Davvisámegiel Biibbal 2019 (Biibbal)
69

Sálbma 69

69169,1 Lilját >45,1.Koarrajođiheaddjái. Lávlojuvvo dego “Lilját”. Davida sálbma.

2Ipmil, beastte mu!

Čáhci ollá mu čoddaga rádjái.

3

69,3
40,3+
Mun lean vudjon

čiekŋalis rábáhii,

mu julggiide ii leat coakci.

Mun lean boahtán čáziid čiekŋalassii,

rávdnji golgá mu badjel.

4

69,4
6,7č
38,10č
Mun lean čurvon váibamassii,

mu čotta goiká.

Mu čalmmit leat sotnan,

go mun lean vuordán du, Ipmil.

5

69,5
35,19+
Dat geat vašuhit mu almmá siva haga

leat eambbo go vuoktačalmmit mu oaivvis.

Olusat leat dat geat bivdet mu heakka,

dat geat vašuhit mu

almmá ášši haga.

Maid in leat suoládan,

dan mun goit ferten máhcahit.

6Ipmil, don dovddat mu jallavuođa,

mu suttut eai biso čihkosis

du čalmmiid ovddas.

7Ale divtte šaddat heahpanit

mu dihte daid geat vurdet du,

Hearrá, Almmiveagaid Ipmil!

Ale divtte šaddat bilkiduvvot

mu dihte daid geat ohcet du,

Israela Ipmil.

8

69,8
44,23
Dasgo du dihte

mun gierddan hiddjádusa,

mu muođut leat ruvssodan heahpadis.

9

69,9
38,12+
Mun lean šaddan vierisin

vieljaidasan,

eadnán mánáide mun lean

amas olmmoš.

10

69,10
119,139
Joh 2,17
Rom 15,3
Áŋgirvuohta du viesu dihte

lea loahpahan mu,

ja daid hiddjádusat geat hiddjidit du,

leat deaivan munnje.

11Mun čirron ja fástudin,

muhto datge buvttii munnje bilkku.

12

69,12
Job 30,9
Váid 3,63
69,12 horstta morašbiktasat, gč. 30,12.Mun gárvodin horstta,

muhto šadden sin bilkolávlaga fáddán.

13Olbmot bilkidit mu

go čohkkájit gávpotpoarttas,

mun lean šaddan juhkkiid lávlunfáddán.

14

69,14
Jes 49,8
Muhto mun rohkadalan du, Hearrá,

vare dát boddu livččii vuogas.

Ipmil, vástit munnje

stuorra buorrevuođastat,

atte munnje oskkáldas veahkát.

15Gájo mu, aman vuodjut rábáhii,

gájo mu vašuheddjiidan gieđas

ja čiekŋalis čáziin.

16Ale divtte rávnnji golgat mu badjel,

ale divtte čiekŋalasa njiellat mu

alege gáivvo giddet njielus

mu oaivvi badjel.

17

69,17
44,27
109,21
Vástit munnje, Hearrá,

dasgo du oskkáldasvuohta lea buorre,

geahča mu beallái

stuorra váibmoláđisvuođastat!

18

69,18
102,3
143,7
Ale čiega muođuidat

iežat bálvaleaddjis.

Mun lean heađis,

gáhča vástidit munnje!

19Boađe mu lusa ja čoavdde mu,

lonis mu mu vašálaččain.

20Don dieđát mo mun hiddjiduvvon,

mo mun gillán bilkku ja heahpada,

donhan oainnát buot mu vašálaččaid.

21Sin hiddjádusat leat cuvken mu váimmu,

mu hávvi ii leat buorideames.

Mun vurden árpmoštallama,

muhto duššás,

soapmása gii jeđđešii mu,

muhto in gávdnan ovttage.

22

69,22
Matt 27,3448
Joh 19,28č
Sii seaguhedje mirkko

mu borramuššii,

ja go mun goiken, de sii

jugahedje munnje etteha.

23

69,23
Rom 11,9č
Vare sin beavdi šattašii sidjiide giellan

ja sin oaffarmális lihkohisvuohtan!

24Vare sin čalmmit sevnnjodivčče,

vare sin alimat suibbošedje álelassii!

25Golggat suhtot sin badjelii,

divtte buolli moarát juksat sin.

26

69,26
Apd 1,20
Vare sin siida šattašii ávdimin,

allos oktage ásso sin gođiin.

27Sii doarridit dan gean

don leat časkán,

sii lasihit su bákčasa

gean don leat hávvádahttán.

28Lasit sidjiide sivalašvuođa

sivalašvuhtii,

ale suova sin goassege gáddjojuvvot.

29

69,29
2 Mos 32,32
Sál 139,16
Jes 4,3
Alm 20,1215
Vare don sihkošit sin eallima girjjis,

vare sin namat eai čállojuvvoše

vuoigatlaččaid lohkui.

30Muhto mun lean vártnuheapme

ja váivviduvvon,

beastte mu, Ipmil,

ja atte munnje suoji!

31

69,31
40,7+
Mun máinnun

Ipmila nama lávlumiin,

mun gudnejahtán su

rámáduslávlagiiguin.

32

69,32
50,8eč
51,18
Dasa Hearrá liiko

eambbo go vuovssáide,

eambbo go burruide

main leat čoarvvit ja gaccat.

33

69,33
22,27+
Váivvášat oidnet dan ja illudit,

daid váibmu ealáska

geat ohcet Hearrá.

34

69,34
10,14+
Hearrá gullá gefiid rohkosa,

son ii hilggo olbmuidis

geat leat fáŋgavuođas.

35

69,35
96,11č
98,7č
Jes 44,23
49,13
Albmi ja eanan máidnot su,

mearat ja buot mii dain lihkada.

36Ipmil beastá Siona

ja hukse Juda gávpogiid.

Doppe su olbmot ožžot ássat

ja oamastit eatnama.

37

69,37
102,29
Jes 65,9
Su bálvaleddjiid nálli árbe dan,

dat geat ráhkistit su nama,

besset ássat doppe.

70

Sálbma 70

701Koarrajođiheaddjái. Davida sálbma. Muittuhussan.

2

70,2
40,14eč
Ipmil, gájo mu!

Hearrá, gáhča veahkehit mu!

3

70,3
6,11+
Vare dat geat bivdet mu heakka,

šattašedje heahpanit ja bilkiduvvot.

Vare dat geat sávvet munnje

lihkuhisvuođa,

gáiddašedje heahpanemiin.

4Vare dat geat boagustit

ja bilkidit mu,

jorgalivčče maŋos ja heahpanivčče.

5Muhto ávvudehkoset

ja illudehkoset du siste

buohkat geat ohcet du,

ja vare dat geat áibbašit du veahki,

beasašedje álo dadjat:

“Stuoris lea Ipmil!”

6Mun lean vártnuheapme ja váivváš,

Ipmil, gáhča veahkehit mu.

Don leat mu veahkki ja mu beasti,

Hearrá, ale ádján!

71

Sálbma 71

711

71,1
25,2+
Hearrá, dutnje mun dorvvastan,

ale goassege hilggo mu.

2Don leat oskkáldas,

gájo mu ja beastte mu!

Jorgal bealji mu beallái ja veahket mu.

3

71,3
18,3+
Leage munnje bákti man suodjái

sáhtán báhtarit,

ladni gos gávnnan bestojumi.

Don leat mu bákti ja mu ladni.

4

71,4
140,2
Ipmil, beastte mu baháid gieđas,

gájo mu ipmilmeahttuma

ja veahkaválddálačča válddis.

5Don leat mu doaivu,

Hearrá, mu Ipmil,

nuorravuođa rájes mun lean

dorvvastan dutnje, Hearrá.

6

71,6
22,10
Riegádeapmán rájes leat don leamaš

mu doarjja,

eadnán goaŧu rájes mu givrodat.

Du mun máinnun álelassii.

7Eatnagiidda mun lean šaddan mearkan,

muhto don leat mu nana dorvu.

8Mu njálmmi dievva

lea du rámádus,

geažos beaivvi mun máinnun

du hearvásvuođa.

9

71,9
22,12Jes 46,4
Ale hilggo mu

go lean boarásmuvvan,

ale guođe mu go mu fápmu nohká.

10

71,10
56,7
Dat geat vuđgŋet mu heakka,

ráđđádallet gaskaneaset,

mu vašálaččat dadjet:

11

71,11
3,3
22,9
“Ipmil lea hilgon su.

Doarridehket ja dohppejehket su,

ii su oktage gájo.”

12

71,12
22,12+
Ipmil, ale leage guhkkin!

Mu Ipmil, gáhča veahkehit mu.

13

71,13
6,11+
Šaddoset heahpadii

ja duššoset dat geat uhkidit mu,

deaividehkos heahpat ja hiddjádus daid

geat dáhttot vahágahttit mu!

14Muhto mus lea álelassii doaivu,

mun lávllun álo du rámádusa.

15

71,15
40,6
Mu njálbmi muitala

du oskkáldasvuođa

ja álelassii du veahki valljivuođa,

vaikko in goassege ádde dan ollásit.

16Hearrá, mu Ipmil, mun muitalan

du stuorra daguid,

rámidan oskkáldasvuođa

maid aivvefal don veaját čájehit.

17Ipmil, don oahpahit mu

juo dalle go ledjen nuorra,

ja vel ain mun muitalan du oavdudaguid.

18

71,18
Jes 46,4
Ale hilggo mu, Ipmil,

dál go lean boaris ja čuorgat.

Divtte mu gulahit du fámu

boahtti buolvvaide.

19

71,19
2 Mos 8,10
5 Mos 3,24
Sál 36,6+
Ipmil, du fápmu

ja oskkáldasvuohta ollá albmái.

Du dagut leat stuorrát, Ipmil,

gii lea du veardásaš?

20

71,20
5 Mos 32,39+
Don leat addán mu oaidnit

stuorra áŧestusaid

ja ollu oasehisvuođa,

muhto don áhpásmahtát mu fastain

ja loktet mu

eatnama čiekŋalasain.

21Don lasihat mu gudni,

don attát fas munnje jeđđehusa.

22

71,22
33,2+
Dalle mun rámidan du oskkáldasvuođa

hárpačuojahemiin, Ipmil,

mun máinnun du lyra šuoŋaiguin,

Israela Bassi.

23

71,23
103,1eč
Mu baksamat ávvudit

go mun čuojahan du gudnin,

mu siellu illuda danin go

don lonistit mu.

24Heaittikeahttá mu njuovčča

muitala du vuoigatlašvuođa,

muhto dat geat sávvet munnje bahá,

šaddet heahpanit ja bilkiduvvot.