Sálbma 57
571
24,4
Sál 142,1
57,1 Ale bilit soaitá leat nuohta namma.Koarrajođiheaddjái. Lávlojuvvo dego “Ale bilit”. Davida miktam, dalle go son lei báhtaran Saulis ja čiehkádan bákteráigái.
2
Leage munnje árbmugas, Ipmil,
leage munnje árbmugas,
dutnje mun dorvvastan.
Du soajáid suoivanis
mun gávnnan suoji
dassážii go várra lea meaddel.
3Mun čuorvvun Ipmilii,
Alimussii, Ipmilii
guhte dahká munnje buori.
4
Go mu doarrádallit
bilkidit mu,
de son vuolggaha munnje veahki almmis.
Sela
Ipmil čájeha munnje árpmu,
son lea oskkáldas.
5
Mun veallán ledjoniid gaskkas,
dat borastuvvet olbmooažžái.
Daid bánit leat sáittit ja njuolat,
daid njuovčča lea bastilis miehkki.
6Čájet gudnát almmis, Ipmil,
iežat hearvásvuođa miehtá eatnama!
7
Sii lebbejedje fierpmi
mu julggiid ovdii,
vai mun nuonddahalan.
Sii rogge hávddi mu ovdii,
muhto gahčče dasa ieža. Sela
8
Mu váibmu lea dorvvolaš, Ipmil,
mu váibmu lea dorvvolaš,
mun dáhtun lávlut ja čuojahit.
9Gohccá, mu siellu,
morit, hárpa ja lyra!
Mun dáhtun boktit iđedisroađi.
10
Hearrá, mun máinnun du
álbmogiid gaskkas,
mun lávllun du rámádusa
buot álbmogiidda.
11
Du árbmugasvuohta
ollá albmái,
du oskkáldasvuohta
gitta balvvaid rádjái.
12Ipmil, čájet gudnát almmis,
iežat hearvásvuođa miehtá eatnama!
Sálbma 58
581
Koarrajođiheaddjái. Lávlojuvvo dego “Ale bilit”. Davida miktam.
2
Fámolaččat, sárdnubehtetgo
dii duođaid riekta?
Dubmebehtetgo dii olbmuid
vuoigatlaččat?
3Ehpet! Mielaeavttus
dii dahkabehtet veriid eatnama alde,
jalgebehtet geainnu veahkaváldái.
4
Ipmilmeahttumat leat čádjidan
riegádeami rájes,
gitta eatniset goaŧu rájes
gielástallit leat čádjádusas.
5
Sin mirko lea dego gearbmašmirko,
sii notket beljiid ja
leat dego bealjehis gearpmaš
6mii ii gula
gearpmašlabmu jiena,
ii velá čeahpimus labmuge jiena.
7
Ipmil, cuvke bániid sin njálmmis,
Hearrá, molle ledjoniid bániid!
8Divtte sin jávkat dego čáhci
mii golgá eret,
nugo rássi mii duolmmahallá
ja goldná.
9Divtte sidjiide geavvat dego riipui
mii suddá njivlin njoamudettiin,
divtte sin šaddat cuovkanan
ogi láhkásažžan
mii ii goassege oaidnán beaivváža.
10Dego riđđu son bossu sin eret,
ovdal go sii levvet
nugo bastilislánját.
11Muhto vuoigatlaš illuda
go oaidná ahte son beassá mávssahit.
Son beassá bassat julggiidis
ipmilmeahttumiid varas.
12
Dalle olbmot dadjet:
“Vanhurskkis oažžu bálkkás.
Duođaid, lea Ipmil guhte dubme
eatnama alde.”
Sálbma 59
591
Sál 57,1
Koarrajođiheaddjái. Lávlojuvvo dego “Ale bilit”. Davida miktam, dalle go Saul lei vuolggahan olbmuid fáktet su viesu ja áiggui goddit su.
2
Beastte mu, Ipmil,
vašálaččaidan gieđas,
várjal mu dain geat fallehit mu.
3Beastte mu olbmuin
geat dahket veriid,
gájo mu sorbmejeddjiid gieđas.
4
Sii vuđgŋet mu heakka,
gievrras olbmát ráhkkanit
soahtat muinna,
vaikko mun in leat suddudan
inge dahkan veriid, Hearrá.
5
Vaikko mun in leat sivalaš,
de sii ráhkkanit fallehit.
Gohccá, boađe mu lusa ja geahča!
6
Hearrá, Almmiveagaid Ipmil,
don leat Israela Ipmil.
Gohccá ja ráŋggáš buot álbmogiid,
ale árpmit
oskkáldasmeahttun behttiid! Sela
7Sii máhccet juohke eahkeda,
holvot dego beatnagat
ja vihket miehtá gávpoga.
8
Sát 15,28
Sánit golget sin njálmmis,
sin baksamat leat miehkit.
Sii gáddet ahte ii oktage gula.
9
Muhto don, Hearrá,
boagustat sin,
don bilkidat buot álbmogiid.
10
Mu givrodat, mun vuorddán
du, Ipmil,
don leat mu nana ladni.
11
92,12
118,7
Mu Ipmil boahtá mu ovddal
árbmugasvuođainis,
son diktá mu oaidnit
go mu vašálaččat gahččet.
12
Ale gotte sin,
amas mu álbmot vajáldahttit dan.
Daga sin ruovttuheapmin
fámuinat,
nordat sin vuolás, Hearrá,
min galba.
13
Juohke sátni maid
sii dadjet, lea suddu.
Divtte sin sorrot iežaset
čeavláivuhtii
daid garrudusaid ja giellásiid dihte
maid sii sárdnot.
1459,14 Jakob mearkkašupmi lea dás Israela álbmot.Duššat sin moaristat,
duššat sin vai sii eai šat leat.
Dalle álbmogat gitta eatnama
ravddaid rádjái áddejit,
ahte Ipmil ráđđe Jakobis.
Sela
15Sii máhccet juohke eahkeda,
sii holvot dego beatnagat
ja vihket miehtá gávpoga.
16Sii vádjolit ohcamin borramuša
ja harret go eai gallán.
17
135,3
147,1
Muhto mun máinnun du fámu
ja illudan juohke iđida
du oskkáldasvuođa dihte.
Dasgo don leat mu ladni,
mu báhtaransadji heahtebeaivvi.
18Ipmil, mu givrodat,
mun lávllun dutnje.
Don leat mu nana ladni,
mu oskkáldas Ipmil.