Davvisámegiel Biibbal 2019 (Biibbal)
42

NUBBI GIRJI

Sálbma 42

42142,1 NUBBI GIRJI Sálmmaid girji lea ▶ masorehtalaš teavsttas juhkkojuvvon viđa váldooassái. Juohke oassi loahpahuvvo buressivdnádusain, vrd. Sál 41,14; 72,18č; 89,53; 106,48; 146–150. Sálmmat 42 ja 43 ledje álgoálggus okta sálbma. Vrd. 42,6.12; 43,5. Korahlaččaid Koraha soga levilaččat geat jođihedje lávluma tempelis. Gč. 2 Muit 20,19.Koarrajođiheaddjái. Oahpahansálbma. Korahlaččaid sálbma.

2Nugo sarvva áibbaša

golgi jogaža čáziide,

nu mu siellu áibbaša du, Ipmil.

3

42,3
63,2
84,3
143,6
Mu siellu goikaluvvá Ipmilii,

ealli Ipmilii.

Goas beasan boahtit tempelii,

goas loaiddastit

Ipmila muođuid ovdii?

4

42,4
79,10
102,10
115,2
Joel 2,17
Gatnjalat leat mu borramuš

ija beaivvi.

Olbmot jearahit mus álo:

“Gos lea du Ipmil?”

542,5 Veagalačča … fárus masorehtalaš teaksta ii leat čielggas.Mun dohppehalan morrašii

go muittašan

mo mun Veagalačča suodjalusas johten

Ipmila vissui illudemiin ja giitimiin

stuorra joavkku fárus

mii lei vádjoleamen doallat basiid.

6

42,6
42,12
43,5
Manne moraštat, mu siellu,

manne leat nu mášoheapme?

Vuordde Ipmila!

Velá oktii mun beasan giitit su,

Ipmila, iežan beasti.

742,7 Jordana ja Hermona eatnamis guovlu Jordana gierragiid lahka Hermonvári vuolde. Misarváris “uhca váráš” dahjege “bávttáš”; lei navdimis seammá guovllus.Mu siellu morašta,

dan dihte mun jurddašan du

Jordana ja Hermona eatnamis,

Misarváris.

8

42,8
69,3
88,8
Čiekŋalas čuorvu čiekŋalassii

go du goržžit šávvet,

buot du siiggát ja bárut

márret mu badjel.

9

42,9
92,3
119,62
Beaivet Hearrá čájeha

iežas árbmugasvuođa,

ihkku mun lávllun su máidnuma

ja rohkadalan mu eallima Ipmila.

10

42,10
43,2
Mun cealkkán Ipmilii, mu báktái:

“Manne don leat vajáldahttán mu?

Manne mun ferten johtit morrašis

go vašálaš áŧesta mu?”

11Mus manná čađa sivu

go mu vašálaččat hiddjidit mu,

go sii álo jearahit mus:

“Gos lea du Ipmil?”

12Manne moraštat, mu siellu,

manne leat nu mášoheapme?

Vuordde Ipmila!

Velá oktii mun beasan giitit su,

Ipmila, iežan beasti.

43

Sálbma 43

431

43,1
26,1
43,1 Sálmmat 42 ja 43 ledje álgoálggus okta sálbma.Atte munnje vuoigatvuođa,

Ipmil, jođit mu ášši

oskkáldasmeahttun álbmoga vuostá.

Gájo mu behtolaš ja bahás olbmuin!

2

43,2
42,10
Don, Ipmil, leat mu suodji.

Manne leat hilgon mu?

Manne mun šattan moraštit,

go vašálaš áŧesta mu?

3Vuolggat iežat čuovgasa ja duohtavuođa,

divtte daid láidet mu du bassi várrái,

ássanbáikásat,

4nu ahte mun oaččun boahtit

du áltára ovdii,

du muođuid ovdii, Ipmil, mu illu ja ávvu,

ja rámidit du lyrain,

Ipmil, mu Ipmil!

5

43,5
42,612
Manne don moraštat, mu siellu,

manne leat nu mášoheapme?

Vuordde Ipmila!

Velá oktii mun beasan giitit su,

Ipmilan, mu beasti.

44

Sálbma 44

441Koarrajođiheaddjái. Korahlaččaid oahpahansálbma.

2

44,2
2 Mos 10,2
5 Mos 6,20č
Sál 78,3
44,2 áhčit áhčči.Ipmil, mii leat gullan

iežamet beljiiguin,

min áhčit leat muitalan midjiide

maid don dahket sin áigge,

don dolin.

3

44,3
2 Mos 15,17
5 Mos 7,1č
Sál 78,55
80,9eč
105,44
Donhan ádjet gieđainat

álbmogiid eret,

muhto min áhčiid

don gilvet dán eatnamii,

don duššadit álbmogiid,

muhto min áhčiid don diktet leavvat.

4

44,4
5 Mos 7,7č
Jos 24,12
44,4 du muođuid čuovga >4,7.Eai sii váldán eatnama mihkiin,

sin iežaset giehta ii addán

sidjiide vuoittu,

muhto du giehta, du fápmu

ja du muođuid čuovga,

dasgo don ráhkistit sin.

5Aivve don leat mu gonagas

ja Ipmil,

don attát Jakobii vuoittu.

6

44,6
18,30+
Du vehkiin mii njeaidit

vašálaččaid,

du nammii mii duolbmat

vuostálastiid.

7

44,7
20,8+
Mun in dorvvas dávgái,

miehkki ii gájo mu.

8Muhto don beasttát min

min vašálaččain,

don bijat

min vašuheddjiid heahpanit.

9Mii rámidit Ipmila álohii,

giitit su nama

agálaš áigái. Sela

10

44,10
43,2
60,312
74,1
77,8
Almmatge don nordadit min eret

ja bidjet min heahpanit,

it vuolgán min soahteveagaiguin.

11Don bidjet min báhtarit

vašálaččas,

min vašuheaddjit rievidedje min.

12Don dahket min

sin njuovvansávzan,

don biđgejit min álbmogiid gaskii.

13

44,13
5 Mos 32,30
Don vuvdet iežat álbmoga hálbái,

it dahkan vuoitogávppi.

14

44,14
79,4
80,7
89,42
Don dahket min bogostahkan ránnjáidasamet,

dat geat ásset min birra,

bilkidit ja hiddjidit min.

15

44,15
22,8
109,25
Mii leat šaddan

sátnevájasin buot álbmogiidda,

min geažil olbmot bárdet oaivvi.

16Mu heahpat lea álo

čalmmiidan ovddas,

mu ámadadju ruvssoda heahpadis

17go mun šattan guldalit

bilkáriid ja hiddjideddjiid,

go mun oainnán vašálačča

gii hálida mávssahit.

18

44,18–19
Job 31,5eč
Buot dát lea deaividan min,

vaikko mii eat leat vajáldahttán du

eatge rihkkon du lihtu.

19Min váibmu ii leat gáidan dus,

min lávkkit eai leat earránan

du geainnus.

2044,20 dego guovddi masorehtalaš teavsttas lea “doppe gos šakálat leat”. Gč. Jer 9,11.Almmatge don leat cuvken min

dego guovddi

ja gokčan min

seavdnjadeamos suoivaniin.

21Jos mii livččiimet vajáldahttán

Ipmileamet nama

ja geaigguhan gieđaid

vieris ipmila beallái,

22

44,22
7,10+
almma Ipmil dalle

livččii fuobmán dan?

Sonhan dovdá min váimmu

čiegus jurdagiid.

23

44,23
Rom 8,36
Muhto du dihte mii goddojuvvot

geažos beaivvi,

mii adnojuvvot njuovvansávzan.

24

44,24
7,7+
Gohccá, Hearrá!

Manne don oađát?

Lihka, ale hilggo min agálaš áigái!

25

44,25
13,2+
Manne don čiegat muođuidat,

manne vajáldahtát min heađi

ja áŧestusa?

26Min siellu lea sodjalahtton

muldii,

min rumaš deddojuvvon eatnamii.

27

44,27
3,825,22
Čuožžil ja boađe midjiide

veahkkin,

lonis min, donhan leat árbmugas!