Davvisámegiel Biibbal 2019 (Biibbal)
49

Sálbma 49

491Koarrajođiheaddjái. Korahlaččaid sálbma.

2Gullet dán, buot álbmogat,

guldalehket, buot máilmmi ássit,

3sihke heajut ja fámolaččat,

sihke riggát ja váivvášat!

4

49,4
78,2
Mu njálbmi sárdnu

viissisvuođa sániid,

mu jurdagat leat jierpmálaččat.

5Mun guldalan viissisvuođa sániid,

mun čilgen árvádusaid

lyra čuojahemiin.

6Manne mun galggašin ballat

bahás beivviin,

go behtolaččaid bahávuohta

birastahttá mu?

7

49,7
52,9
62,11
73,12
Luk 12,18eč
1 Tim 6,917
Sii dorvvastit opmodahkii

ja rámidit iežaset stuorra riggodaga.

8Ii olmmoš sáhte lonistit vieljas,

ii son sáhte addit su ovddas

Ipmilii lonástusruđa.

9Heakka lotnásat leat ilá divrasat,

dat báhcet agibeaivái mávssikeahttá.

10Olmmoš ii sáhte eallit agálaččat

ja vealtat mannamis hávdái.

11

49,11
Sárd 2,16
6,2
Son šaddá oaidnit ahte velá

viisátge jápmet

seammá láhkái go doavkkit

ja jierpmeheamit.

Sii guđđet opmodagaset earáide.

12Hávdi šaddá sin ruoktun agálaččat,

sin orrunsadjin buolvvas bulvii,

vaikko sii eaiggádušše eatnamiid.

13

49,13
Sárd 3,19
Buot hearvásvuođastis

olmmoš ii sáhte eallit agálaččat,

elliid láhkái songe duššá.

14Nu geavvá jierpmehemiide

ja daidda geat jáhkket

sin sániide. Sela

15Sii mannet vuolás

jábmiidáibmui dego sávzzat,

jápmin šaddá sin báimmanin.

Vuoigatlaččat ráđđejit sin

go iđedisguovssu badjána.

Sin hápmi billašuvvá

jábmiidáimmus.

16

49,16
48,15+
Muhto Ipmil lonista mu,

son čoavdá mu

jábmiidáimmu fámus. Sela

17Ale hirpmástuva

jos soamis riggu,

jos vallji lassána su dálus.

18

49,18
39,7+
Go son jápmá,

de son ii oaččo mielde maidege,

riggodat ii čuovo su hávdái.

19

49,19
Luk 12,19
Son sáhttá máidnut iežas

lihkolažžan dán eallimis,

ja olbmot rámidit su

go son lea birgen bures.

20Dattetge son manná

áhčiidis lusa,

geat eai goassege šat

oainne čuovgga.

21Buot hearvásvuođastis

olmmoš lea jierpmeheapme,

elliid láhkái songe duššá.

50

Sálbma 50

50150,1 Asaf lávlu, čuojaheaddji ja sálbmačálli Levi nális. Vrd. 1 Muit 15,16č.Asafa sálbma.

Ipmil, Hearrá Ipmil, lea sárdnon,

son lea rávkan eatnama

beaivváža badjáneami rájes

dan luoitádeami rádjái.

2

50,2
5 Mos 33,2
Sál 48,3
Sionis, dievaslaš čábbás,

Ipmil almmustuvvá hearvásvuođastis.

3

50,3
97,3
Min Ipmil boahtá,

ii son oro jávohaga.

Duššadeaddji dolla

manná su ovddas,

su birra riđđuda sakka.

4Son rávká almmi badjin,

son rávká eatnama

vai beassá dubmet iežas álbmoga.

5

50,5
2 Mos 24,4eč
“Čohkkejehket mu ovdii

oskkáldasaidan,

geat oaffariiguin leat dahkan muinna lihtu.”

6

50,6
97,6
Albmi gulaha

Ipmila vanhurskkisvuođa.

Son ieš lea duopmár. Sela

7

50,7
2 Mos 20,2
“Gula, álbmogan,

mun dáhtun sárdnut,

gula Israel, mun várren du.

Mun lean Ipmil, du Ipmil.

8

50,8
40,7Jer 7,22č
In mun cuiggot du

du njuovvanoaffariid dihte,

du boaldinoaffarat

leat álo mu ovddas.

9In mun váldde vuovssáid du viesus

inge bohkáid du gárddiin,

10dasgo mu leat buot meahcieallit,

buot fuođđut duháhiin váriin.

11Mun dovddan buot almmi lottiid,

buot mii lihkada eatnama alde,

gullá munnje.

12

50,12
2 Mos 19,5
Sál 24,1
Jos mun livččen nealgumin,

de in mun muitalivčče dan dutnje,

dasgo mu lea eanan

ja buot mii dan deavdá.

13

50,13
Jes 1,11
Mi 6,7
Mungo borašin vuovssáid bierggu,

jugašin bohkáid vara?

14

50,14
5 Mos 23,21eč
Sál 61,9
65,2
66,13č
76,12
116,1417č
Oaffaruša giitosa Ipmilii,

doala lohpádusaidat Alimussii.

15

50,15
77,3
86,7
Jer 33,3
Matt 7,7
Čuorvvo mu heahtebeaivvi,

de mun gájun du,

ja don máinnut mu.”

16Muhto ipmilmeahttumii

Ipmil cealká:

“Mii vuoigatvuođaid dus lea

sárdnidit mu báhkkomiid,

mo duosttat váldit mu lihtu njálbmásat,

17

50,17
Sát 12,1
don gii vašuhat bagadusa

ja bálkestat mu sániid

sealggát duohkái?

18Jos don oainnát suollaga,

de don searvvat suinna,

furrošeddjiiguin

don anát oktavuođa.

19Don luoittát njálmmis bahávuođa,

du njuovčča botná behtolašvuođa.

20Don sártnut bahá

iežat vielja vuostá,

bilkidat eatnát bártni.

21Dakkáriid don dagat,

ja mungo galggašin orrut jávohaga?

Ale gátte ahte mun lean

du láhkásaš.

Muhto mun áiggun cuiggodit du

ja ráŋggáštit du.

22Váldet dán vuhtii,

dii geat vajáldahttibehtet Ipmila!

Muđui mun gaikkodan din,

iige oktage leat gádjumin.

23

50,23
91,16
Luk 2,30
Dat gii oaffaruššá giitosa,

gudnejahttá mu.

Gii vádjola vuoigadis geainnu,

beassá oaidnit ahte Ipmil beastá.”

51

Sálbma 51

511Koarrajođiheaddjái. Davida sálbma, 2

51,2
2 Sam 12,1eč
dalle go profehta Natan lei fitnan su luhtte maŋŋil go David lei guoskan Batsebai.

3

51,3
Jes 43,25
Ipmil, leage munnje árbmugas

buorrevuođastat,

sihko mu rihkkumiid

stuorra árbmugasvuođat dihte.

4Basa mu buhtisin sivalašvuođas,

buhtis mu mu suttus.

5Mun dovddan rihkkumiiddán,

mu suddu lea álelassii mu ovddas.

6

51,6
Job 9,2č
Luk 15,18
Rom 3,4
Aivve du vuostá

mun lean suddudan,

mun lean dahkan dan mii lea bahá

du čalmmiin.

Don leat vuoigadis

go bijat mu vástidit,

vuoiggalaš go dubmet mu.

7

51,7
Job 14,4
Sál 58,4
Joh 3,6
Ef 2,3
Sivalažžan mun riegádin,

suttus mun sahkanin

eadnán goŧŧui.

8Don dáhtut duohtavuođa

mu siskkildassii,

oahpat mu váibmui viissisvuođa.

9

51,9
4 Mos 19,18č
Jes 1,18
51,9 isopiin šaddu mii adnojuvvui go čáhci diškojuvvui olbmuid dahje biergasiid ala buhtistanmeanuin. ▶ isop.Buhtis mu suttus isopiin,

basa mu vielgadeabbon

go muohta.

10Suova mu dovdat ávu ja ilu,

divtte ávvudit daid dávttiid

maid cuvkejit.

11Jorgal muođuidat

eret mu suttuin

ja sihko mu suddovealggi.

12

51,12
Esek 11,19
36,26
Ipmil, sivdnit munnje

buhtis váimmu,

atte munnje ođđa ja nana vuoiŋŋa.

13

51,13
Jes 63,11
Ale áje mu muođuidat ovddas,

ale váldde mus eret iežat bassi vuoiŋŋa.

14Atte munnje fasttain

bestojumi ávu,

atte munnje mieđamánas vuoiŋŋa

ja doarjjo mu.

15

51,15
32,8+
Dalle mun oahpahan

suttolaččaide du geainnuid,

vai sii máhccet du lusa.

16

51,16
2 Sam 12,9eč
51,16 varradaguin čujuha vealgái maid oažžut jos goddit nuppi olbmo.Beastte mu varradaguin, Ipmil,

mu bestojumi Ipmil.

Dalle mun rámidan illudemiin

du oskkáldasvuođa.

17Hearrá, rabas mu baksamiid,

de mu njálbmi gulaha du rámádusa.

18

51,18
40,7+
Jos mun buvttán dutnje

njuovvanoaffara,

de don it geahča dan beallái,

mu boaldinoaffarisge

don it fuola.

19

51,19
34,19+
Doddjojuvvon vuoigŋa

lea mu oaffar,

cuovkanan váimmu

don it hilggo, Ipmil.

20

51,20
147,2č
Daga árpmustat bures Sionii,

hukse Jerusalema muvrraid!

21

51,21
4,6+
Dalle don válddát vuostá

rivttes oaffariid,

boaldinoaffariid ja ollesoaffariid.

Dalle oaffaruššojuvvojit vuovssát

du áltára alde.