Davvisámegiel Biibbal 2019 (Biibbal)
21

Sálbma 21

211Koarrajođiheaddjái. Davida sálbma.

2

21,2
63,12
Hearrá, du fápmu

illudahttá gonagasa,

son ávvuda sakka du bestojumis.

3

21,3
20,5č
Masa su váibmu hálidii

dan don addet sutnje,

it biehttalan sus

maid su baksamat átno. Sela

4

21,4
132,18
Don addet sutnje

buressivdnádusa ja oasálašvuođa,

bidjet su oaivái gollekruvnnu.

5

21,5
18,51+
Son ánui dus eallima,

ja dan don sutnje addet,

guhkes eallima,

eallinjagiid lohkameahttun ollu.

6Du veahkki dahká

su gudni stuorisin,

don addet sutnje allatvuođa

ja hearvásvuođa.

7

21,7
45,3
72,17
Don attát sutnje

agálaš buressivdnádusa,

deavddát su iluin muođuidat ovddas.

8Go gonagas dorvvasta Hearrái,

de son ii lihkahuvvo,

dasgo Alimus lea oskkáldas.

9Du giehta fáhte buot vašálaččaidat,

du olgeš giehta deaivá daid

geat vašuhit du.

10

21,10
97,3
Mal 4,1
Don bijat sin dego dollaommanii,

go sii oidnet du muođuid.

Hearrá loaktá sin moaristis,

dolla njielasta sin.

11

21,11
109,13
Don duššadat sin mánáid eatnamis,

sin náli olbmuid gaskkas.

12Sii smihttet baháid du vuostá,

sii hutket juonaid,

muhto dat eai lihkostuva.

13Don gealddát dávggi sin njeaiga,

don áját sin báhtarussii.

14Čuožžil, Hearrá, čájet gievravuođat!

Mii máidnut du stuorra fámu

lávlumiin ja čuojahemiin.

22

Sálbma 22

22122,1 Iđedisgukso goddeáldu jáhkkimis nuohta namma.Koarrajođiheaddjái. Dego “Iđedisgukso goddeáldu”. Davida sálbma.

2

22,2
Matt 27,46
Ipmilan, Ipmilan,

manne leat mu guođđán?

Mun váidalan heađistan,

muhto don leat guhkkin.

3

22,3
Job 30,20
Sál 88,2
Váid 3,8
Hab 1,2
Ipmilan, mun čuorvvun du beaivet,

muhto don it vástit,

ja ihkku, inge oaččo mášu.

422,4 don … badjánit Vrd. 80,2; 99,1; Jes 6,1eč.Dattetge don leat bassi,

du truvdnui badjánit

Israela rámáduslávlagat.

522,5 áhčit áhčči.Dutnje dorvvastedje min áhčit,

dutnje sii dorvvastedje,

ja don bestet sin.

6

22,6
107,6
Sii čurvo du, ja don gádjot sin,

sii dorvvastedje dutnje

eaige beahtahallan.

7

22,7
Jes 49,7
53,3
Muhto mun lean máhtu inge olmmoš,

juohkehaš bilkida mu,

olbmot badjelgehččet mu.

8

22,8
Matt 27,39
Buohkat geat oidnet mu,

bilkidit mu,

sii njezzot, bárdet oaivvi ja dadjet:

9

22,9
37,5Matt 27,43
“Son lea dorvvastan Hearrái,

gádjos dal Hearrá su.

Bestos Hearrá su, go juo ráhkista su!”

10

22,10
71,6
Donhan gesset mu eatni goaŧus,

don diktet mu orrut oadjebassan

eatni ratti vuostá.

11Riegádeami rájes mu eallin

lea leamaš du gieđas,

eatni goaŧu rájes don

leat leamaš mu Ipmil.

12

22,12
35,22
38,22
71,12
Ale leage guhkkin,

dasgo áŧestus lea mu lahka,

iige oktage veahket mu.

1322,13 Bašan šattolaš guovlu, sullii seammá go dálá Golan, mii lei dovddus stuorra gávpogiid, nana muoraid ja gievrras šibihiid dihte. Gč. Am 4,1.Mu birra leat eatnat vuovssát,

Bašana burrut birastahttet mu.

14

22,14
17,12
57,5
Dat cagget munnje njálmmi

dego gaikkodeaddji, čeargu ledjonat.

15Mu fápmu golgá eatnamii dego čáhci,

buot mu dávttit luovvanit.

Mu váibmu lea dego gáhčči,

dat suddá rattistan.

16Mu čotta lea goikan

dego láirálihttebihttá,

mu njuovčča darvánaddá guopmái.

Don bijat mu jápmima muldii.

1722,17 sii ráiget masorehtalaš teaksta ii leat čielggas. Soaitá maid jorgaluvvot “sii čatnet”, ▶ masorehtalaš teavsttas lea “dego ledjon”.Beatnagat birastahttet mu,

veahkaválddálaččat čohkiidit mu birra,

sii ráiget mu gieđaid ja julggiid.

18Mun sáhtán lohkat buot dávttiidan.

Olbmot gávket, sii gehččet munnje.

19

22,19
Matt 27,35
Sii juogadit gaskaneaset mu biktasiid

ja vuorbádit mu gárvvu.

20

22,20
38,23
71,12
Hearrá, ale leage mus guhkkin,

mu gievravuohta, doama veahkehit mu!

21

22,21
35,17
Gájo mu miehkis,

gájo mu divrras heakka beatnagiin!

22Beastte mu ledjona njálmmis,

beastte mu meahcivuovssáid čorvviin!

23

22,23
26,12
35,18
40,10č
Hebr 2,12
Mun gulahan du nama vieljaidasan,

máinnun du searvegottis:

24

22,24
15,4
“Máidnot Hearrá,

dii geat ballabehtet Hearrás,

Jakoba nálli, gudnejahte su!

Bala sus, Israela nálli!

25

22,25
9,13+
Ii son badjelgeahččan váivváša

iige fasttášan vártnuheami

vártnuhisvuođa.

Ii son čiehkan sus muođuidis,

muhto gulai go son čuorvvui veahki.”

26

22,26
22,2366,13č
116,14
Dus boahtá mu rámáduslávlla,

go mun rámidan du stuorra čoakkalmasas.

Mun ollašuhtán lohpádusaidan

daid čalmmiid ovddas geat ballet dus.

27

22,27
69,33
Jes 65,13č
Váivvášat borret ja gallánit,

dat geat ohcet Hearrá, rámidit su.

Ellos din váibmu agálaš áigái!

28

22,28
72,11
86,9
102,22č
Muitoset buot eatnama ravddat

Hearrá daguid

ja jorgalehkoset Hearrá beallái,

gopmirdehkoset sutnje

buot álbmogiid sogat,

29

22,29
47,9
96,10
dasgo gonagasváldi gullá Hearrái.

Son ráđđe álbmogiid.

30

22,30
Fil 2,10
Gopmirdehkoset sutnje

buot eatnama válddálaččat,

sojaldahttoset čippiid sutnje

buohkat geat njidjet muldii.

Muhto mun ealán Hearrái,

31

22,31
102,19
mu mánát bálvalit su

ja muitalit su daguid

boahtti buolvvaide.

32Ođđa buolvvaide sii gulahit

Hearrá vanhurskkisvuođa,

dasgo son lea dahkan dán.

23

Sálbma 23

231

23,1
1 Mos 48,15
Sál 34,10
80,2
Jes 40,11
Joh 10,11eč
Davida sálbma.

Hearrá lea mu báimman,

ii mus váillo mihkkege.

2Son livvuda mu ruonas gittiide,

son láide mu

vuoiŋŋadusa čáziid lusa.

3

23,3
31,4
106,8
Son áhpásmahttá mu sielu,

son láide mu

vanhurskkisvuođa bálgáid mielde

namas dihte.

423,4 jápminsuoivana leagis sáhttá maid jorgaluvvot “seavdnjadeamos leagis”.Jos mun velá vádjolivččen

jápminsuoivana leagis,

de in mun bala mange bahás,

dasgo don leat mu mielde.

Du soabbi, du báimmansoabbi jeđđe mu.

5

23,5
92,11
Don ráhkadat munnje beavddi

mu vašálaččaid čalmmiid ovdii.

Don vuoiddat mu oaivvi oljjuin,

ja mu juhkanlihtti golgá badjel.

6

23,6
15,1+
Aivvefal buorrevuohta

ja árbmugasvuohta čuovvu mu

buot mu eallinbeivviid,

ja mun beasan ássat Hearrá viesus

nu guhká go ealán.