Lue Raamattua
Käännökset

Käännökset

Raamatunkäännökset
Tietoa raamatunkäännöksistä
TaustatietoaRaamattu kirkkovuodessa Kirjaudu sisään Luo käyttäjätili
Davvisámegiel Biibbal 2019 (Biibbal)
54

Sálbma 54

541Koarrajođiheaddjái. Streaŋgačuojanasain. Davida oahpahansálbma, 2

54,2
1 Sam 23,19
54,2 siflaččat Sif lea meahcceguovlu Hebrona lulábealde.dalle go siflaččat ledje muitalan Saulii: “David lea čiehkádan min lusa.”

3Ipmil, beastte mu iežat nama dihte,

veahket mu oažžut vuoigatvuođa

du fámuin!

4Ipmil, gula mu rohkadusa,

guldal dárkilit

maid mun sártnun.

5

54,5
86,14
Čeavlás olbmot leat fallehan mu,

veahkaválddálaččat bivdet

mu heakka.

Sii eai beroš Ipmilis. Sela

6Muhto Ipmil lea mu veahkki,

Hearrá doarju mu.

7

54,7
28,4+
Vare lihkuhisvuohta deaividivččii

mu vašálaččaid!

Duššat sin oskkáldasvuođat dihte.

8

54,8
92,2
Mun oaffarušan dutnje millosit

ja rámidan du nama, Hearrá,

dasgo don leat buorre.

9

54,9
59,11+
Don gájut mu buot heađis,

ja mun beasan oaidnit

mo mu vašálaččat gahččet.

55

Sálbma 55

551Koarrajođiheaddjái. Streaŋgačuojanasaiguin. Davida oahpahansálbma.

2

55,2
17,1
71,2
86,6
Ipmil, guldal mu rohkosa,

ale čiehkát go mun ánun veahki.

3Gula mu ja vástit munnje,

mu morrašat eai atte munnje ráfi.

Mun doarggistan

4go vašálaš čuorvu

ja ipmilmeahttumat givssidit mu.

Sii fierahit vártnuhisvuođa

mu badjelii,

doarrádallet mu vašisteaset.

5

55,5
18,5č+
Mu váibmu doarggista rattis,

mun dohppehalan jápminballui.

6Mun balan ja doarggistan,

suorganeapmi gokčá mu.

7

55,7
Jer 9,2
Vare mus duvvá soaját,

dalle mun girdilivččen ja gávnnašin

alccesan orrunsaji,

8báhtarivččen guhkás

ja válddášin orrunsaji meahcis.

Sela

9Hoahpus mun ozašin suoji

garra biekka ja ramádaga ovddas.

10

55,10
1 Mos 11,9
Sef 3,1eč
Moivašuhte sin, Hearrá,

moive sin giela.

Mun oainnán veahkaválddi

ja riidaleami gávpogis,

11ija beaivvi sii vázzet

dan birra muvrraid alde.

Bahávuohta ja vearrivuohta

ásset gávpogis,

12billašupmi dan guovdu,

veahkaváldi ja behtolašvuohta

eai goassege gáidda dan bálgáin.

13Jos mu vašálaš hiddjidivččii mu,

de dan mun gierddašin.

Jos mu vašuheaddji

čeavlástalašii munnje,

de dalle mun sáhtášin čiehkádit.

14

55,14
41,10
Muhto don leat mu láhkásaš,

mu ustit ja mu oahpis.

15Lagaš searvevuođas

moai vácciime ávvufárus

Ipmila vissui.

16

55,16
4 Mos 16,33
Sál 63,10
Vare sii jámášedje,

vare sii manašedje eallinaga

jábmiidáibmui!

Sin orrunsaji dievva

lea bahávuohta.

17Muhto mun čuorvvun Ipmilii,

ja Hearrá beastá mu.

18

55,18
Dan 6,11
Eahkedis ja iđedis

ja gaskabeaivvi

mun luoimman ja šuohkán,

ja son gullá mu jiena.

19

55,19
3,2+
Vaikko eatnagat fallehit mu,

de son lonista mu soađis

ja addá munnje ráfi.

20

55,20
74,12
Hab 1,12
Ipmil guhte čohkká

truvnnustis dološ áiggi rájes,

gullá mu,

muhto sin son vuolida. Sela

Mu vašálaččat eai nuppástuva,

sii eai bala Ipmilis.

21Behtolaš olmmoš givssida ustibiiddis,

son rihkku lihtu.

22

55,22
5,10+
Liktásat go vuodja

leat su ságat,

muhto su váimmu jurdda

lea soahti.

Su sánit leat litnásat dego olju,

muhto bastilat

dego rohttejuvvon miehkki.

23

55,23
37,5+
Bija nođiidat Hearrá háldui,

son atná dus fuola.

Son ii goassege suova

vuoigatlaš olbmo suoibut.

24

55,24
5,725,2+
Don, Ipmil, norddastat

sorbmejeddjiid ja behtolaččaid

hávdái,

sii eai juvssa bealige

beivviineaset.

Muhto mun dorvvastan dutnje.

56

Sálbma 56

561

56,1
1 Sam 21,10eč
56,1 Gielahis duvvá guhkilmas terebinttain soaitá leat nuohta namma. miktam >16,1.Koarrajođiheaddjái. Lávlojuvvo dego “Gielahis duvvá guhkilmas terebinttain”. Davida miktam, dalle go filistalaččat ledje dohppen su Gatis.

2Leage munnje árbmugas, Ipmil!

Olbmot bivdalit mu heakka,

sii áŧestit mu álohii.

3

56,3
3,2+
Mu vašálaččat goddalit mu

geažos beaivvi,

eatnagat doarrádallet mu

čeavláivuođasteaset.

4Go mun lean balus,

de mun dorvvastan dutnje.

5

56,5
27,1
Ipmilii gean sáni mun rámidan,

Ipmilii mun dorvvastan inge bala.

Maid sáhttá olmmoš

dahkat munnje?

6Geažos beaivvi sii botnjet

mu sániid,

sii áigot mu vuostá aivve bahá.

7

56,7
71,10
119,95
Sii dahket lihtu mu vuostá

ja šokčet mu,

sii fáktejit mu lávkkiid,

dasgo sii bivdet mu heakka.

8

56,8
59,614
Muhto sii eai beasa báhtui,

dasgo sii leat bahát.

Ipmil, njeaidde álbmogiid

moaristat!

9

56,9
Mal 3,16
Don leat čállán muitui

mu áŧestusa,

mu gatnjaliid don leat vurken

lihttásat –

almma don leat merken daid iežat girjái?

10Mu vašálaččat geassádit

go mun čuorvvun dutnje.

Mun dieđán ahte Ipmil lea muinna.

11Ipmilii gean sáni mun rámidan,

Hearrái gean sáni mun rámidan,

12Ipmilii mun dorvvastan

inge bala mastege.

Maid sáhttá olmmoš

dahkat munnje?

13

56,13
50,14+
Mun deavddán lohpádusa

dutnje, Ipmil,

mun oaffarušan dutnje giittusoaffara.

14

56,14
33,19
116,8č
Don leat gádjon

mu heakka jápmimis,

beastán mu juolggi jorraleames.

Mun oaččun vádjolit

Ipmila muođuid ovddas

eallima čuovgasis.