Davvisámegiel Biibbal 2019 (Biibbal)
64

Sálbma 64

641Koarrajođiheaddjái. Davida sálbma.

2Ipmil, gula mu jiena

go mun váidalan,

várjal mu heakka

go vašálaš suorggaha.

3Čiega mu baháid juonain,

vearredahkkiid šlámaideaddji

joavkkus.

4

64,4
11,2
57,5
Sii sadjet njuokčameaset bastilin

dego miehkki,

báhčigohtet bahča sániideasetguin

nugo njuolaiguin.

5Fáhkka sii báhčet čihkosis vigiheami,

báhčet eaige bala.

6

64,6
10,11+
Sii giktalit guhtet guimmiideaset

dahkat bahá,

sii muitalit mo áigot bidjat čiegus gielaid

ja dadjet: “Ii dan oainne oktage.”

7

64,7
Jer 17,9
Sii hutket baháid ja dadjet:

“Mii leat gárvásat,

jurdda lea hutkojuvvon.”

Čieŋal lea olbmo váibmu.

8

64,8
7,13č+
Muhto Ipmil báhčá njuolaidis

sin njeaiga,

fáhkkestaga sii deaivvahallet.

9Sin iežaset njuovčča

jorralahttá sin.

Buohkat geat oidnet sin,

hirpmástuvvet.

10Buot olbmot suorganit,

sii gulahit maid Ipmil lea dahkan

ja guorahallet Ipmila daguid.

11

64,11
68,4
Vanhurskkis illuda Hearrás

ja ohcá dorvvu su luhtte.

Buot vuoiggalaččat

máidnot iežaset lihkolažžan.

65

Sálbma 65

651Koarrajođiheaddjái. Davida sálbma, lávlla.

2

65,2
50,14+
Ipmil, mii lávlut dutnje

máidnuma Sionis,

mii doallat lohpádusaid

maid attiimet dutnje,

3dasgo don gulat rohkadusaid.

Buot olbmot bohtet du lusa

4

65,4
32,538,5
78,38
dovddastit suttuideaset.

Go min suttut šaddet midjiide

menddo lossadin,

de don attát daid ándagassii.

5

65,5
15,136,9
65,5 ovdašiljuin tempela ovdašiljut maidda álbmot čoahkkanii.Ávdugas dat gean don válljet!

Don divttát su boahtit lusat

ja ássat iežat ovdašiljuin.

Du viesu buorrevuohta

ja du tempela bassivuohta

galleha min.

6

65,6
5 Mos 10,21
2 Sam 7,23
Don, min bestojumi Ipmil,

vástidat min rohkadusaide

vanhurskkisvuođa ovddolaš daguiguin.

Don leat buot eatnama ravddaid ja

gáiddus mearaid dorvu.

7Don ceggejit váriid givrodagainat,

don ledjet gárvodan

veagalašvuođa.

8

65,8
46,3č+
Don jaskkodahttet

máraideaddji meara,

báruid mára ja álbmogiid šláma.

9Dat geat ásset eatnama ravddain,

suorganit du mearkkain.

Don deavddát ávuin nuortti ja oarjji.

10

65,10
3 Mos 26,4
Sál 67,7
85,13
Don geahčat eatnama beallái

ja attát dasa arvvi,

don dagat dan šattolažžan.

Ipmila joga dievva lea čáhci.

Don oaččut gortniid šaddat,

don anát fuola eatnamis.

11

65,11
5 Mos 11,11č
Jes 30,23
Don láktadat bealddu jorgunluottaid

ja dásset jorgojuvvon eatnama,

don dipmadat eatnama

arveovttiiguin

ja buressivdnidat dan šattuid.

12

65,12
104,13
Don kruvnnidat jagi

buriid attáldagaiguin,

šattolašvuohta vuohču du luottain.

13Meahccegiettit runiidit,

dievát gárvodit ávu.

14Sávzaealut čiŋahit gittiid

ja gordni gokčá legiid.

Olbmot ávvudit ja lávlot.

66

Sálbma 66

661

66,1
100,1
Jes 49,13
Koarrajođiheaddjái. Lávlla, sálbma.

Bajit máidnunčuorvasa Ipmilii,

oppa eanan,

2

66,2
Jes 42,12
lávllo sutnje rámádusa,

gudnejahte su máidnumiin!

3

66,3
5 Mos 33,29
Sál 18,45
Dadjet Ipmilii:

Hirbmatlaččat leat du dagut!

Du vašálaččat dohkkestuvvet dutnje

du veagalaš fámu dihte.

4Oppa eanan gopmirda ja máidnu du,

lávlu rámádusa du nammii. Sela

5

66,5
46,9
Bohtet geahččat maid Ipmil lea dahkan!

Son lea dahkan olbmuide

hirbmatlaš daguid.

6

66,6
1 Mos 1,9č
2 Mos 14,21
Jos 3,16č
Son nuppástuhtii meara

goikeeanamin,

goikejulggiid sii rasttildedje eanu.

Dan dihte mii oažžut illudit su siste.

7

66,7
14,2+
Stuorra válddiin

son ráđđe agálaččat,

su čalmmit gozihit álbmogiid.

Vuostehágolaččat

eai oaččo čuožžilit. Sela

8Máidnot min Ipmila, buot álbmogat,

diktet ávvulávlaga čuodjat!

9

66,9
121,3
Son bisuha min heakkas

son ii divtte min julggiid suoibut.

10

66,10
7,10+
Don, Ipmil, leat geahččalan min,

don leat buhtistan min

nugo olmmoš čilge silbba.

11Don diktet min darvánit fierbmái,

don bidjet min guoddit noađi.

12

66,12
Jes 43,2
Don luitet olbmuid riidet

min oaivvi badjel,

mii šattaimet mannat dola

ja čázi čađa,

muhto don buktet min valljivuhtii.

13

66,13
50,14+
Mun buvttán boaldinoaffara

du tempelii,

mun ollašuhtán dutnje lohpádusaidan

14maid mu baksamat celke,

maid mu njálbmi sártnui

go mun ledjen heađis.

15Mun buvttán dutnje buoiduduvvon

omiid boaldinoaffarin

ja divttán vierccaid boaldinsuova badjánit,

mun oaffarušan vuovssáid

ja bohkáid. Sela

16Bohtet gullat, buohkat geat

ballabehtet Ipmilis,

de mun muitalan

maid son lea dahkan munnje.

17Mun čurvon sutnje,

mu njuokčama alde

lei juo máidnunlávlla.

18

66,18
Sát 15,29
28,9
Jes 1,15
Joh 9,31
Jos mus livččii leamaš

vearrivuohta mielas,

de Hearrá ii livčče gullan mu.

19Muhto Ipmil guldalii,

son gulai mu rohkadusa jiena.

20Máidnojuvvon lehkos Ipmil!

Son ii hilgon mu rohkadusa

iige biehttalan mus iežas árpmu.