Davvisámegiel Biibbal 2019 (Biibbal)
4

Sálbma 4

414,1 Koarrajođiheaddjái olmmoš gii jođihii lávluma ja čuojaheami tempelis.Koarrajođiheaddjái. Streaŋgačuojanasaiguin. Davida sálbma.

2Vástit munnje go mun čuorvvun!

Ipmil, don hágat munnje vuoigatvuođa,

don rabat munnje geainnu áŧestusas.

Leage munnje árbmugas

ja gula mu rohkosa.

3Olbmot, man guhká

dii heahppášuhttibehtet mu gudni?

Man guhká dii ráhkistehpet

duššálašvuođa

ja bivdibehtet giellása? Sela

4Dihtet ahte Hearrá dahká oavdduid

dasa gii lea sutnje oskkáldas.

Hearrá gullá go mun čuorvvun su.

54,5 Jos … suddut Jorgalus čuovvu ▶ Septuaginta. ▶ masorehtalaš teavsttas lea “Doarggistehket, alletge suddut”. Gč. Ef 4,26.Jos moaráhuvvabehtet,

de allet suddut.

Celket alcceseattet go veallábehtet

oađđinsajisteattet:

“Oro jávohaga!” Sela

6

4,6
5 Mos 33,19
Sál 51,19eč
Rom 12,1
Oaffaruššet rivttes oaffariid,

dorvvastehket Hearrái.

7

4,7
80,4
4,7 du muođuid čuovgat midjiide govvida Ipmila árpmu ja buori dáhtu. Vrd. 4 Mos 6,25č; Sál 31,17; 44,4.Eatnagat dadjet:

“Gii attášii midjiide lihku?”

Hearrá, divtte du muođuid

čuovgat midjiide.

8Don attát mu váibmui stuorit ilu

go oktage oažžu

gortni ja viinni valljivuođas.

9

4,9
3,6
Ráfis mun veallánan ja nohkan.

Don, Hearrá,

divttát mu eallit oadjebassan.

5

Sálbma 5

51Koarrajođiheaddjái. Njurgganasčuojanasaiguin. Davida sálbma.

2Hearrá, gula mu sániid,

fuomáš mu šuohkáhusaid!

3Guldal go mun čuorvvun,

mu gonagas ja Ipmil,

mun rohkadalan du.

4

5,4
88,14
Hearrá, don gulat mu jiena iđedis,

árrat mun bijan áššán du ovdii

ja vuorddán.

5

5,5
15,1eč
24,3č
Jes 33,14
Ipmil, don it gierdda

ipmilmeahttunvuođa.

Bahát eai beasa orrut du luhtte,

6čeavlás olbmot eai oaččo

loaiddastit du čalmmiid ovdii,

don vašuhat vearredahkkiid.

7

5,7
55,24
Apd 5,1eč
Don duššadat gielástalliid, Hearrá,

sorbmejeddjiid ja behtolaččaid

don fasttášat.

8Muhto du stuorra árbmugasvuođa dihte

mun oaččun boahtit du tempelii.

Mun gudnejahtán du

ja luoitádan eatnamii,

jorgalan muođuid du bassi tempela guvlui.

9

5,9
25,4č
27,11
139,24
Hearrá, láide mu

oskkáldasvuođastat,

vai vašálaččat eai olat mu,

daga geinnot dássidin mu ovdii.

10

5,10
55,22
62,5
Rom 3,13
Sin njálmmis ii leat duohtavuohta,

sin siskkildasas lea billašupmi.

Sin čotta lea rabas hávdi,

sis leat behtolaš sánit

njuokčama alde.

11Ipmil, dubme sin sivalažžan,

njeaidde sin

sin bahás áigumušaid dihte.

Áje sin eret

sin eatnat suttuid dihte,

du vuostáhan sii leat stuibmidan.

12

5,12
2,12
Muhto illudehkoset buohkat

geat dorvvastit dutnje,

ávvudehkoset sii agálaš áigái.

Don suodjalat sin,

ja dat geat ráhkistit du nama,

ávvudit dus.

13

5,13
3,4+
Don, Hearrá,

buressivdnidat vanhurskása,

du buorrevuohta gokčá su

galbba láhkái.

6

Sálbma 6

61

6,1
1 Muit 15,21
6,1 Gávccáda musihkalaš dajaldat mii sáhttá mearkkašit “čuojanasain mas leat gávcci streaŋgga”.Koarrajođiheaddjái. Streaŋgačuojanasaiguin. “Gávccáda” mielde. Davida sálbma.

2

6,2
38,2
Jer 10,24
Hearrá, ale ráŋggáš mu moaristat,

ale bagat mu suhtustat!

3

6,3
41,5
103,3
Leage munnje árbmugas, Hearrá,

mun lean vuoimmehuvvan.

Buorit mu, Hearrá,

mu rumaš sotná.

4

6,4
13,2
90,13
94,3
Mu siellu lea sakka suorganan.

Man guhká, Hearrá?

5

6,5
119,132
Hearrá, jorgal mu beallái

ja gájo mu heakka,

veahket mu buorrevuođastat.

6

6,6
30,10
88,11eč
115,17
Jes 38,18
Iihan jábmiid luhtte oktage muitte du,

ii oktage rámit du jábmiidáimmus.

7Mun lean váiban šuohkkimis,

čierrun láktada mu seaŋgga juohke ija,

gatnjalat leat njuoskadan mu oađđinsaji.

8

6,8
Job 17,7
Sál 31,10
Bahča moraš lea sotnadan

mu čalmmiid,

dat leat šaddan boarisin

eatnat vuostálastiidan geažil.

9

6,9
28,6
119,115
Gáidet mus, buot vearredahkkit!

Hearrá lea gullan mu čierrunjiena.

10Son lea gullan mu njuoras átnuma

ja vástida mu rohkadussii.

11

6,11
25,3
31,18
35,4
40,15č
70,3
71,13
83,17č
109,29
Buot mu vašálaččat

heahppášuhttojuvvojit.

Sii suorganit,

ja fáhkka sii báhtarit heahpanemiin.