Sálbma 44
441Koarrajođiheaddjái. Korahlaččaid oahpahansálbma.
2
5 Mos 6,20č
Sál 78,3
44,2 áhčit ▶ áhčči.Ipmil, mii leat gullan
iežamet beljiiguin,
min áhčit leat muitalan midjiide
maid don dahket sin áigge,
don dolin.
3
5 Mos 7,1č
Sál 78,55
80,9eč
105,44
Donhan ádjet gieđainat
álbmogiid eret,
muhto min áhčiid
don gilvet dán eatnamii,
don duššadit álbmogiid,
muhto min áhčiid don diktet leavvat.
4
Jos 24,12
44,4 du muođuid čuovga >4,7.Eai sii váldán eatnama mihkiin,
sin iežaset giehta ii addán
sidjiide vuoittu,
muhto du giehta, du fápmu
ja du muođuid čuovga,
dasgo don ráhkistit sin.
5Aivve don leat mu gonagas
ja Ipmil,
don attát Jakobii vuoittu.
6
Du vehkiin mii njeaidit
vašálaččaid,
du nammii mii duolbmat
vuostálastiid.
7
Mun in dorvvas dávgái,
miehkki ii gájo mu.
8Muhto don beasttát min
min vašálaččain,
don bijat
min vašuheddjiid heahpanit.
9Mii rámidit Ipmila álohii,
giitit su nama
agálaš áigái. Sela
10
60,312
74,1
77,8
Almmatge don nordadit min eret
ja bidjet min heahpanit,
it vuolgán min soahteveagaiguin.
11Don bidjet min báhtarit
vašálaččas,
min vašuheaddjit rievidedje min.
12Don dahket min
sin njuovvansávzan,
don biđgejit min álbmogiid gaskii.
13
Don vuvdet iežat álbmoga hálbái,
it dahkan vuoitogávppi.
14
80,7
89,42
Don dahket min bogostahkan ránnjáidasamet,
dat geat ásset min birra,
bilkidit ja hiddjidit min.
15
109,25
Mii leat šaddan
sátnevájasin buot álbmogiidda,
min geažil olbmot bárdet oaivvi.
16Mu heahpat lea álo
čalmmiidan ovddas,
mu ámadadju ruvssoda heahpadis
17go mun šattan guldalit
bilkáriid ja hiddjideddjiid,
go mun oainnán vašálačča
gii hálida mávssahit.
18
Buot dát lea deaividan min,
vaikko mii eat leat vajáldahttán du
eatge rihkkon du lihtu.
19Min váibmu ii leat gáidan dus,
min lávkkit eai leat earránan
du geainnus.
2044,20 dego guovddi ▶ masorehtalaš teavsttas lea “doppe gos šakálat leat”. Gč. Jer 9,11.Almmatge don leat cuvken min
dego guovddi
ja gokčan min
seavdnjadeamos suoivaniin.
21Jos mii livččiimet vajáldahttán
Ipmileamet nama
ja geaigguhan gieđaid
vieris ipmila beallái,
22
almma Ipmil dalle
livččii fuobmán dan?
Sonhan dovdá min váimmu
čiegus jurdagiid.
23
Muhto du dihte mii goddojuvvot
geažos beaivvi,
mii adnojuvvot njuovvansávzan.
24
Gohccá, Hearrá!
Manne don oađát?
Lihka, ale hilggo min agálaš áigái!
25
Manne don čiegat muođuidat,
manne vajáldahtát min heađi
ja áŧestusa?
26Min siellu lea sodjalahtton
muldii,
min rumaš deddojuvvon eatnamii.
27
Čuožžil ja boađe midjiide
veahkkin,
lonis min, donhan leat árbmugas!
Sálbma 45
45145,1 Lilját soaitá leat nuohta namma.Koarrajođiheaddjái. Lávlojuvvo dego “Lilját”. Korahlaččaid oahpahansálbma, ráhkisvuođalávlla.
2Mu váimmus leat dievva
čáppa sánit.
Mun lávllun lávlaga gonagasa gudnin,
mu njuovčča lea dego
čeahpes čálli peanna.
3
Don leat čábbámus
buot olbmuin,
du baksamat sárdnot litna sániid.
Danne Ipmil lea buressivdnidan du
agálaš áigái.
4Čana miehki alimiid birra,
veagalaš,
gárvot allatvuođa ja hearvásvuođa!
5Vuolgge vuoitit, soađa
duohtavuođa ja vuoigatvuođa
ovddas!
Dahkos du olgeš giehta
hirbmatlaš daguid.
6Olbmot gahččet du ovdii,
bastilis njuolat deivet
gonagasa vašálaččaid váibmui.
7
Sál 72,5
89,53037č
Hebr 1,8č
45,7 Ipmil Hebreagiel sátni mii adnojuvvo gonagasa birra dás (muhto ii eará sajis Boares testamenttas), adnojuvvo maiddái moatte háve Mosesa birra (2 Mos 4,16; 7,1), dan birra gii dubme (2 Mos 21,6; 22,8č), ja Davida viesu birra (Sak 12,8). Gč. Jes 9,6 ja Messiasa birra.Du truvdnu, Ipmil, bissu agálaččat,
du gonagassoabbi
lea vuoigatvuođa soabbi.
8
Don ráhkistat vuoigatvuođa
ja vašuhat vearrivuođa.
Dan dihte Ipmil, du Ipmil,
lea vuoidan du ilu oljjuin
eambbo go du láhkásaččaid.
945,9 myrra myrramiestaga njálggahájat sáhppi mii geavahuvvui vuoidasiin ja parfymas. Vrd. 2 Mos 30,23; All 1,13. ▶ myrra. aloe šaddu dahje miestta. Das lea njálgga hádja ja dat geavahuvvui suovasin. Vrd. Sát 7,17; All 4,14. ▶ aloemuorra. kassia kanelamuora njálggahájat lieđit ja lasttat; dat goikaduvvojedje ja adnojuvvojedje suovasin.Myrra, aloe ja kassia hádja
lea buot du biktasiin.
Streaŋggaid šuoŋat
lanjain mat leat čiŋahuvvon
elefántabátnehearvvaiguin,
illudahttet du.
10
Válljejuvvon nissoniiddát
searvvis
leat gonagasa nieiddat,
du olgeš bealde lea dronnet,
Ofira golliiguin čiŋadan.
11Gula, nieiddažan,
guldal ja oahpa!
Vajáldahte iežat álbmoga
ja áhčát soga.
12Gonagas liiko du čábbodahkii,
son lea du hearrá,
gopmir su ovdii.
13
72,1015
Jes 23,818
60,6eč
Tyrosa nieida,
álbmoga riggát dohkkestuvvet
dutnje attáldagaideasetguin.
14Gonagasa nieida
boahtá sisa čábbát čiŋadan,
su bivttas lea čađa gođđojuvvon
golliin.
15Čikŋabiktasat gárvun
son mieđuštuvvo gonagasa ovdii.
Nuorra nieiddat, su ustibat,
bohtet su maŋis.
16Sii láidejuvvojit ovdan
illudemiin ja ávvudemiin,
sii mannet gonagasa šlohttii.
17Du bártnit bohtet áhčiidat sadjái,
don bijat sin oaivámužžan
miehtá máilmmi.
18
Mun divttán du nama beaggit
boahtti buolvvaide,
danin álbmogat rámidit du
álo ja agálaččat.
Sálbma 46
46146,1 Korahlaččaid >42,1. Alamot “nuorra nieiddat”, navdimis nuohta namma.Koarrajođiheaddjái. Korahlaččaid sálbma. “Alamota” mielde.
2
Ipmil lea min dorvu
ja gievravuohta,
min veahkki buot áŧestusain.
3
89,10
93,3č
Danne mii eat bala
vaikko eanan doarggistivččii,
vaikko várit lihkastivčče
meara čiekŋalasas,
4vaikko bárut šávašedje
ja máraidivčče,
vaikko várit doarggistivčče
boršu mearas. Sela
5
Jes 8,6
Esek 47,1eč
46,5 Ipmila gávpoga Jerusalem.Eatnu ja dan jogažat
illudahttet Ipmila gávpoga,
Alimusa bassi ássansaji.
6
Sef 3,17
Sak 2,9
Ipmil lea gasku dan gávpoga,
gávpot ii lihkas.
Ipmil veahkeha dan
go iđedisguovssu badjána.
7
17,12č
Álbmogat máraidit,
riikkat suibbodit,
eanan doarggista
go son diktá jienas jupmat.
8
Hearrá, Almmiveagaid Ipmil,
lea minguin,
Jakoba Ipmil lea
min nana ladni. Sela
9
Bohtet geahččat maid
Hearrá lea dahkan,
su balddihahtti daguid
eatnama alde.
10
Jes 9,5
Son loahpaha sođiid oppa máilmmis,
son doadjá dávggiid,
cuvke sáittiid ja buolláha galbbaid.
11“Bisánehket ja dovddiidehket
ahte mun lean Ipmil,
alit go buot álbmogat,
alimus eatnama alde.”
12Hearrá, Almmiveagaid Ipmil,
lea minguin,
Jakoba Ipmil lea
min nana ladni. Sela
