Sálbma 61

61¹Koarrajođiheaddjái. Streaŋgačuojanasaiguin. Davida sálbma.

²Gula mu váidalančuorvasa, Ipmil,

guldal mu rohkadusa!

³Eatnama ravddas

mun čuorvvun du

go mu váibmu vuoimmehuvvá.

Doalvvo mu bávtti ala

ja atte munnje dorvvu.

⁴

mu báhtaransadji,

nana toardna vašálačča vuostá.

⁵

du goađis álelassii

ja gávdnat suoji du soajáid vuolde.

Sela

⁶Ipmil, don leat gullan

mu lohpádusaid,

don leat addán munnje árbbi

daiguin geat ballet du namas.

⁷

eallinjagiid,

son ráđđe buolvvas bulvii.

⁸Vare su truvdnu bisošii agálaččat

du muođuid ovddas,

vare du árbmu ja oskkáldasvuohta

várjalivččii su!

⁹

du nammii agálaččat

ja ollašuhtán lohpádusaidan

beaivvis beaivái.