Davvisámegiel Biibbal 2019 (Biibbal)
29

Sálbma 29

291

29,1
96,7č
103,20č
Jes 6,2č
29,1 ipmiliid bártnit almmálaš sivdnádusat mat leat Ipmila lahka. Gč. Job 1,6.Davida sálbma.

Gudnejahttet Hearrá,

ipmiliid bártnit,

addet Hearrái gudni ja fámu!

2Gudnejahttet Hearrá nama,

luoitádehket Hearrá muođuid ovdii

bassi čikŋabiktasat gárvun!

3

29,3
Job 37,2eč
Hearrá jietna čáziid badjel!

Gudni Ipmil čeargu,

Hearrá čeargu stuorra čáziid badjel.

4

29,4
Jes 30,30č
Hearrá jietna lea fámolaš,

Hearrá jietna lea hearvái.

5Hearrá jietna cuvke sederiid,

Hearrá ludde

Libanona sedermuoraid.

629,6 Sirjonvári Hermonvárri. Vrd. 5 Mos 3,8č.Son bidjá Libanona

njuikkodit dego gálbbi,

Sirjonvári dego meahcivuovssá.

7Hearrá jietna časká

dollanjuokčamiid,

8

29,8
5 Mos 1,19
su jietna doarggistahttá meahci,

son bidjá Kadešmeahci doarggistit.

9Hearrá jietna bidjá áldduid guoddit,

dat gaiku vuovddi báljisin.

Buot su tempelis čuorvu: “Gudni!”

10

29,10
9,8+
29,10 almmiábi hebreagillii dát lea seammá sátni go “stuorra dulvi”. Gč. 1 Mos 6,17.Hearrá truvdnu lea almmiábi alde,

son ráđđe gonagassan agálašvuhtii.

11Hearrá addá álbmogasas fámu,

Hearrá buressivdnida

iežas álbmoga ráfiin.

30

Sálbma 30

301Davida sálbma. Tempela vihahanávvudeami lávlla.

2

30,2
18,17
Mun máinnun du, Hearrá,

dasgo don gesset mu

bajás čiekŋalasas,

it diktán mu vašálaččaid illudit.

3

30,3
103,3
147,3
Hearrá, Ipmilan,

mun čurvon du,

ja don dearvvasmahttet mu.

4

30,4
56,4
86,13
Hearrá, jábmiidáimmus

don loktejit mu,

addet munnje eallima

ja gádjot mu hávddis.

5

30,5
32,11
33,1
97,12
Lávlot Hearrái, dii su oskkáldasat,

máidnot su bassi nama.

6

30,6
Jes 54,7
Joh 16,20
Čalbmeravkalanbotta bistá su moarri,

oppa eallináiggi bistá su árbmu.

Eahkedis čierrun boahtá guossái,

muhto iđedis ávvulávlla.

7Go mun dovden iežan oadjebassan,

de mun jurddašin:

“Mun in suoibbo goassege.”

8Hearrá, árpmustat

don ledjet veahkehan mu dorvui várrái,

muhto go don čihket muođuidat,

de mun suorganin.

9Hearrá, dalle mun čurvon du,

dus, Hearrán, mun átnon njuorrasit:

10

30,10
6,6+
Mii ávkkiid lea das

ahte mun jámán,

das ahte mun manan hávdái?

Sáhttábat muolda máidnut du,

gulahago dat du oskkáldasvuođa?

11Hearrá, gula mu,

leage munnje árbmugas.

Hearrá, leage don mu veahkeheaddji!

12

30,12
Jes 25,8č
61,3
30,12 morašbiktasiid roavva tekstiila mii lea duddjojuvvon guolggas, morraša dahje gáhtamuša mearka. ▶ moraštanvierut.Don jorgalit

mu morašteddjiid čierrumiid dánsumin,

nullet mus morašbiktasiid

ja gárvvuhit munnje ilu.

13Danne mun lávllun dutnje

máidnuma,

mun in jávohuva goassege.

Hearrá, Ipmilan,

mun rámidan du agálaččat.

31

Sálbma 31

31131,1 Koarrajođiheaddjái >4,1.Koarrajođiheaddjái. Davida sálbma.

2

31,2
25,2+
Hearrá, dutnje mun dorvvastan,

ale divtte mu goassege

šaddat heahpadii.

Don leat vanhurskkis, beastte mu.

3

31,3
9,10+
Jorgal bealji mu beallái,

doama gádjut mu!

Leage mu bákti gosa sáhtán báhtarit,

ladni gos mun gávnnan bestojumi.

4

31,4
18,323,3
Don leat mu bákti ja ladni,

namat dihte don láidet

ja oahpistat mu.

5

31,5
25,15+
Don gálggat mu fierpmis

maid vašálaččat bidje mu ovdii.

Don leat mu suodji.

6

31,6
Luk 23,46
Apd 7,59
Du gihtii mun attán vuoigŋan,

don lonistat mu, Hearrá,

don oskkáldas Ipmil.

7

31,7
5 Mos 4,28
Jer 10,14č
Jona 2,9
Mun vašuhan daid geat bálvalit

vearri ja duššálaš ipmiliid.

Mun dorvvastan dutnje, Hearrá.

8Mun ávvudan ja illudan

du árbmugasvuođas,

dasgo don leat oaidnán mu heađi

ja veahkehan mu mu áŧestusas.

9

31,9
18,37
Don it addán mu vašálačča gihtii,

muhto bidjet mu julggiid jalgadassii.

10

31,10
Job 17,7
Sál 6,8
Hearrá, leage munnje árbmugas,

mun lean heađis.

Bahča moraš lea sotnadan

mu čalmmiid,

mu siellu ja rumaš lea váiban.

11Mu eallin vássá morrašis,

mu jagit jávket šuohkkimiin.

Mu fápmu nohká heađi geažil,

mu dávttit sotnet.

12

31,12
38,12+
Mun bilkiduvvon,

mun lean váivin

siidaguimmiidasan.

Mun lean šaddan balddonassan

oahppásiiddásan,

dat geat oidnet mu gáhtas,

báhtarit mus.

13Mun lean vajálduhttojuvvon

dego livččen jápmán,

mun lean nugo cuovkanan lihtti.

14

31,14
83,4
Jer 20,10
Mun gulan olbmuid savkkuheamen.

Mu birra leat balddonasat,

sii lihtodit mu vuostá

ja vigget goddit mu.

15

31,15
22,11
118,28
140,7
Hearrá, mun dorvvastan dutnje,

mun cealkkán: Don leat mu Ipmil.

16

31,16
139,16
Mu eallinbeaivvit leat du gieđas,

gájo mu vašálaččain geat

doarrádallet mu.

17

31,17
4 Mos 6,25
Sál 67,2
31,17 Divtte du muođuid čuovgat >4,7.Divtte du muođuid čuovgat

bálvaleaddjásat,

don leat árbmugas, beastte mu.

18

31,18
6,11+
Hearrá, ale divtte mu šaddat heahpanit

go mun čuorvvun du.

Divtte ipmilmeahttumiid heahpanit

ja mannat jávohaga

jábmiidáibmui.

19Vare jávohuvaše gielis baksamat

mat roavvásit sivahallet vigiheami

ja badjelgeahččamiin sárdnot

vanhurskása vuostá.

20

31,20
36,8
57,2
Man stuoris lea du buorrevuohta

maid leat vurken daid várás

geat ballet dus!

Olbmuid oaidnut don čájehat

buorrevuođa daidda geat

dorvvastit dutnje.

21

31,21
27,5
Don čiegat sin suodjásat,

válddát sin dorvui goahtásat.

Dohko eai olat olbmuid juonat

eaige sivahalli ságat.

22Máidnojuvvon lehkos Hearrá!

Son čájehii munnje ovddolaš buorrevuođa

go mun ledjen heađis.

23

31,23
Jes 38,11
Jona 2,5
Mun jurddašin balus:

“Mun lean nordaduvvon eret

du čalmmiid ovddas.”

Muhto don gullet mu njuoras rohkosa

go mun čurvon dutnje.

24

31,24
18,28
Ráhkistehket Hearrá,

buot su bálvaleaddjit!

Hearrá várjala oskkáldas olbmuidis,

muhto mávssaha ollásit

daidda geat čevllohallet.

25

31,25
27,14
Lehket dorvvolaččat ja gievrrat,

dii buohkat geat vuordibehtet Hearrá!