Davvisámegiel Biibbal 2019 (Biibbal)
37

Sálbma 37

371

37,1
73,3eč
Sát 23,17
24,19
37,1 Sálbma 37 lea alfabehtasálbma. >25,1.Davida sálbma.

Ale moaráhuva baháide,

ale gáđaš vearredahkkiid.

2

37,2
129,6
Sii goldnet fáhkka dego rássi,

goiket nugo ruonas šattut.

3

37,3
Sát 2,21
Dorvvas Hearrái ja daga buori,

de beasat eallit eatnamis

oadjebassan.

4

37,4
21,3
Jes 58,14
Illut Hearrás, de son addá dutnje

maid du váibmu hálida.

5

37,5
22,9
55,23
62,9
Sát 16,3
1 Pet 5,7
Bija iežat geainnu Hearrá háldui,

dorvvas sutnje,

son atná dus fuola.

6

37,6
Jes 58,8
Son diktá du vanhurskkisvuođa

badjánit dego iđitguovssu,

du vuoigatvuođa čuovgat

nugo čuvges beaivi.

7

37,7
62,26
Jes 30,15
Leage jaskat Hearrá ovddas,

vuordde su veahki!

Ale moaráhuva dasa

geas lea lihkku geainnuinis,

dasa gii atná bahás juonaid.

8Heaitte moari, divtte suhtu jávkat.

Ale divtte moarát cahkiidit,

dat buktá aivve bahá.

9

37,9
25,13
Jes 57,13
Dat geat dahket bahá,

duššaduvvojit,

muhto dat geat vurdet Hearrá,

árbejit eatnama.

10

37,10
Job 20,8
Sál 73,20
37,10 ipmilmeahttun hebreagiel sátni sáhttá maid jorgaluvvot “vuoigatmeahttun”.Oanehis bottoža geažes

ipmilmeahttun lea jávkan,

go don geahčat su báikki,

de son ii leat das.

11

37,11
Jes 60,21
Matt 5,5
Muhto vuollegaččat árbejit eatnama,

sii ožžot lihku ja ráfi.

12

37,12
Job 16,9
Sál 35,16
Ipmilmeahttun hutká baháid

vanhurskása vuostá

ja gižaha sutnje bániid.

13

37,13
2,4+
Muhto Hearrá boagusta su,

son oaidná ahte su beaivi boahtá.

14Ipmilmeahttumat rohttejit miehki

ja geldet dávggi

vai besset njeaidit váivváša ja geafi,

vai besset goddit vuoigatlaš olbmuid.

15

37,15
7,16+
Muhto miehkki deaivá

sin iežaset váibmui,

ja sin dávggit doddjojit.

16

37,16
Sát 15,16
16,8
Buoret dat unnánaš

mii vanhurskásis lea

go ipmilmeahttumiid

stuorra riggodat.

17Ipmilmeahttumiid

fápmu cuvkejuvvo,

muhto Hearrá doarju vanhurskásiid.

18Hearrá dovdá

láitemeahttumiid beivviid,

sin árbi bistá agálaš áigái.

19

37,19
33,18č+
Eai sii šatta heahpanit bahás áiggiid,

nealggi áigge sii gallehuvvojit.

20

37,20
1,46
68,3
Muhto ipmilmeahttumat duššet

dego gietti hearvarásit,

Hearrá vašálaččat jávket dego suovva.

21Ipmilmeahttun váldá loanas

iige mávsse,

vanhurskkis lea láđis ja árvvas.

22Dat geaid Hearrá buressivdnida,

árbejit eatnama,

muhto geaid son garuha,

áddjojuvvojit eret.

23Hearrá nanne olbmá lávkkiid,

go son vádjola vuoigadis geainnu.

24

37,24
145,14+
Jos son guossala,

de son ii jorral,

dasgo Hearrá doallá su gieđas.

25Lean leamaš nuorra

ja lean šaddan boarisin,

muhto in goassege leat oaidnán

vanhurskása hilgojuvvon

inge su mánáid gearjideamen láibbi.

26

37,26
41,2
112,5
Sát 14,21
Luk 6,35
Álo son lea váibmoláđis

ja luoiká árvasit,

ja su mánát buressivdniduvvojit.

27

37,27
34,15+
Gáidda bahás ja daga buori,

de don beasat álo ássat

iežat eatnamis.

28Hearrá ráhkista vuoigatvuođa,

ii son hilggo oskkáldas olbmuidis.

Sii várjaluvvojit agálaš áigái,

muhto ipmilmeahttumiid sohka

duššá.

29Vanhurskásat árbejit eatnama,

sii besset ássat das agálaččat.

30

37,30
Sát 10,1131
Vanhurskása njálbmi sárdnu

viissisvuođa,

su njuovčča muitala mii lea riekta.

31

37,31
5 Mos 6,6
Jes 51,7
Jer 31,33
Sus lea váimmus Ipmila láhka,

eaige su lávkkit suoibbo.

32

37,32
7,3+
Ipmilmeahttun olmmoš vuođgŋá

vanhurskása

ja bivdá su heakka.

33

37,33
34,23
Hearrá ii atte su

ipmilmeahttuma gihtii

iige suova su dubmejuvvot

sivalažžan.

34

37,34
27,14+
Vuordde Hearrás veahki,

vádjol su geainnu!

Son alida du,

don árbet eatnama

ja beasat oaidnit

go ipmilmeahttumat duššet.

35Mun oidnen

ipmilmeahttun ja veahkaválddálaš

olbmá faŋkámin

dego Libanona sedermuorra.

36

37,36
Job 20,8
Go mun de mannen

dakko meattá, de son lei jávkan;

mun ohcen su,

muhto in gávdnan.

37Geahčat láitemeahttuma,

dárko vuoigatlačča –

ráfi olbmos lea boahtteáigi!

38

37,38
73,19
Muhto buot suttolaččat duššet,

ipmilmeahttumiid boahtteáigi

botkejuvvo.

39

37,39
3,99,10+
Vanhurskásiid bestojupmi

boahtá Hearrás,

son lea sin nana suodji

áŧestusa áigge.

40Hearrá veahkeha ja gádju sin,

son čoavdá sin

ipmilmeahttumiid gieđas

ja beastá sin,

go sii dorvvastit sutnje.

38

Sálbma 38

381Davida sálbma. Muittuhussan.

2

38,2
6,2+
Hearrá, ale ráŋggáš mu

moaristat,

ale bagat mu suhtustat!

3

38,3
Job 6,4
Sál 7,13+
Du njuolat leat deaivan munnje,

du giehta deaddá mu lossadit.

4Mu rupmašis ii leat

dearvvaš sadji du moari dihte,

mu lahtut eai oaččo mášu

bahás daguidan geažil.

5

38,5
40,13
65,4
Mu suddovealgi badjána

mu oaivvi badjel,

dat lea munnje

menddo lossa noađđi.

6Mu hávit sidjot ja guohcagit

mu jallavuođa dihte.

7

38,7
42,10
Mun lean guvrragan

ja roaŋkkagan,

mun váccán morrašis

geažos beaivvi.

8Mu alimiin vuoissada,

mu rupmašis ii leat

dearvvaš sadji.

9Mun lean vuoimmehuvvan

ja cuvkejuvvon,

mun vuobaidan,

mu váibmu luoibmá.

10

38,10
2 Mos 2,4
6,5
Hearrá, don dovddat

buot mu áibbašeami,

don gulat mu šuohkkima.

11Mu váibmu julká,

mu vuoibmi lea nohkan,

velá mu čalmmiid čuovganai

lea jávkan.

12

38,12
Job 19,13č
Sál 31,12
69,9
88,919
142,5
Mu ustibat ja fuolkkit

garvet mu mu givssi dihte,

mu lagaš olbmot čužžot gáidagasas.

13Dat geat bivdet mu heakka,

bidjet gielaid mu ovdii,

dat geat dáhttot munnje bahá,

vigget heavahit mu.

Sii hutket gávvilis juonaid

geažos beaivvi.

14

38,14
39,3
Jes 53,7
Mun lean dego bealjeheapme,

in gula maidege, nugo gielaheapme,

in rabas njálmmi.

15Mun lean dego olmmoš

gii ii gula,

nugo dakkár gii ii máhte vástidit.

16

38,16
39,8
62,6
71,5
Hearrá, du veahki mun vuorddán.

Hearrá, mu Ipmil,

don vástidat munnje.

17Mun cealkkán:

Ale divtte mu vašálaččaid illudit

ja čeavllastallat

go mun suoibbun.

18Dasgo mun lean goasii gahččamin,

mus leat álo bákčasat.

19

38,19
32,5+
Mun dovddastan

iežan vearredagu,

mun moraštan suttuidan.

20Mu vašálaččat leat veagalaččat,

eatnagat vašuhit mu

almmá siva haga.

21

38,21
35,12
109,5
Sii mávssahit buori baháin,

sii vuostálastet mu

danne go mun váinnuhan buori.

22

38,22
22,12+
Hearrá, ale guođe mu!

Ipmilan, ale leage nu guhkkin!

23Gáhča veahkehit mu,

Hearrá, mu beasti!

39

Sálbma 39

39139,1 Jedutun jáhkkimis okta dan golmma levilaččas geaid David bijai jođihit lávluma ja musihka. Vrd. 1 Muit 16,41č; 2 Muit 5,12.Koarrajođiheaddjái. “Jedutuna” mielde. Davida sálbma.

2

39,2
141,3
Mun jurddašin:

Mun gáhtten iežan vádjolusa,

aman suddudit njuokčamiin.

Mun lohkkadan njálmmi

ja orun jávohaga

nu guhká go ipmilmeahttumat

leat gullanmuttus.

3Nu mun jávohuvven ja jaskkodin,

mun orron jávohaga,

muhto duššás.

Mu bávččas vearránii,

4mus váibmu báhkkanii,

mun šuhkken, mu váibmu

bulii dego dolla.

Dalle mun sárdnugohten:

5Hearrá, oahpat mu muitit

iežan loahpa,

ahte mu beivviid lohku lea unni,

vai mun áddešin man nohkavaš

mun lean.

6

39,6
Job 7,7
14,2
Sál 62,10
89,48
90,5č
94,11
Dušše čorpma dievva

beivviid don addet munnje,

mu eallináigi lea du čalmmiin

dego dušši.

Olmmoš lea dego jiella, Sela

7

39,7
49,18
Sárd 2,18č
son jávká nugo suoivvan.

Dušše jiella leat dávvirat

maid son čobme,

ii son dieđe gii daid oččoš.

8

39,8
38,16+
Hearrá, maid mun vel vuorddán?

Aivve dutnje mun bijan iežan doaivvu.

9Čoavdde mu buot mu rihkkumiin,

ale suova jallaid bilkidit mu.

10Mun jávohuvan inge rabas njálmmi,

don diktet nu šaddat.

11Váldde eret dan givssi

maid leat bidjan mu guoddit,

mun duššan go don časkkát mu.

12Go don bagadat ja ráŋggáštat

olbmo su suttu dihte,

dalle don loavttát dego muohcu

buot maid son ráhkista.

Olmmoš lea dušše jiella. Sela

13

39,13
1 Mos 47,9
3 Mos 25,23
1 Muit 29,15
Sál 119,19
Gula mu rohkosa, Hearrá,

guldal mu čuorvasa.

Ale oro jávohaga go mun čierun.

Dasgo mun lean vieris du luhtte,

guossi nugo buot mu áhčitge.

14

39,14
Job 10,20
14,6
Jorgal mus eret iežat geahčastaga,

vai beasan illudit

ovdal go vuolggán eret

inge leat šat.