Davvisámegiel Biibbal 2019 (Biibbal)
17

Sálbma 17

171

17,1
18,2125
Davida rohkadus.

Hearrá, gula mu vuoigatlaš ášši,

fuomáš go mun čuorvvun.

Guldal mu rohkadusa – dat boahtá

vuoigadis baksamiin.

2Dus mun vuorddán vuoigatvuođa.

Du čalmmit oidnet mii lea duohta.

3

17,3
7,10+
Don geahččalat mu váimmu,

iskkadat dan ihkkunai,

don guorahalat mu,

muhto it gávnna mus vearrivuođa.

Mun in suddut njálmmiinan

4olbmuid láhkái.

Du sáni mielde mun lean váruhan

veahkaválddálaččaid bálgáin.

5

17,5
Job 23,11
Mun lean vádjolan du luottaid,

mu juolggit eai leat suibbodan.

6Mun čuorvvun du, Ipmil,

ja don vástidat munnje.

Guldal mu, gula mu sániid,

7čájet munnje iežat ovddolaš

buorrevuođa.

Don beasttát olgeš gieđainat

daid geat báhtarit vašálaččain

ja ohcet suoji du luhtte.

8

17,8
5 Mos 32,10č
Sál 36,8
57,2
61,5
63,8
91,4
Sak 2,12
Várjal mu dego čalbmegáhkát,

čiega mu soajáidat suoivanii

9ipmilmeahttumiin

geat fallehit mu,

jápminvašálaččain

geat birastahttet mu.

10Sii leat garradan váimmuset

ja váldán njálbmái čeavlás sániid.

11Dál sii birastahttet mu

gosa ain manan,

sii fáktejit mu

ja dáhttot časkit mu eatnamii.

12

17,12
7,3+
Sii leat dego gaikkodeaddji

nealgeledjon,

nugo vuođgŋi beahtu.

13

17,13
3,8+
Čuožžil, Hearrá!

Vuosttil vašálačča ja časkke su eatnamii!

Beastte mihkiinat mu heakka

ipmilmeahttumis.

14Hearrá, beastte mu gieđainat

dán máilmmi olbmuin,

dain geat leat ožžon

bálkkáset dán eallimis.

Muhto gallet daid

geaid don suodjalat,

divtte sin gallánit

ja guođđit valljugasvuođa

mánáidasaset.

15

17,15
Job 19,27
Sál 16,111 Joh 3,2
Mun beasan oaidnit du muođuid

danne go mun lean vuoiggalaš.

Go gohccán, de mun gallánan

du muođuid oaidnimiin.

18

Sálbma 18

181

18,1
2 Sam 22,1eč
Koarrajođiheaddjái. Davida, Hearrá bálvaleaddji, sálbma. Dán David lávllui Hearrái, go Hearrá lei gádjon su Saula ja buot vašálaččaid gieđas.

2

18,2
46,2
Hearrá, du mun ráhkistan,

don leat mu fápmu.

3

18,3
3,4Sál 19,15
28,1
31,4
62,38
73,26
91,2
94,22
144,2
Hearrá, mu bákti ja mu ladni,

mu beasti, mu Ipmil, mu várri

gosa mun báhtaran, mu galba,

mu bestojumi čoarvi ja suodji.

4Mun čurvon Hearrá

guhte lea máidnojuvvon,

son besttii mu mu vašálaččain.

5

18,5
55,5č
116,3
Jápmima báttit čavge mu birra,

heavahusa rávnnjit

suorggahedje mu.

6Jábmiidáimmu čatnasat

giessasedje mu birra,

mu ovddas ledje jápmima gielat.

7

18,7
Jona 2,8
Áŧestusastan mun čurvon Hearrá,

mun čurvon Ipmilasan.

Son gulai mu jiena tempelisttis,

mu čuorvvas bođii su beljiide.

8

18,8
Duop 5,4č
Sál 68,8č
97,2eč
Dalle eanan doarggistii

ja sparaidii,

váriid vuođđudusat lihkadedje,

su moarri doarggistahtii daid.

9Suovva badjánii su njunis,

duššadeaddji dolla su njálmmis,

son rusui čuotnamiid ja hilaid.

10Son sojahii almmi ja njiejai,

seavdnjatvuohta julggiid vuolde.

11

18,11
80,2
99,1
104,3
Son girddii keruba alde,

biekka soaját dolvo su hoahpus.

12

18,12
97,2
Son dagai

seavdnjadasa čiehkánis,

suhkkes arvebalvvaid

iežas govččasin.

13Su báitima ovddas manne balvvat,

čuorbmasat ja áhcagas hilat.

14

18,14
29,3
Hearrá čearggui almmis,

Alimus divttii jienas gullot

čuorbmasiid ja áhcagas hilaid siste.

1518,15 njuolaidis álddagasat. Gč. 144,6.Son bážii njuolaidis

ja biđgii vašálaččaid,

son balddii sin álddagasaiguin.

16Mearrabotni rokkit ihte,

eatnama vuođđudusat bohte oidnosii

go don áitet, Hearrá,

go du moari riđđu bosui dan badjel.

17

18,17
144,7
Son geigii allagasas gieđa

ja dohppii mu,

son gesii mu bajás čiekŋalis čáziin.

18Son gájui mu

fámolaš vašálaččain,

vuostálastiin geat ledje munnje

menddo gievrrat.

19Sii fallehedje mu

mu lihkuhisvuođa beaivvi,

muhto Hearrá bođii munnje doarjjan.

20

18,20
31,9
118,5
Son buvttii mu friddjavuhtii

ja besttii mu,

dasgo son ráhkista mu.

21Hearrá mávssii munnje

mu vuoigatvuođa mielde,

son bálkkašii mu danne go

mu gieđat leat buhttásat.

22

18,22
37,34
Jes 2,3
Munhan ledjen vádjolan

Hearrá geainnuid

inge lean bahávuođas gáidan Ipmilis.

23

18,23
119,102
Buot su lágaid

mun lean atnán čalmmiid ovddas,

mun in leat hilgon su báhkkomiid.

24

18,24
5 Mos 18,13
Mun lean leamaš

láitemeahttun su ovddas,

mun lean váruhan suddudeames.

25

18,25
1 Sam 26,23č
Hearrá mávssii munnje

mu vuoigatvuođa,

son oinnii ahte mu gieđat

leat buhttásat.

26Don leat oskkáldas oskkáldassii

ja vuoigatlaš vuoigatlažžii.

27

18,27
2 Sam 22,27
Sál 146,9
Sát 3,34
Don leat buhtis buhttásii

muhto nággár dasa gii lea nággár.

28

18,28
Sát 29,23
Jes 2,11
Luk 1,51č
Don beasttát vártnuhemiid,

muhto vuolidat daid geain leat

gorges čalmmit.

29

18,29
112,4
Hearrá, don divttát

mu lámppá čuovgat,

mu Ipmil čuvge mu seavdnjatvuođa.

30

18,30
44,6
60,14
Du vehkiin mun fallehan

soahteveaga,

Ipmilan vehkiin mun njuiken

muvrra badjel.

31

18,31
12,7+
Ipmila geaidnu lea ollis,

Hearrá sátni lea buhtis.

Dego galba son suodjala daid

geat dorvvastit sutnje.

32

18,32
5 Mos 32,4
Sál 92,16
Jes 44,8
Gii lea Ipmil juos ii Hearrá,

gii lea bákti juos ii min Ipmil?

33Ipmil vearjuda mu fámuin,

son dahká mu vádjolusa

láitemeahttumin.

34

18,34
Hab 3,19
Son dahká mu julggiid

fallin dego sarvvaálddu juolggit

ja addá munnje coavcci alážiin.

35

18,35
144,1
18,35 veaikedávggi dávgi mii lea gievruduvvon dahje čiŋahuvvon veikkiin.Son oahpaha mu gieđaid soahtat,

son máhttáha mo gealdit veaikedávggi.

36

18,36
63,9+
Don attát munnje

bestojumát galbba,

don doarjjut mu olgeš gieđainat.

Don gulat mu rohkosa

ja dagat mu stuorisin.

37

18,37
31,9
Don rabat luotta mu lávkkiide,

mu láhpelađđasat eai vealčas.

38Mun doarridan vašálaččaidan

ja jovssan sin,

mun in jorggit ovdal go lean

duššadan sin.

39Mun cuvken sin,

nu ahte sii eai sáhte čuožžilit.

Sii gahččet mu julggiid vuollái.

40Don vearjudat mu soahtái,

don bágget mu vuostálastiid

vuollánit.

41Don áját mu vašálaččaid báhtui,

mun loahpahan daid

geat vašuhit mu.

42

18,42
Sát 1,28
Jes 59,2
Jer 11,11
Am 8,11č
Sii čurvot,

muhto ii oktage gájo sin,

sii čurvot Hearrái,

muhto son ii vástit sidjiide.

43Mun cuvken sin gavjan biggii,

duolmman sin dego bálgáid stánžži.

44Don gádjot mu

stuibmideaddji álbmogiin,

don bidjet mu

álbmogiid oaivámužžan.

Vieris álbmot ferte bálvalit mu,

45sii jeagadit ovdal go

mun oppa gohčunge sin.

Amas olbmot dohkkestuvvet munnje.

46

18,46
Mi 7,17
Sii leat fámohuvvan,

doarggistemiin sii bohtet olggos

ladniineaset.

47Hearrá eallá!

Rámiduvvon lehkos mu bákti!

Leage aliduvvon,

mu bestojumi Ipmil!

48

18,48
47,4
Ipmil diktá mu mávssahit,

son bidjá álbmogiid mu julggiid vuollái.

49Don čoavddát mu vašálaččainan,

loktet mu mu vuostálastiid

bajábeallái,

don gájut mu veahkaválddálaččaid gieđas.

50

18,50
57,10
Rom 15,9
Danne mun rámidan du

álbmogiid gaskkas, Hearrá,

mun lávllun du nama máidnuma.

51

18,51
2 Sam 7,12eč
Sál 20,7
21,5
28,8
61,7č
89,4č
Son addá gonagassasis

stuorra vuoittuid,

son lea oskkáldas

dasa gean lea vuoidan,

Davidii ja su nállái, agálaččat.

19

Sálbma 19

191Koarrajođiheaddjái. Davida sálbma.

2

19,2
8,297,6
Albmi gulaha Ipmila hearvásvuođa,

gomuvuohta muitala

maid su gieđat leat dahkan.

3Beaivi doalvu das sága beaivái,

idja addá dieđus nuppi idjii.

4Dat ii leat sárdnun, eai sánit,

dan jiena ii sáhte gullat.

5

19,5
Rom 10,18
Liikká dat sáhka viidána

miehtá eatnama,

duođaštus ollá máilmmi geahčái.

Dohko son lea ceggen beaivvážii goađi.

6

19,6–7
Sárd 1,5
Beaivváš badjána dego irgi

headjagoađistis,

illuda dego valli viehkat

geainnus mielde.

7Almmiravddas dat vuolgá

ja gávvá gitta nuppi ravdii,

ii mihkkege báze čihkosii

dan báitimis.

8

19,8
93,5
111,7
119,105130
2 Tim 3,15č
Hearrá láhka lea ollislaš,

dat arvvosmahttá sielu.

Hearrá oahppa lea luohtehahtti,

dat addá viisodaga ovttageardásažžii.

9

19,9
13,4
Hearrá gohččumat leat vuoigadat,

dat addet ilu váibmui.

Hearrá báhkkomat leat čielgasat,

dat addet čuovgga čalmmiide.

10Hearrá sánit leat buhttásat,

dat bistet agálaččat.

Hearrá mearrádusat leat nannosat,

dat buot leat vuoigatlaččat.

11

19,11
119,72103127
Dat leat mávssoleappot go golli,

go buhtis golli eatnatvuohta,

njálgábut go honnet

mii goaiku gáhkuin.

12

19,12
3 Mos 18,5
26,3eč
Du bálvaleaddji doahttala

du báhkkomiid bagadusa.

Gii dan doallá

oažžu stuorra bálkká.

13Gii fuomáša buot meaddádusaidis?

Atte munnje ándagassii suttuidan,

daidge maid ieš in dieđe.

14

19,14
119,133
Várjal bálvaleaddját

heahpatlaš suttuin,

vai dat eai ráđđeše mu.

Dalle lean láitemeahttun,

sivaheapme stuorra rihkkumiidda.

15

19,15
18,3104,34
119,108
Váldde bures vuostá mu sániid,

suova mu váimmu jurdagiid

boahtit du muođuid ovdii,

Hearrá, mu bákti ja mu lonisteaddji!