Dása nohket Davida, Isaja bártni, rohkosat.