Davvisámegiel Biibbal 2019 (Biibbal)
148

Sálbma 148

1481Halleluja!

Máidnot Hearrá, dii geat lehpet almmis,

máidnot su allagasas!

2

148,2
29,1č+
Máidnot su, buot su eŋgelat,

máinno su, oppa almmi veahka!

3Máidnot su, beaivváš ja mánnu,

máidnot su, čuovgi násttit!

4

148,4
8,2+
148,4 čázit Vrd. 1 Mos 1,6–8.Máidnot su, almmiid almmit

ja čázit almmi gomuvuođa badjelis!

5

148,5
33,9+
Máidnoset dat Hearrá nama,

dasgo son gohčui, ja dat sivdniduvvojedje.

6

148,6
Jer 31,35č
33,25
Son bijai daid sadjáseaset agálaš áigái,

son mearridii daidda lágaid mat eai lihkkas.

7Máidnot Hearrá eatnama alde,

mearraeallit ja meara čiekŋalasat,

8

148,8
104,4
dolla ja čuorbmasat, muohta ja mierká,

don riđđu mii doaimmahat su sáni,

9várit ja dievát,

šattosmuorat ja sederat,

10

148,10
150,6
meahcispiret ja šibihat,

njoammut ja almmi lottit,

11buot eatnama gonagasat ja álbmogat,

buot dan oaivámuččat ja duopmárat,

12nuorra olbmát ja nieiddat,

boarrásat ja nuorat!

13

148,13
8,2
Máidnoset buot dat Hearrá nama,

dasgo aivve su namma lea aliduvvon,

su allatvuohta lea almmi ja eatnama badjel.

14Son lea dahkan álbmogis fámolažžan,

gudnin buot su ipmilbalolaččaide,

Israelii, dan álbmogii mii lea su lahka.

Halleluja!

149

Sálbma 149

1491Halleluja!

Lávlot Hearrái ođđa lávlaga,

čoagganehket rámidit su,

dii geat sus ballabehtet!

2Illudehkos Israel sivdnideaddjistis,

ávvudehkoset Siona mánát iežaset gonagasas,

3

149,3
33,2+
máidnoset su nama dánsumiin,

rámidehkoset su rumbbuin ja lyrain!

4

149,4
147,611
Hearrá ráhkista iežas álbmoga,

son čiŋaha vártnuhemiid bestojumiin.

5

149,5
30,5+
Illudehkoset oskkáldasat ávvudemiin,

čurvoset ilus vel oađđinsajisteasetge!

6Sin njálmmis čuodjá máidnunlávlla Ipmilii,

gieđas sis lea guovtteávjjot miehkki.

7Sii mávssahit álbmogiidda

ja ráŋggáštit čearddaid,

8sii čatnet láhkkiiguin daid gonagasaid

ja bidjet ruvddiide daid oaivámuččaid.

9Sii ollašuhttet duomu

maid Hearrá lea mearridan.

Dat lea su oskkáldasaid gudni.

Halleluja!

150

Sálbma 150

1501

150,1
148,1
Halleluja!

Máidnot Ipmila su bassibáikkis,

rámidehket su almmi alla sálain!

2

150,2
105,2+
Máidnot su, su fámolaš daguid,

máidnot su, su váldi lea stuoris!

3

150,3
33,2+
Máidnot su čuoddjilis dorvviiguin,

máidnot su hárppaid ja lyraid jienain!

4Máidnot su rumbbuiguin ja dánsumiin,

máidnot su streaŋgačuojanasaid

ja njurgganasaid čuojahemiin!

5Máidnot su symbálaid čuodjamiin,

máidnot su čuojaideaddji symbálaiguin!

6

150,6
148,10
Alm 5,13
Buot mas lea vuoiŋŋanas,

máidnos Hearrá!

Halleluja!