Davvisámegiel Biibbal 2019 (Biibbal)
5

Sálbma 5

51Koarrajođiheaddjái. Njurgganasčuojanasaiguin. Davida sálbma.

2Hearrá, gula mu sániid,

fuomáš mu šuohkáhusaid!

3Guldal go mun čuorvvun,

mu gonagas ja Ipmil,

mun rohkadalan du.

4

5,4
88,14
Hearrá, don gulat mu jiena iđedis,

árrat mun bijan áššán du ovdii

ja vuorddán.

5

5,5
15,1eč
24,3č
Jes 33,14
Ipmil, don it gierdda

ipmilmeahttunvuođa.

Bahát eai beasa orrut du luhtte,

6čeavlás olbmot eai oaččo

loaiddastit du čalmmiid ovdii,

don vašuhat vearredahkkiid.

7

5,7
55,24
Apd 5,1eč
Don duššadat gielástalliid, Hearrá,

sorbmejeddjiid ja behtolaččaid

don fasttášat.

8Muhto du stuorra árbmugasvuođa dihte

mun oaččun boahtit du tempelii.

Mun gudnejahtán du

ja luoitádan eatnamii,

jorgalan muođuid du bassi tempela guvlui.

9

5,9
25,4č
27,11
139,24
Hearrá, láide mu

oskkáldasvuođastat,

vai vašálaččat eai olat mu,

daga geinnot dássidin mu ovdii.

10

5,10
55,22
62,5
Rom 3,13
Sin njálmmis ii leat duohtavuohta,

sin siskkildasas lea billašupmi.

Sin čotta lea rabas hávdi,

sis leat behtolaš sánit

njuokčama alde.

11Ipmil, dubme sin sivalažžan,

njeaidde sin

sin bahás áigumušaid dihte.

Áje sin eret

sin eatnat suttuid dihte,

du vuostáhan sii leat stuibmidan.

12

5,12
2,12
Muhto illudehkoset buohkat

geat dorvvastit dutnje,

ávvudehkoset sii agálaš áigái.

Don suodjalat sin,

ja dat geat ráhkistit du nama,

ávvudit dus.

13

5,13
3,4+
Don, Hearrá,

buressivdnidat vanhurskása,

du buorrevuohta gokčá su

galbba láhkái.

6

Sálbma 6

61

6,1
1 Muit 15,21
6,1 Gávccáda musihkalaš dajaldat mii sáhttá mearkkašit “čuojanasain mas leat gávcci streaŋgga”.Koarrajođiheaddjái. Streaŋgačuojanasaiguin. “Gávccáda” mielde. Davida sálbma.

2

6,2
38,2
Jer 10,24
Hearrá, ale ráŋggáš mu moaristat,

ale bagat mu suhtustat!

3

6,3
41,5
103,3
Leage munnje árbmugas, Hearrá,

mun lean vuoimmehuvvan.

Buorit mu, Hearrá,

mu rumaš sotná.

4

6,4
13,2
90,13
94,3
Mu siellu lea sakka suorganan.

Man guhká, Hearrá?

5

6,5
119,132
Hearrá, jorgal mu beallái

ja gájo mu heakka,

veahket mu buorrevuođastat.

6

6,6
30,10
88,11eč
115,17
Jes 38,18
Iihan jábmiid luhtte oktage muitte du,

ii oktage rámit du jábmiidáimmus.

7Mun lean váiban šuohkkimis,

čierrun láktada mu seaŋgga juohke ija,

gatnjalat leat njuoskadan mu oađđinsaji.

8

6,8
Job 17,7
Sál 31,10
Bahča moraš lea sotnadan

mu čalmmiid,

dat leat šaddan boarisin

eatnat vuostálastiidan geažil.

9

6,9
28,6
119,115
Gáidet mus, buot vearredahkkit!

Hearrá lea gullan mu čierrunjiena.

10Son lea gullan mu njuoras átnuma

ja vástida mu rohkadussii.

11

6,11
25,3
31,18
35,4
40,15č
70,3
71,13
83,17č
109,29
Buot mu vašálaččat

heahppášuhttojuvvojit.

Sii suorganit,

ja fáhkka sii báhtarit heahpanemiin.

7

Sálbma 7

717,1 váidalansálbma hebreagillii, šiggajon, ii leat čielggas maid sátni mearkkaša. Gč. Hab 3,1.Davida váidalansálbma. Son lávllui dan Hearrái benjaminlaš Kuša ságaid dihte.

2Hearrá, mu Ipmil,

dutnje mun dorvvastan.

Beastte mu ja gájo mu buohkain

geat doarridit mu,

3

7,3
10,9
17,12
37,32
57,5
Jer 5,26
muđui vašálaš gaikkoda mu

dego ledjon

ja geassá mu eret,

iige oktage veaje mu gádjut.

4Hearrá, mu Ipmil,

jos mun lean sivalaš,

jos mu gieđain lea

vuoigatmeahttunvuohta,

5jos lean dahkan bahá ustibii

ja speadjan vuostálasti

almmá siva haga,

6de doarridehkos ja joksos

vašálaš mu,

dulbmos mu heakka eatnamii

ja bálkestehkos mu gudni

muldii. Sela

7

7,7
3,835,23
44,24
59,5
94,2
Hearrá, čuožžil moaristat,

vuostálastte daid geat vašuhit mu.

Morit, mu Ipmil,

don guhte gohčut dupmui.

8Bovde ovdasat álbmogiid,

čohkán truvdnosat allagassii.

9

7,9
1 Mos 18,25
Apd 17,31
Rom 3,6
Hearrá dubme álbmogiid.

Veahket mu oažžut vuoigatvuođa,

dasgo munhan lean vanhurskkis

ja láitemeahttun.

10

7,10
1 Sam 16,7
1 Gon 8,39
Sál 11,4
17,3
26,2
66,10
139,23
Sát 17,3
Jer 17,10
Loahpat ipmilmeahttumiid

bahávuođa,

muhto divtte vanhurskása

bissut nanusin,

don oskkáldas Ipmil,

donhan dutkkat váimmu

ja monimuččaid.

11

7,11
3,4+
Ipmil lea mu galba,

son beastá daid

geaid váibmu lea vuoigatlaš.

12

7,12
9,5
58,12
Ipmil lea vanhurskkis duopmár,

Ipmil guhte moaráhuvvá

juohke beaivvi.

13

7,13
5 Mos 32,41
Sál 64,8
Váid 2,4
3,12
Jos muhtun ii vuollán,

de son sadjá miehkis,

gealdá dávggis ja sikte.

14Son ráhkada goddi vearjjuid

ja gárvvista buolli njuolaid.

15

7,15
Job 15,35+
Geahča, ipmilmeahttun guoddá

bahávuođa goaŧus,

sahkanahttá vearrivuođa

ja riegádahttá behttosa.

16

7,16
9,16
35,8
57,7
Sát 26,27
Sárd 10,8
Son lea goivon rokki

ja dahkan dan čieŋalin,

muhto ieš son gahččá dan roggái

maid goaivvui.

17

7,17
140,10
Sát 5,22
Vearrivuohta maid son smiehtai,

jorggiha su iežas vuostá,

veahkaváldi deaivá su iežas oaivečohkkii.

18Mun rámidan

Hearrá vanhurskkisvuođa

ja máinnun Hearrá, Alimusa, nama.