Davvisámegiel Biibbal 2019 (Biibbal)
62

Sálbma 62

62162,1 Jedutun >39,1.Koarrajođiheaddjái. Jedutuna mielde. Davida sálbma.

2

62,2
3,9+
Aivvefal Ipmila ovddas

mu siellu gávdná ráfi,

sus boahtá mu bestojupmi.

3

62,3
18,3+
Aivvefal son lea mu bákti

ja mu bestojupmi, son lea mu ladni,

in mun suoibbo.

4Man guhká dii áigubehtet

fallehit ovtta olbmá ja goddit su,

norddastit su vuolás dego

állanaddi seainni

dahje gahčči muvrra?

5

62,5
5,10+
Sii ráđđádallet gaskaneaset

vai besset norddastit mu vuolás.

Sii ráhkistit beahttima,

njálmmiin sii gal buressivdnidit,

muhto váimmus sii garuhit.

Sela

6

62,6
38,16+
Aivvefal Ipmila ovddas

mu siellu gávdná ráfi,

son addá munnje doaivvu.

7Aivvefal son lea mu bákti

ja mu bestojupmi,

son lea mu ladni, in mun suoibbo.

8Ipmilis boahtá mu bestojupmi

ja gudni.

Son lea mu nana bákti,

son lea mu dorvu.

9

62,9
37,5+
Olbmot, dorvvastehket álelassii Ipmilii,

buktet su ovdii buot

mii deaddá váimmu.

Ipmil lea min dorvu. Sela

10

62,10
39,6+
Olmmoš lea dušše vuoiŋŋanas,

olbmománát eai leat mahkkege.

Veavttas sii eai olu deatte,

sii leat geahppaseappot go áibmu.

11

62,11
49,7+
Allet dorvvas veahkaváldái,

allet duššiid dihte bija doaivvu

rieviduvvon opmodahkii.

Vaikko opmodat lassána,

de allet dorvvas dasa.

12Ovtta geardde Ipmil lea sárdnon,

guovtte geardde

lean dan gullan:

Fápmu gullá Ipmilii,

13

62,13
28,4+
don, Hearrá, leat oskkáldas.

Don mávssát juohkehažžii

su daguid mielde.

63

Sálbma 63

631

63,1
1 Sam 23,14
24,1eč
Davida sálbma, dalle go son lei Juda meahcis.

2

63,2
42,3+
Ipmil, mu Ipmil,

du mun ozan.

Mu siellu goikaluvvá dutnje,

mu rumaš ohcala du

guorba meahcis gos ii leat čáhci.

3

63,3
17,15
27,4
Bassibáikkis mun beasan geahččat du,

oaidnit du fámu ja hearvásvuođa.

4Du árbmu lea buoret go eallin.

Mu baksamat rámidit du.

5

63,5
104,33
146,2
Mun máinnun du

nu guhká go ealán,

mun lokten gieđaid du guvlui.

6

63,6
36,9
65,5
Dalle mu siellu gallehuvvo

dego buoiddes borramušain,

ja mun rámidan du

ávvudeaddji baksamiiguin.

7Mun muittán du

go veallán seaŋggas,

mun jurddašan du idjagohcinvuorus.

8

63,8
17,8+
Dasgo don leat leamaš

mu veahkki,

du soajáid suoivanis mun beasan ávvudit.

9

63,9
18,36
Jes 41,10
Mun goattan dutnje,

du olgeš giehta doarjala mu.

10

63,10
55,16+
Muhto dat geat bivdet

mu heakka,

mannet eatnama čiekŋalassii.

11Sii addojuvvojit miehki háldui,

sii šaddet riebaniid sálašin.

12

63,12
107,42
Muhto gonagas illuda Ipmilis.

Buohkat geat vurdnot Ipmila nammii,

besset ávvudit,

muhto gielástalliid njálbmi

dahppojuvvo.

64

Sálbma 64

641Koarrajođiheaddjái. Davida sálbma.

2Ipmil, gula mu jiena

go mun váidalan,

várjal mu heakka

go vašálaš suorggaha.

3Čiega mu baháid juonain,

vearredahkkiid šlámaideaddji

joavkkus.

4

64,4
11,2
57,5
Sii sadjet njuokčameaset bastilin

dego miehkki,

báhčigohtet bahča sániideasetguin

nugo njuolaiguin.

5Fáhkka sii báhčet čihkosis vigiheami,

báhčet eaige bala.

6

64,6
10,11+
Sii giktalit guhtet guimmiideaset

dahkat bahá,

sii muitalit mo áigot bidjat čiegus gielaid

ja dadjet: “Ii dan oainne oktage.”

7

64,7
Jer 17,9
Sii hutket baháid ja dadjet:

“Mii leat gárvásat,

jurdda lea hutkojuvvon.”

Čieŋal lea olbmo váibmu.

8

64,8
7,13č+
Muhto Ipmil báhčá njuolaidis

sin njeaiga,

fáhkkestaga sii deaivvahallet.

9Sin iežaset njuovčča

jorralahttá sin.

Buohkat geat oidnet sin,

hirpmástuvvet.

10Buot olbmot suorganit,

sii gulahit maid Ipmil lea dahkan

ja guorahallet Ipmila daguid.

11

64,11
68,4
Vanhurskkis illuda Hearrás

ja ohcá dorvvu su luhtte.

Buot vuoiggalaččat

máidnot iežaset lihkolažžan.